Rosser : Astudio Gyda Ni , Prifysgol Aberystwyth

Trosolwg

Saif Rosser ar ben uchaf y prif gampws, Campws Penglais, ger neuaddau preswyl Cwrt Mawr a Trefloyne - sydd yn gartref i ryw 1000 o fyfyrwyr i gyd. Mae gan lawer o'r ystafelloedd olygfeydd braf ar y dref a'r bae, sydd ryw gwta ddeng munud o dro i ffwrdd ar droed.

Llety

Mae Rosser yn gartref i ryw 350 o fyfyrwyr mewn 4 bloc gwahanol (heb gyfrif Rosser G). Mae pob bloc yn cynnwys naill ai 6 neu 12 fflat hunangynhwysol, ac 8 ystafell wely sengl ym mhob un. Bydd gan y preswylwyr eu hystafell ymolchi eu hunain, a byddant yn rhannu cegin a man seddi esmwyth.

Arlwyo

Llety hunanarlwyo yw Rosser; mae'r myfyrwyr yn rhannu ceginau mewn fflatiau hunangynhwysol.

Mae Rosser wedi’i leoli 5 munud ar droed o archfarchnad CK's, neu gall myfyrwyr siopa yn yr archfarchnadoedd mawr yn y dref.

Ond, os hoffech ddefnyddio ein cyfleusterau arlwyo gallwch roi arian ar eich Cerdyn Aber, neu gall teulu/ffrindiau ychwanegu ato ar eich rhan, i’w ddefnyddio yn unrhyw un o’r bwytai ar y campws – mi gewch ostyngiad o 10% yn ogystal!

Adnoddau

Dyma rai o brif gyfleusterau Rosser:

Llety hunanarlwyo.
Ystafelloedd en-suite.
Cyswllt Di-wifr a Gwifredig.
Adnoddau golchi dillad.
Gwasanaeth glanhau yn y mannau cyhoeddus tu allan i'ch fflat - mynedfeydd, pen y grisiau, y grisiau a choridorau.
Mynediad i'r Canolfannau Dysgu (Lolfa @ Rosser neu Lolfa @ PJM).
Storfa ddiogel i gadw beiciau.
Mannau casglu Sbwriel ac Ailgylchu.
Parcio (cyfyngedig, rhaid cael trwydded).
Mae Cynorthwywyr Preswlfa'n darparu cymorth a chyngor.