Gwneud cais Ar-lein
Rhaglenni Amser Llawn, Rhan-amser a Dysgu o Bell
Dylid gwneud ceisiadau am astudiaethau ôl-raddedig ar-lein drwy'r Porth Ceisiadau Derbyn Ôl-raddedig.
I wneud cais, ewch i dudalennau'r Cwrs yn gyntaf a dod o hyd i fanylion y cwrs yr hoffech wneud cais amdano. Unwaith y byddwch wedi dod o hyd i'r Dudalen Cwrs o'ch dewis, dewiswch y botwm "Ymgeisio Nawr" i ddechrau eich cais.
Bydd y Porth Ceisiadau Derbyn Ôl-raddedig yn gofyn i chi roi eich manylion personol i ni, cadarnhau eich dewis(au) cwrs a lanlwytho dogfennau i gefnogi eich cais. Sicrhewch eich bod wedi cadw dogfennau ategol ar ffurf PDF ac yn barod i'w lanlwytho i'ch cais ar-lein.
Os na allwch ddod o hyd i'r cwrs penodol yr hoffech wneud cais amdano, neu os oes gennych unrhyw gwestiynau am y broses ymgeisio, cysylltwch â'r Swyddfa Derbyn Ôl-raddedig (derbyn@aber.ac.uk) i gael cyngor pellach.
Cyrsiau Byr mewn Astudiaethau Gwybodaeth
Sylwch y dylid gwneud ceisiadau am Gyrsiau Byr mewn Astudiaethau Gwybodaeth trwy Ddysgu o Bell at ddibenion datblygiad proffesiynol parhaus trwy gyflwyno Ffurflen Gais Cwrs Byr wedi'i chwblhau. Ni ddylai ymgeiswyr am Gyrsiau Byr mewn Astudiaethau Gwybodaeth wneud cais ar-lein trwy'r Porth Ceisiadau Derbyn Ôl-raddedig. Gellir dod o hyd i ragor o wybodaeth yn https://www.aber.ac.uk/cy/dis/courses/short-courses/#sut-i-wneud-cais.
Cyrsiau heb eu Rhestru ar Dudalennau Cwrs
Sylwch fod sawl cwrs nad ydynt efallai wedi'u rhestru ar ein Tudalennau Cyrsiau ar hyn o bryd. Fodd bynnag, gallwch barhau i ddefnyddio'r Porth Ceisiadau Derbyn Ôl-raddedig i wneud cais am y rhaglenni canlynol. Defnyddiwch y dolenni canlynol i wneud cais am y cyrsiau hyn.
