Geirfa mathau o gyrsiau/Dulliau astudio

Mae Prifysgol Aberystwyth yn cynnig ystod o ddulliau astudio ar gyfer graddau Ôl-raddedig. Gweler disgrifiad o bob un isod:

• Amser-Llawn

  Wedi’i lleoli ar y safle yn Aberystwyth, mae Prifysgol Aberystwyth yn cynnig profiad academaidd preswyl eithriadol i chi os ydych yn dymuno astudio’n llawn amser. Mae mwyafrif helaeth y myfyrwyr ôl-raddedig yn astudio'n llawn amser. 

  Bydd myfyrwyr sy’n absennol o’u gwaith neu sy’n ystyried addysg uwch fel rhan o newid gyrfa yn ei chael hi’n haws ymroi i’w hastudiaethau yn amgylchedd academaidd Aberystwyth.

• Rhan-Amser

  Mae llawer o'n cyrsiau ôl-raddedig ar gael yn rhan-amser, er mwyn i chi allu parhau â'ch gyrfa a'ch astudiaethau ar yr un pryd. Nid oes rhaid i fyfyrwyr ymchwil rhan-amser (LLM trwy Ymchwil, MPhil, a PhD) fod yn byw yn Aberystwyth fel arfer. Pennir gofynion presenoldeb gan y Pennaeth Adran perthnasol. Lle bo’n ymarferol, anogir myfyrwyr ymchwil rhan-amser i fynychu Modiwlau Hyfforddiant Ymchwil y Brifysgol.

Dysgu o Bell

Mae Dysgu o Bell yn disgrifio dull amgen o gyflwyno cyrsiau a addysgir trwy becynnau astudio ac ysgolion astudio yn hytrach na'r dull traddodiadol o ddarlithoedd neu seminarau. 

Mae ein cyrsiau Dysgu o Bell yn caniatáu ichi astudio ar lefel ôl-raddedig heb adael eich swydd na'ch cartref, ac eithrio mynychu Ysgolion Astudio preswyl byr yn Aberystwyth. Mae'r dull hwn o ddysgu yn annog myfyrwyr i fod yn uchel eu cymhelliant, i gymryd cyfrifoldeb am eu dysgu eu hunain, ac i reoli eu hamser yn effeithiol. 

Gellir ymgymryd â Dysgu o Bell ar hyn o bryd yn yr Adran Astudiaethau Gwybodaeth, Adran y Gyfraith a Throseddeg a Sefydliad y Gwyddorau Biolegol, Amgylcheddol a Gwledig (IBERS).

• Graddau Ymchwil Allanol neu Raddau Ymchwil Hollt

  Gall Prifysgol Aberystwyth fod yn hyblyg iawn i’ch galluogi i wneud ymchwil yn eich man cyflogaeth, naill ai oherwydd eich bod am arholi pwnc sy’n arbennig o berthnasol i’ch gyrfa neu gyflogwr, neu oherwydd bod angen i chi gael mynediad at offer neu adnoddau arbenigol (er enghraifft corfforaethol archifau) fel rhan o'ch ymchwil. Gall trefniadau o'r fath fod yn arbennig o ddeniadol i academyddion tramor sy'n dymuno uwchraddio eu cymwysterau addysgol heb adael eu swydd prifysgol bresennol yn eu mamwlad.

• Myfyrwyr sy'n Ymweld ac Astudiaethau Ôl-raddedig heb Gymhwyso (NQPG)

  Mae llawer o'n cyrsiau a addysgir wedi'u cynllunio gyda'r bwriad o ddiwallu anghenion cyflogaeth presennol. Mae'r gwahanol ddulliau astudio a ddisgrifir uchod yn bodoli i gynnwys ac ategu llwybrau gyrfa unigol.  

  Gall fod gan fyfyrwyr ymchwil oruchwylwyr allanol yn ychwanegol at yr oruchwyliaeth a ddarperir gan Brifysgol Aberystwyth. Efallai y bydd rhai myfyrwyr ymchwil yn dymuno dod i brifysgol Aberystwyth ar gyfer ymweliad ymchwil fel rhan o'u hastudiaethau yn y brifysgol gartref. Gall y llwybr NQPG fod yn un sydd ar gael. Mae’r Brifysgol yn croesawu pob cais gan unigolion i fynychu’r sefydliad fel myfyrwyr gwadd, a chaiff y manylion eu cwblhau gan y Swyddfa Derbyn Graddedigion a’r adran academaidd berthnasol.