Cael trafferth talu eich ffioedd?

Mae amgylchiadau esgusodol yn sefyllfaoedd annisgwyl sy'n effeithio'n sylweddol ar allu myfyriwr i dalu ei ffioedd dysgu. Rhaid i'r amgylchiadau hyn effeithio'n uniongyrchol ar gyllid y myfyriwr er mwyn cael eu hystyried. Mae enghreifftiau o amgylchiadau cymwys yn cynnwys:

• Argyfyngau teuluol: Megis marwolaeth neu salwch aelod o'r teulu sy'n darparu cyllid.
• Argyfyngau economaidd cenedlaethol: Yng ngwlad enedigol y myfyriwr.
• Colli swydd neu ostyngiad sylweddol mewn incwm: Gan y sawl sy’n darparu’r cyllid.
• Trychinebau Naturiol: Sy’n effeithio'n uniongyrchol ar y myfyriwr neu eu cyllid.

Mae'r amgylchiadau na fyddant yn cael eu hystyried yn cynnwys:

• Diffyg cyllid cychwynnol: Myfyrwyr sy'n cyrraedd y brifysgol heb unrhyw gyllid ar gyfer eu cwrs.
• Camddefnyddio cyllid personol: Ar gyfer myfyrwyr sy’n hunan-ariannu.
• Materion ariannol anuniongyrchol: Sefyllfaoedd nad ydynt yn effeithio'n uniongyrchol ar incwm y myfyriwr.
• Straen academaidd: Straen neu bwysau cyffredinol o ganlyniad i astudiaethau academaidd.

Mae angen tystiolaeth annibynnol i gefnogi honiadau o amgylchiadau esgusodol. Bydd angen i'r dystiolaeth hon ymwneud yn uniongyrchol â'ch cyllid neu'ch incwm. Gall hyn gynnwys:

• Tystysgrifau meddygol neu nodiadau meddyg: Ar gyfer salwch neu anaf.
• Tystysgrifau marwolaeth: Ar gyfer argyfyngau teuluol.
• Llythyrau neu hysbysiadau swyddogol: O ran colli swydd neu ostyngiad mewn incwm.
• Dogfennau: Am argyfyngau cenedlaethol neu drychinebau naturiol gan awdurdodau cydnabyddedig.

Dylai myfyrwyr sydd eisiau datgelu i'r Brifysgol nad ydynt yn gallu talu eu ffioedd ddilyn y camau hyn:

1. Trafodwch gyda'r Tîm Gweithrediadau Ariannol: I ddechrau, trafodwch eich sefyllfa gyda'r tîm Gweithrediadau Ariannol ac eglurwch pam na allwch dalu'ch ffioedd. Os ydych yn profi amgylchiadau ariannol esgusodol, cewch eich cyfeirio at Gynghorydd Myfyrwyr yn y Gwasanaethau Myfyrwyr a gofynnir i chi lenwi ffurflen ar-lein.
2. Casglwch dystiolaeth a chwblhau Ffurflen Amgylchiadau Ariannol Esgusodol: Casglwch dystiolaeth o'ch sefyllfa i gefnogi'ch achos, gan ddangos yr effaith ar eich incwm neu'ch cyllid. Mae'r ffurflen ar gael yma.
3. Cwrdd â Chynghorydd Myfyrwyr yn y Gwasanaethau Myfyrwyr: Ymgynghorwch â Chynghorydd Myfyrwyr yn y tîm Cyngor ac Arian i drafod eich rhesymau dros fethu â thalu eich ffioedd.
4. Cyflwynwch eich achos i'r Tîm Gweithrediadau Ariannol: Cyflwynwch eich achos, ynghyd â'r dystiolaeth ategol, i'r Tîm Gweithrediadau Ariannol drwy eich Cynghorydd Myfyrwyr. Yna bydd y tîm yn aildrafod cynllun talu gyda chi.

Mae'r Brifysgol yn cydnabod y gallai rhai myfyrwyr fod angen cymorth ychwanegol i reoli eu materion ariannol a bydd yn ceisio nodi rhwystrau posibl a achosir gan systemau'r Brifysgol a allai effeithio'n negyddol ar allu’r myfyriwr i ymgysylltu â'n gwasanaethau. Nid yw bregusrwydd yn eithrio myfyriwr rhag talu’r symiau sy'n ddyledus, ond bydd y Tîm Gweithrediadau Ariannol yn cymryd gofal arbennig wrth ystyried achosion sy'n ymwneud â myfyrwyr bregus.

Bydd y Tîm Gweithrediadau Ariannol yn adolygu pob cais a’r dystiolaeth ategol ar gyfer amgylchiadau esgusodol. Bydd y penderfyniadau'n seiliedig ar y dystiolaeth a ddarperir a'r effaith benodol ar allu'r myfyriwr i dalu eu ffioedd. Gallant ofyn am wybodaeth neu dystiolaeth ychwanegol os oes angen, ac yna byddant yn aildrafod cynllun talu diwygiedig gyda chi.

Bydd y Tîm Gweithrediadau Cyllid yn monitro cynlluniau talu diwygiedig ac yn darparu cefnogaeth barhaus i sicrhau eich bod yn talu’r rhandaliadau y cytunwyd arnynt. Trefnir cyfarfodydd rheolaidd i asesu eich sefyllfa ariannol a chynnig rhagor o gymorth os oes angen. Os na thelir y taliadau y cytunwyd arnynt, dilynir y broses a amlinellir yn Adran 17 o'r Llawlyfr Gweithdrefnau Ariannol, gan gynnwys unrhyw gosbau perthnasol.

Gall myfyrwyr sy'n chwilio am gymorth a chyngor ychwanegol ddefnyddio’r adnoddau canlynol:

• Y Tîm Gweithrediadau Cyllid: Yn gyfrifol am gasglu ffioedd dysgu a llety.
• Cyngor ac Arian: Wedi'i leoli yn y Gwasanaethau Myfyrwyr, mae’n cynnig cyngor a chymorth ariannol.
• StepChange: Elusen ddyled sy'n cynnig cyngor a datrysiadau am ddim ynghylch dyledion.
• Save The Student: Adnodd sy'n darparu awgrymiadau arbed arian a chyngor ariannol i fyfyrwyr.