Gwasanaethau Myfyrwyr

Mae'r Gwasanaethau Myfyrwyr yma i'ch helpu i fanteisio i'r eithaf ar eich amser ym Mhrifysgol Aberystwyth a gwneud y mwyaf o'ch cyfleoedd ar ôl graddio. Gan weithio ar y cyd ar draws y Brifysgol a chyda gwasanaethau allanol, rydym yn cynnig amrywiaeth o gymorth ac adnoddau i bob myfyriwr, ni waeth pa heriau y gallech eu hwynebu.

Mae ein timau cyfeillgar ar gael drwy gydol y flwyddyn, o ddydd Llun i ddydd Gwener, i roi cyngor a chefnogaeth ar ystod eang o bynciau, gan gynnwys gofynion hygyrchedd, anghenion lles, cyngor ariannol, cymorth fisa a chanllawiau gyrfa.