Dosbarthiadau Meistr Pwnc-benodol

Arwyr ac ysbïwyr: sut i greu cymeriadau cofiadwy

Gweithdy ysgrifennu creadigol yw hwn sy'n canolbwyntio ar y gwaith o lunio cymeriad. Beth sy'n gwneud cymeriad mewn stori yn unigolyn byw a chredadwy? Sut orau i fynd ati i greu cymeriad crwn gyda'r dychymyg yn unig? Cei'r atebion a chyfle i greu yn y sesiwn hon.

Lle a Hunaniaeth

Bydd y sesiwn yn rhoi arweiniad ar sut mae daearyddwyr wedi deall y cysyniad o le a’r ffordd mae lle yn chwarae rôl ganolog wrth ddiffinio hunaniaeth grwp. Trafodir nifer o astudiaeth achos cyfoes fel ffordd o archwilio’r syniadau hyn.

Brexit a Dyfodol y Deyrnas Unedig

Mae penderfyniad y Deyrnas Unedig i adael yr Undeb Ewropeaidd, yn dilyn canlyniad y refferendwm ym mis Mehefin 2016, wedi codi nifer o gwestiynau ynglŷn a dyfodol y wladwriaeth. Beth fydd effaith Brexit ar statws rhyngwladol y Deyrnas Unedig? Beth fydd effaith Brexit ar yr economi ac ar safonau byw ar draws y Deyrnas Unedig? Beth fydd effaith Brexit ar ein rhyddid i deithio, astudio a gweithio ar draws Ewrop? Beth fydd effaith Brexit ar undod y Deyrnas Unedig a’r berthynas rhwng Cymru, yr Alban, Lloegr a Gogledd Iwerddon? Bydd y sesiwn ryngweithiol hon yn cynnig cyflwynid i rai o brif bynciau llosg y broses Brexit ac yn holi i ba raddau y bydd y Deyrnas Unedig dal yma erbyn y flwyddyn 2050!

Gwrando ar Hanes: Y Mudiad Hawliau Sifil yn America

Dywedwyd bod y mudiad hawliau sifil Affro-Americanaidd yn ystod y 1950au a’r 1960au yn ‘fudiad canu mawr’ ble y defnyddiwyd caneuon fel arfau mewn brwydr dros ryddid, cyfiawnder a chydraddoldeb. Mae’r sesiwn hon yn defnyddio’r mudiad hawliau sifil fel achos enghreifftiol er mwyn ystyried i ba raddau y gall haneswyr wrando ar hanes a defnyddio gwahanol fathau o ffynonellau clywedol fel ffynonellau hanesyddol gwreiddiol. Mae’r gweithdy hwn yn defnyddio caneuon, siantau, pregethau, areithiau, darllediadau radio a pherfformiadau comedi i drafod y materion sy’n codi pan fo haneswyr yn gwrando ar hanes.

Seicoleg Iechyd mewn Gweithred!

Mae seicoleg ar waith o'n gwmpas ni; weithiau mewn ffyrdd yr ydym yn ymwybodol ohonynt ond weithiau mewn ffyrdd cynnil nad ydym ni! Yn y sesiwn hon, rydym yn ystyried sut mae seicoleg ar waith i newid ein hymddygiad iechyd yn fwriadol ac yn gyfrwys; weithiau'n gyda'r bwriad o annog ni i fod yn fwy iach ac weithiau'n ein tystio i arferion afiach!

Ym Mhob Iaith

Dyma sesiwn ymarferol a fydd yn cyflwyno sgiliau ar gyfer dyfeisio perfformiadau creadigol.  Fe fydd yn cynnwys elfennau o symud, ac o addasu symudiadau er mwyn creu golygfeydd dramataidd gyda thestunau a gofod.