Ffioedd Dysgu

Mae Llywodraeth Cymru wedi cyhoeddi cynlluniau i gynyddu’r ffi uchaf y gellir ei chodi ar israddedigion amser-llawn o’r DU ac Iwerddon o £9,250 i £9,535. Wrth aros am is-ddeddfwriaeth ar y newid hwn, rydym yn bwriadu gweithredu’r newid hwn i ffioedd y myfyrwyr perthnasol ym mlwyddyn academaidd 2025/26. Rydym wedi llunio tudalen Cwestiynau Cyffredin y gallwch ddod o hyd iddi yma.

Noder y bydd gwladolion Gwyddelig yn parhau i fod yn gymwys i gael cymorth a statws ffioedd cartref gan Lywodraeth Cymru o dan drefniant yr Ardal Deithio Gyffredin.

Mae pob myfyriwr rhyngwladol yn gymwys i wneud cais am Wobr Llety Myfyrwyr Rhyngwladol, sy'n golygu y gall costau llety gael eu cynnwys yn eich ffioedd dysgu.

Ar gyfer myfyrwyr israddedig rhyngwladol, caiff lefelau ffioedd eu rhewi ar lefel mynediad ar gyfer y blynyddoedd astudio dilynol. Mae hyn yn golygu eich bod yn gwybod yn union beth fydd lefelau eich ffioedd drwy gydol eich astudiaethau gyda Phrifysgol Aberystwyth.

Yn dilyn penderfyniad Llywodraeth y DU i ostwng lefel uchaf y ffioedd i fyfyrwyr y DU ac Iwerddon ar gyfer Blynyddoedd Sylfaen pynciau a ddysgir yn yr ystafell ddosbarth, y ffi ar gyfer Blwyddyn Sylfaen y cynlluniau canlynol fydd £5,760 o’r Flwyddyn Academaidd 2025/26:

Cyfrifeg a Chyllid (N40F)

Busnes a Rheolaeth (N12F)

Economeg Busnes (L11F)

Cyllid Busnes (N31F)

Troseddeg (M90F)

Economeg (L10F)

Addysg (X30F)

Llenyddiaeth Saesneg ac Ysgrifennu Creadigol (QW3F)

Hanes (V10F)

Cysylltiadau Rhyngwladol (F42L)

Cysylltiadau Rhyngwladol a Hanes Milwrol (F2VL)

Y Gyfraith (M10F)

Marchnata (N50F)

Cymdeithaseg (L30F)

Bydd lefel y ffioedd ar gyfer Blwyddyn Sylfaen pob cynllun arall ar lefel uchaf ffi'r Llywodraeth ar gyfer graddau Baglor.

Ar ôl cael cymeradwyaeth gan Lywodraeth Cymru i gynyddu'r ffi uchaf y gellir ei chodi ar israddedigion amser-llawn o'r DU ac Iwerddon, sef o £9,000 i £9,250, byddwn yn gweithredu'r newid hwn i ffioedd y myfyrwyr perthnasol i’r flwyddyn academaidd 2024/25. 

Noder y bydd gwladolion Gwyddelig yn parhau i fod yn gymwys i gael cymorth a statws ffioedd cartref gan Lywodraeth Cymru o dan drefniant yr Ardal Deithio Gyffredin.

Mae pob myfyriwr rhyngwladol yn gymwys i wneud cais am Wobr Llety Myfyrwyr Rhyngwladol. Mae hyn yn golygu bod cost eich llety a reolir gan brifysgol wedi'i gynnwys yn eich ffioedd dysgu. Gan ddibynnu ar ba lety yr ydych yn ei ddewis, bydd hyn naill ai’n gwbl rad ac am ddim neu â gostyngiad o £2,000. 

Ar gyfer myfyrwyr israddedig rhyngwladol, caiff lefelau ffioedd eu rhewi ar lefel mynediad ar gyfer y blynyddoedd astudio dilynol. Mae hyn yn golygu eich bod yn gwybod yn union beth fydd lefelau eich ffioedd drwy gydol eich astudiaethau gyda Phrifysgol Aberystwyth.