Strategaeth Ehangu Mynediad

Rydym yn cydnabod nad oes gan y grwpiau canlynol gynrychiolaeth ddigonol mewn addysg uwch a/neu fod angen cymorth ychwanegol arnynt:

• Myfyrwyr o ardaloedd lle nad yw’n debygol fod gan deuluoedd gefndir blaenorol mewn AU
• Myfyrwyr yn y cwantil gwaelod mewn ardaloedd cynnyrch ehangach is ym Mynegai Amddifadedd Lluosog Cymru
• Myfyrwyr o deuluoedd incwm isel
• Myfyrwyr ag anableddau
• Myfyrwyr o gefndir gofal neu sydd wedi dieithrio o’u teuluoedd, ac Oedolion Ifanc sy’n Ofalwyr
• Myfyrwyr o gefndiroedd lleiafrifol ethnig
• Myfyrwyr Aeddfed
• Lesbaidd, Hoyw, Deurywiol, Trawsryweddol a Chwîar (LHDTC)
• Myfyrwyr Cyfrwng Cymraeg
• Myfyrwyr â phlant
• Myfyrwyr yn perthyn i grefydd neu gred
• Ceiswyr Lloches / Carcharorion 

Gweithio gydag ysgolion a cholegau i godi dyheadau grwpiau heb gynrychiolaeth ddigonol mewn addysg uwch.

1.1 - Darparu sgyrsiau, gweithgareddau a gweithdai wedi’u targedu at bobl ifanc a nodwyd eu bod mewn perygl o gyflawni’n isel.
1.2 - Cyflwyno gweithgareddau cyfoethogi pwnc-benodol i fyfyrwyr yng Nghymru ac yng ngweddill y DU
1.3 - Cyfoethogi darpariaeth barhaus i godi ymwybyddiaeth o AU gyda grwpiau oedran cynradd mewn ysgolion a chymunedau wedi’u targedu lle ceir anfantais uchel
1.4 - Cyfoethogi ein darpariaeth Ehangu Cyfranogiad bresennol gan ganolbwyntio ar ysgolion/colegau targed

Chwalu rhwystrau at ymgeisio ymhlith grwpiau heb gynrychiolaeth ddigonol mewn addysg uwch.

2.1 - Gweithio’n barhaus i wella ein polisi a’n gweithdrefnau derbyn cyd-destunol. Bydd ymgeiswyr cymwys yn derbyn ystyriaeth arbennig, fel cynnig is na’r hyn a gyhoeddir yn ein meini prawf mynediad safonol
2.2 - Cyflwyno sesiynau cyngor ac arweiniad mewn ysgolion a cholegau mewn ardaloedd difreintiedig, gan gynnwys sesiynau ffug-gyfweliad a chyflwyniadau e.e. proses ymgeisio UCAS, Ysgrifennu Datganiad Personol, Cyllid Myfyrwyr a Bywyd Myfyrwyr.
2.3 - Darparu cymorth teithio a llety dros nos i alluogi myfyrwyr i ddod i weithgareddau ar y campws e.e. Diwrnodau Agored Israddedig ac Uwchraddedig a Diwrnodau Ymweld i Ymgeiswyr
2.4 - Gwella ein rhaglenni bwrsariaethau a dyfarniadau’n barhaus, gan fonitro’r effaith ar fyfyrwyr o grwpiau heb gynrychiolaeth ddigonol (h.y. y rhai sy’n Gadael Gofal, Ysgoloriaethau Partneriaeth Ysgol/Coleg ac ati)
2.5 - Lansio rhaglen newydd Aber Ar Agor i ddysgwyr Ehangu Cyfranogiad ôl-16 a dargedir

Gweithio’n agos gyda phartneriaid rhanbarthol i gyflenwi nodau Partneriaeth Ymestyn yn Ehangach.

3.1 - Gweithio’n agos gyda’n Partneriaid Ymestyn yn Ehangach i sicrhau ymagwedd gydlynol at ddarpariaeth Ymestyn yn Ehangach ledled y rhanbarth
3.2 - Cyflwyno’r gweithgareddau a nodir yng Nghynlluniau Rhaglen Ymestyn yn Ehangach 2021/22 i 2022/23 a thu hwnt.

Gweithio’n agos gyda chyrff allanol i barhau i godi dyheadau grwpiau heb gynrychiolaeth ddigonol mewn addysg uwch, drwy amrywiol ddigwyddiadau a gweithgareddau.

4.1 - Bydd gweithredu’r strategaeth hon yn llwyddiannus yn golygu cydweithio a gwaith partneriaeth. Byddwn yn parhau i weithio gydag amrywiaeth o bartneriaid strategol i gefnogi ein gweithgareddau ehangu cyfranogiad. Mae ein partneriaid yn cynnwys:

• Partneriaeth Ymestyn yn Ehangach
• Rhwydwaith Seren
• Nuffield Project
• Urdd Gobaith Cymru
• Scarlets (Gwaith Cymunedol)
• Llywodraeth Cymru – Senedd
• Llyfrgell Genedlaethol Cymru
• Go Wales
• Gŵyl y Gelli
• CREDU, Connecting Carers
• Gyrfaoedd Ceredigion
• Cyngor Cyllido Addysg Uwch Cymru
• CLASS Cymru (Cymorth i'r Rhai sy'n Gadael Gofal a Myfyrwyr Cymru) 

Datblygu darpariaeth sy’n cefnogi dilyniant.

5.1 - Datblygu a chyfoethogi llwybrau amgen i Brifysgol Aberystwyth drwy barhau i ddatblygu ein Rhaglen Sylfaen
5.2 - Gweithio gyda phartneriaid allanol i greu cyfleoedd profiad gwaith i fyfyrwyr ar gyrsiau addysg uwch yng Nghymru.   
5.3 - Gweithio ar draws y brifysgol i gynnig dysgu o bell a chyfunol i ehangu cyfle, cyflawniad a chyrhaeddiad.

Darparu gwasanaethau cymorth sy’n gwella cyfraddau cadw myfyrwyr o grwpiau heb gynrychiolaeth ddigonol mewn addysg uwch a datblygu gwasanaethau newydd mwy addas i’w hanghenion.

6.1 - Monitro a gwella ein rhaglen bwrsariaethau a dyfarniadau’n barhaus, gan fonitro effaith hyn ar fyfyrwyr o grwpiau heb gynrychiolaeth ddigonol.
6.2 - Adolygu a rhoi cyhoeddusrwydd i gyllid caledi (mynediad at gronfa ddewisol sy’n darparu cymorth i fyfyrwyr sy’n profi anawsterau ariannol).  
6.3 - Gweithio’n barhaus i wella’r gefnogaeth a gynigir i fyfyrwyr sy’n nodi bod ganddynt anabledd neu gyflwr iechyd meddwl
6.4 - Ehangu ar y cyfle ar gyfer ymgysylltu mentora cymheiriaid gan gefnogi pontio cadarnhaol i Brifysgol Aberystwyth. 
6.5 - Darparu cymorth lles i fyfyrwyr er mwyn sicrhau eu bod yn abl i gyflawni eu potensial academaidd 

Gweithio gydag ysgolion a cholegau i godi dyheadau grwpiau heb gynrychiolaeth ddigonol mewn addysg uwch.

• Lleihau’r bwlch mynediad rhwng ymgeiswyr o Gwantil 5 a Chwantil 1 POLAR
• Casglu data ar y rheiny o grwpiau heb gynrychiolaeth ddigonol
• Cylch rheolaidd o archwilio yn erbyn ein gweithgareddau ehangu mynediad

Chwalu rhwystrau at ymgeisio ymhlith grwpiau heb gynrychiolaeth ddigonol mewn addysg uwch.

• Byddwn yn annog ehangu mynediad at astudio, drwy gael llwybrau mynediad teg a hyblyg, yn cynnig cymwysterau amrywiol. Caiff ein myfyrwyr eu grymuso i lwyddo beth bynnag yw eu cefndir personol a chymdeithasol.
• Adolygu’n strategol ac adnewyddu’r ddarpariaeth ysgoloriaethau/bwrsariaethau’n barhaus i sicrhau ei bod yn parhau i gefnogi myfyrwyr o grwpiau heb gynrychiolaeth ddigonol sydd ei hangen fwyaf.
• Byddwn yn gweithio i gynyddu nifer y myfyrwyr sy’n mynychu Aber Ar Agor bob blwyddyn.

Gweithio’n agos gyda phartneriaid rhanbarthol i gyflenwi nodau’r Bartneriaeth Ymestyn yn Ehangach.

• Cynyddu nifer y cyfleoedd addysgol.

Gweithio’n agos gyda chyrff allanol i barhau i godi dyheadau grwpiau heb gynrychiolaeth ddigonol mewn addysg uwch, drwy amrywiol ddigwyddiadau a gweithgareddau.

• Byddwn yn monitro ac yn asesu’r holl weithgareddau allgymorth gyda chyrff allanol ac yn tracio gwelliannau blynyddol o ran ymgysylltu.

Datblygu darpariaeth sy’n cefnogi dilyniant.

• Datblygu modiwlau sgiliau astudio wedi’u teilwra i anghenion codi hyder grwpiau heb gynrychiolaeth ddigonol gyda’r Cymorth Parodrwydd Gyrfaoedd.
• Sefydlu llwybr clir a thryloyw i’r brifysgol i fyfyrwyr sy’n astudio amrywiol gymwysterau mewn amrywiol leoliadau.
• Cynnal cymorth y Gwasanaeth Gyrfaoedd i fyfyrwyr sydd angen cymorth gyda CV, ffurflenni cais, cyfweliadau, profiad gwaith a lleoliadau gwaith.
• Byddwn yn edrych ar gynyddu nifer y myfyrwyr sy’n Gadael Gofal, yn Ofalwyr Ifanc ac wedi’u Dieithrio sy’n parhau â gradd Uwchraddedig.

Darparu gwasanaethau cymorth sy’n gwella cyfraddau cadw myfyrwyr o grwpiau heb gynrychiolaeth ddigonol mewn addysg uwch a datblygu gwasanaethau newydd mwy addas i’w hanghenion.

• Cynyddu nifer y myfyrwyr o gefndir gofal.
• Tiwtoriaid Personol i gefnogi myfyrwyr yn academaidd.
• Cynllun Mentora Cyfeirio yn darparu cyngor cyfrinachol am ddim ar bob agwedd ar fywyd prifysgol.
• Byddwn yn ceisio cynyddu nifer y myfyrwyr sy’n derbyn y Lwfans Myfyrwyr Anabl (DSA).