Y Ddraig yn Hedfan

Mewn cyfarfod ar faes Eisteddfod yr Urdd yng Nglynllifon lansiwyd rhifyn o’r Ddraig, sef cylchgrawn llenyddol Adran y Gymraeg a olygwyd gan rai o fyfyrwyr y flwyddyn gyntaf. Efa Gruffudd Jones, Prif Weithredwr yr Urdd a chyn-fyfyriwr yn yr Adran  oedd y wraig wadd. Wrth longyfarch y myfyrwyr ar eu gwaith, fe’u hanogodd hefyd i barhau i ysgrifennu a golygu deunydd ysgrifenedig gan fod galw mawr am raddedigion Cymraeg sy’n gallu trin yr iaith yn gywir ac yn hyderus. 

Gellir archebu copi o gylchgrawn Y Ddraig am £5 drwy gysylltu ag Adran y Gymraeg, Yr Hen Goleg, Stryd y Brenin, Aberystwyth, SY23 2AX; cymraeg@aber.ac.uk 

  

 

 

 

 

 

 

(o'r chwith i'r dde: Gwenno Edwards, Ffraid Gwenllian, Elin Haf Gruffydd, Llinos Jones ac Efa Gruffudd Jones.)