Eich cefnogi trwy gydol eich astudiaethau
Mae Prifysgol Aberystwyth wedi ymrwymo i gefnogi ein myfyrwyr ym mhob agwedd o’u bywyd fel myfyriwr, rydym yn cynnig amrywiaeth o gymorth ac adnoddau i bob myfyriwr i’w cefnogi yn ystod eu hamser yma. Rydym hefyd yn ymwybodol o'r heriau a gyflwynir gan gostau byw a sut mae hyn yn effeithio ar ein myfyrwyr.
Bydd myfyrwyr israddedig yn eu blwyddyn gyntaf sy’n astudio yn Aberystwyth o fis Medi 2024 yn elwa ar:
- Sicrwydd llety i fyfyrwyr sy’n dewis byw yn neuaddau’r Brifysgol, gydag aelodaeth canolfan chwaraeon am ddim.
- Gellir defnyddio ein hysgoloriaethau a bwrsariaethau hael i gefnogi costau byw ac academaidd.
- Cerdyn rheilffordd 16-25 am ddim, sy'n ei gwneud hi'n haws teithio yn ôl ac ymlaen i'r Brifysgol.
- Gostyngiad o £1,000 ar gyfer Graddedigion Aberystwythsy'n dymuno dilyn astudiaethau uwchraddedig trwy’r Ysgoloriaeth Graddedigion Aber ynghyd â nifer o grantiau a chyfleoedd ariannu eraill.
- Tocyn tymor am ddim i Glwb Pêl-droed Tref Aberystwyth. Dylai myfyrwyr sy'n rhagori mewn pêl-droed hefyd ystyried gwneud cais am Ysgoloriaeth CPD Tref Aberystwyth, gwerth £4,000.
Ystyrir Aberystwyth yn lle fforddiadwy i fyw ynddo o gymharu â llawer o drefi a dinasoedd prifysgol eraill ac mae wedi'i gosod ymhlith y 5 Dinas Myfyrwyr rhataf yn y DU ar gyfer Llety Myfyrwyr gan Student Crowd.
Ein pynciau
Yn Aberystwyth, rydyn ni’n cynnig rhaglen o gyrsiau a gynlluniwyd i roi cymaint o ddewis a hyblygrwydd â phosibl. Cewch eich dysgu gan ddarlithwyr sy'n gweithio ar ymchwil arloesol ar lefel fyd-eang, a bydd hyn yn eich cynorthwyo i feithrin sgiliau newydd a datrys problemau yn y byd go iawn.
Bywyd Myfyrwyr
Yn Aberystwyth, rydym yn ymdrechu i gynnig profiad heb ei ail i fyfyrwyr, cawsom ein gosod ar y Brig yng Nghymru a Loegr ar gyfer fodlonrwydd myfyrwyr (ACF 2022) ac ar y Brig yng Nghymru (ACF 2023). Mae Undeb y Myfyrwyr yn gartref i dros 100 o glybiau a chymdeithasau. Cefnogi ein myfyrwyr yw un o’n prif flaenoriaethau, ac mae tîm ymroddedig y Gwasanaeth Cymorth i Fyfyrwyr yn cynnig y cyngor ymarferol, emosiynol ac ariannol angenrheidiol i'ch helpu i lwyddo yn eich astudiaethau.
Ein Lleoliad
Rhwng mynyddoedd y Canolbarth a glannau Bae Ceredigion, mae'n dirwedd brydferth o fryniau tirion, dyffrynnoedd, traethau a'r môr. Ac nid yw parciau cenedlaethol enwog Eryri a Sir Benfro yn bell, chwaith. Mae ein lleoliad yn ddelfrydol os oes gennych ddiddordeb mewn gweithgareddau awyr agored. Mae Aberystwyth yn dref fyfyrwyr groesawgar, gynhwysol a bywiog ac yn amgylchedd diogel i gymdeithasu ynddo.
Ysgoloriaethau a Bwrsariaethau
Yn Aberystwyth, cynigiwn ysgoloriaethau a bwrsariaethau hael i roi cymorth ariannol i chi wrth astudio. Mae myfyrwyr yn gymwys i ennill mwy nag un dyfarniad sy'n golygu y gallech gael dros £18,000.
Mae ein hysgoloriaethau a'n bwrsariaethau blaenllaw yn cynnwys:
- Ysgoloriaethau Rhagoriaeth
- Ysgoloriaethau Mynediad
- Gwobr Llety Myfyrwyr Rhyngwladol
- Ysgoloriaethau Cerdd
- Ysgoloriaethau Chwaraeon.
Llety
Rydyn ni’n gwarantu llety i holl fyfyrwyr y flwyddyn gyntaf sy’n dewis byw mewn llety a reolir gan y Brifysgol. Mae yma sawl math o lety, o neuaddau arlwyo i rai hunanarlwyo, fflatiau en-suite i fflatiau stiwdio. Mae llawer o’r llety o fewn cyrraedd ar droed i brif adeiladau'r Brifysgol ac mae gan rai olygfa ysblennydd o'r môr hyd yn oed. Mae myfyrwyr sy'n byw yn llety’r brifysgol yn cael aelodaeth blatinwm am ddim yng Nghanolfan Chwaraeon y Brifysgol, sy'n golygu bod ganddynt hawl heb gyfyngiad i ddefnyddio holl adnoddau’r ganolfan a'r dosbarthiadau ffitrwydd.
Astudio Dramor
Bydd myfyrwyr ar bron bob cynllun gradd yn cael cyfle i astudio neu weithio dramor. Mae llawer o'n cyrsiau'n cynnwys blwyddyn integredig yn astudio dramor. Mae'r cyfleoedd yn cynnwys semester neu flwyddyn academaidd gyfan yn astudio yn un o'n prifysgolion partner neu'n cyflawni lleoliad profiad gwaith sy’n gysylltiedig â'ch gradd. Bydd ein tîm Cyfleoedd Byd-eang yn eich cynorthwyo i weld yr hyn sydd orau i chi.
Profiad gwaith a Blwyddyn mewn diwydiant
Rydym yn cynnig nifer o gyrsiau israddedig a chyrsiau Meistr sy'n cynnwys blwyddyn mewn diwydiant. Os nad yw eich cwrs yn cynnwys blwyddyn mewn diwydiant, mae gan ein Gwasanaeth Gyrfaoedd amrywiaeth o leoliadau profiad gwaith i chi ddewis o’u plith. P'un a ydych yn cymryd lleoliad profiad gwaith neu'n cwblhau blwyddyn mewn diwydiant, bydd y ddau opsiwn yn rhoi cyfle i gael profiad ymarferol, a gwella eich CV ar ôl graddio.
Ymchwil
Mae ein gwaith ymchwil yn cael ei gydnabod yn rhyngwladol am fod yn ymchwil arweiniol ar lefel fyd-eang (FfRhY 2021). Rydym yn falch o fod wedi cyfrannu at brosiectau byd-eang sylweddol, yn cynnwys y Newid yn yr Hinsawdd a materion iechyd byd-eang. Yn Aberystwyth, cewch eich dysgu gan arbenigwyr yn eu meysydd sy'n cymhwyso’u hymchwil i'w gwaith addysgu.