Seicoleg

Beth fydda i'n ennill o'm pwnc?

Mae myfyrwyr Seicoleg yn amryddawn ac yn tueddu i fod yn chwilfrydig, yn ddadansoddol ac yn hapus wrth ymdrin â materion 'darlun mawr' yn ogystal â manylion. Trwy astudio seicoleg rydych yn meithrin ystod eang o sgiliau sy'n rhychwantu’r gwyddorau a’r celfyddydau, ac sy’n cynnig cyfleoedd gydag amrywiaeth eang o gyflogwyr.

 Dyma rai sgiliau byddwch yn ennill yn ystod eich cwrs y mae cyflogwyr yn eu gwerthfawrogi:

• Sgiliau Cyfathrebu (ysgrifenedig a llafar)
• Sgiliau ymchwil
• Sgiliau dadansoddi, casglu data a datrys problemau
• Ymwybyddiaeth foesegol
• Gwaith tîm ac ymwybyddiaeth o brosesau grŵp
• Arweinyddiaeth
• Llunio adroddiadau
• Dehongli a gwerthuso digwyddiadau, gwybodaeth a syniadau
• Rheoli amser a sgiliau trefnu
• Bod â meddwl agored

 

Beth alla i ei wneud gya'm pwnc?

Mae graddedigion Seicoleg yn rhagori mewn swyddi lle y mae’n rhaid iddynt ymdrin ag ystod o faterion cymhleth a datblygu dealltwriaeth drylwyr am feysydd a allai fod yn newydd iddynt mewn cyfnod cymharol fyr. Dyma rai o’r meysydd posibl:

• Hysbysebu/marchnata
• Bancio ac yswiriant
• Rheoli Busnes
• Gwaith Elusennol
• Addysg
• Meysydd sy'n ymwneud ag iechyd
• Llywodraeth leol a chenedlaethol
• Ymchwil y farchnad
• Y Cyfryngau
• Gweinyddu (e.e. Cynorthwyydd Personol)
• Gwleidyddiaeth
• Adwerthu a gwerthu

Opsiynau Swydd (proffesiynau siartredig - sy'n gofyn am astudiaeth ôl-radd):

• Seicolegydd clinigol
• Seicolegydd cwnsela
• Seicolegydd Addysg
• Seicolegydd Fforensig
• Athro addysg bellach
• Seicolegydd iechyd
• Seicolegydd galwedigaethol
• Gweithiwr iechyd meddwl graddedig - gofal sylfaenol
• Seicolegydd chwaraeon ac ymarfer corff

Opsiynau Swydd (sy'n berthnasol i'ch gradd):

• Cynllunydd cyfrifon hysbysebu
• Gweithiwr cynghori
• Cynghorydd Gyrfaoedd
• Cwnselydd
• Swyddog adnoddau dynol
• Ymchwilydd i’r farchnad
• Seicotherapydd

Mae'r rhan fwyaf o gyflogwyr yn derbyn ceisiadau gan raddedigion unrhyw bwnc gradd, felly peidiwch â chyfyngu eich hun i’r swyddi a restrir yma. Ystyriwch eich cryfderau ac edrychwch ar y proffiliau swydd i weld a yw’r swyddi hyn yn addas ar eich cyfer a sut y gallech ddatblygu'r sgiliau a/neu’r wybodaeth angenrheidiol.

Profiad Gwaith

Mae'n syniad da adeiladu eich profiad gwaith cyn gynted ag y gallwch. Gall gweithio ar sail wirfoddol yn gyntaf eich helpu i gael profiad, ond mae hefyd yn werth gwneud cais am interniaethau, lleoliadau gwaith dros yr haf, a gwaith yn cysgodi rhywun tra’ch bod yn y brifysgol. Os oes gennych ddiddordeb mewn swyddi Siartredig, yna mae'n bwysig cael profiad gwaith perthnasol. Ceir isod adnoddau defnyddiol ar gyfer dod o hyd i brofiad gwaith sy'n ymwneud â seicoleg.

Astudiaethau pellach

Mae hyfforddiant ac astudiaethau ôl-radd yn ofyniad i fod yn seicolegydd siartredig. Oherwydd gofynion mynediad y cwrs, mae llawer o raddedigion seicoleg yn treulio blwyddyn neu fwy yn cael profiad gwaith cyn cychwyn ar eu hastudiaethau ôl-radd. Gall graddedigion seicoleg hefyd ddewis ymgymryd â chymhwyster ôl-radd mewn meysydd gyrfaol eraill, e.e. addysgu, hysbysebu, marchnata neu Adnoddau Dynol. I gael rhagor o wybodaeth am astudiaethau pellach ac i ddod o hyd i gwrs sydd o ddiddordeb i chi, gweler graddau Meistr a chwilio am gyrsiau ôl-raddedig.

Adnoddau Defnyddiol

• NHS Careers 
• NACRO 
• Canolfan Cyngor ar Bopeth 
• Relate 
• Charity Job 
• Charity People
• British Medical Journal
• BMJ Mental Health
• Gyrfaoedd ym maes Seicoleg
• Health & Care Professions Council (HCPC)

Cymdeithasau a chyrff proffesiynol

Mae’r cyrff hyn yn hyrwyddo buddiannau pobl sy’n gweithio mewn proffesiynau penodol. Mae rhai yn cynnwys rhestrau o gyflogwyr sy’n aelod o’r gymdeithas dan sylw, ac mae’n bosib y byddant yn hysbysebu swyddi. Gall eraill fod yn ffynhonnell wybodaeth ddefnyddiol wrth ymchwilio i gyflogwyr ar gyfer ceisiadau neu os ydych yn ystyried cyflwyno cais ar hap.

• Cymdeithas y Seicolegwyr Addysg
• Cymdeithas Cwnsela a Seicotherapi Prydain
• Cymdeithas Seicolegol Prydain

Beth mae graddedigion Aber yn ei wneud?

Mae dwy ran o dair o raddedigion seicoleg Aber mewn swyddi neu’n ymgymryd ag astudiaethau pellach o fewn chwe mis ar ôl graddio, sy’n uwch na’r cyfartaledd ar gyfer y DU. Maent yn mynd ymlaen i gael amrywiaeth eang o yrfaoedd mewn meysydd amrywiol. Cymerwch olwg isod ar yr hyn y mae graddedigion ac ôl-raddedigion seicoleg Aberystwyth yn mynd ymlaen i’w wneud.

• Cydlynydd Gweithgareddau
• Cynorthwyydd Dysgu Anghenion Arbennig
• Cynorthwyydd Marchnata
• Cynorthwyydd Ymchwil
• Dadansoddwr Cyswllt (Mewnfudiad)
• Gweinyddwr
• Gweithiwr Addysg Breswyl
• Gweithiwr Cymorth
• Gweithiwr Cymorth Myfyrwyr
• Gweithiwr Gofal Therapiwtig
• Gweithredwr Datblygu Cyfrif Busnes
• Gweithredwr Gwasanaeth Cwsmeriaid
• Hyfforddai Masnachol
• Myfyriwr Graddedig dan Hyfforddiant
• Oedolyn Priodol
• Partner Trosglwyddo Gwybodaeth
• Rheolwr Cleientiaid
• Rheolwr Cynadleddau Graddedig
• Seicolegydd Chwaraeon (Lleoliad Lefel 1)
• Seicolegydd Clinigol Cynorthwyol
• Seicolegydd Cynorthwyol
• Swyddog Cyfathrebu Corfforaethol
• Swyddog Datblygu
• Tiwtor Dadansoddi Ymddygiad Cymhwysol (ABA) dan Hyfforddiant
• Ymchwilydd
• Ymgynghorydd Gwasanaeth Cwsmeriaid

 

Enghreifftiau o'r cyflogwyr yr aeth graddedigion ac uwchraddedigion seicoleg Aberystwyth i weithio iddynt:

• Age Cymru
• Alliance Boots
• Amryw Ysgolion, Colegau a Phrifysgolion
• Baschruch Care
• Canolfan IMAP
• Care UK
• Cartrefi Cymru
• Chester Therapy Centre
• Debenhams
• Gwasanaeth Iechyd Gwladol
• Heddlu West Mercia
• Next
• Premier Healthcare Solutions
• Sainsburys
• Swyddfa Gartref
• Young Epilepsy