Ein Prosiectau

Mae Dewis/Choice yn fenter unigryw sy'n cyfuno rhedeg gwasanaeth â phrosiect ymchwil. Ers iddi gael ei sefydlu yn 2015, bu'r pwyslais ar ymchwil weithgar a chyfranogol wrth gydweithio ag amrywiaeth eang o bobl hŷn. Rydym wedi ceisio dangos 'profiadau byw' pobl drwy amrywiaeth eang o gyfryngau gan gynnwys ffilmiau, llyfrau, cyfnodolion adolygiadau gan gymheiriaid, gweminarau, deisebau, celf a barddoniaeth.

Dyma'r gwasanaeth pwrpasol cyntaf yn y Deyrnas Unedig ar gyfer dynion hŷn, menywod a phobl anneuaidd sydd wedi cael eu camdrin gan bartner a/neu oedolyn sy'n aelod o'r teulu. Roedd ein hymchwil wedi amlygu'r angen am hyfforddiant arbenigol i sefydliadau er mwyn iddynt allu adnabod cynnydd, natur a chymhlethdod camdrin domestig sy'n digwydd yn hwyrach mewn bywyd. Mae llawer o'r rhai sy'n defnyddio'r gwasanaeth wedi ei ddisgrifio fel rhywbeth sy'n gallu achub bywydau.

Sefydlwyd Cyswllt Cyfreithiol Cyn-filwyr yn 2015 i fynd i’r afael â’r diffyg cyngor cyfreithiol yng Nghymru gan gysylltu cyn-filwyr â gwasanaethau arbenigol. Mae'r prosiect yn cynnig cyngor cyfreithiol am ddim, cyfeirio arbenigol, gwaith achos ac eirioli ym meysydd dyled a thai, ysgaru, teulu a phlant, gwaith, a cheisiadau anafiadau milwrol i gyn-filwyr yng Nghymru.

Cysylltu: info@veteranslegallinkuk.org

Facebook: Tudalen Facebook Cyswllt Cyfreithiol Cyn-filwyr

Seiliwyd Cyswllt Cyfreithiol Cyn-filwyr er mwyn i gyfreithwyr a myfyrwyr y gyfraith allu defnyddio eu sgiliau i ddod â chyfiawnder cyfartal i gyn-filwyr a'u teuluoedd mewn angen sy'n byw yng Nghymru.

Ers ei sefydlu yn 2015 gan, Dr Olaoluwa Olusanya Darllenydd yn y Gyfraith a Throseddeg ym Mhrifysgol Aberystwyth, mae'r prosiect wedi bod yn llwyddiannus wrth wneud cais am grant o £20,000 gan y Weinyddiaeth Amddiffyn ac yn agos at £5,000 gan Gronfa'r Loteri Fawr, ac mae'n dibynnu'n helaeth ar rwydwaith o glinigau cyfreithiol gwirfoddol, elusennau a sefydliadau eraill, gan gynnwys Cyngor ar Bopeth Ceredigion, Gweithredu ar gyfer Iechyd Meddwl Gorllewin Cymru, a Chyfamod Cymunedol y Lluoedd Arfog yng Ngheredigion.

Yn ogystal â helpu cyn-filwyr ac ymgymryd â'i ymchwil ei hun, mae'r prosiect hwn yn cynnig profiad gwaith gwerthfawr i fyfyrwyr, gan ddangos iddyn nhw sut mae'r gyfraith yn gweithredu yn y byd go iawn a sut mae'n gallu helpu pobl sydd mewn angen.

Gall myfyrwyr Prifysgol Aberystwyth gofrestru am y lleoliad gwaith hwn - gwaith sy'n ddigon hyblyg i fyfyrwyr sydd ag amserlen brysur, ac mae'n cynnig 80 awr o brofiad academaidd ac ymarferol. Cysylltwch â Dr Olaoluwa Olusanya i gael rhagor o wybodaeth am y cyfleoedd lleoliadau gwaith a gwirfoddoli.

Rydym yn mwynhau gweithio gyda phobl ifanc ac yn awyddus i rannu ein brwdfrydedd am ddisgyblaethau'r gyfraith a throseddeg gyda'r disgyblion yn yr ysgolion a'r colegau lleol.  

Gallwn gynnig gweithdai a sgyrsiau blasu ar adegau sy'n gyfleus i'r ysgol neu goleg. Rydyn ni wedi cynllunio'r gweithdai a'r sgyrsiau blasu gyda chwricwlwm yr ysgol/coleg mewn golwg. Gellir addasu'r rhain i gydfynd ag anghenion cyrsiau penodol.

Bydd y sgyrsiau blasu'n canolbwyntio ar elfen benodol o'r pynciau a ddysgir yn Adran y Gyfraith a Throseddeg. Maent yn cyfuno diddordebau ein staff academaidd â materion byd-eang, cyfoes er mwyn rhoi cipolwg ar fyd y gyfraith.

I gael rhagor o wybodaeth am ein gweithgareddau i ysgolion a cholegau, cysylltwch â ni dros y ffôn: 01970 621537 neu e-bost (law@aber.ac.uk).

Pan digwyddodd y cyfnodau clo yn 2020, symudodd y system gyfreithiol yn gyflym iawn i gynnal gwrandawiadau o bell mewn sawl achos. Mae Adran y Gyfraith a Throseddeg wedi archwilio effeithrwydd y gwrandawaidau hyn, ac yn dilyn cynhadledd yn 2022, wedi creu adroddiad sydd yn crynhoi profiadau y proffesiwn cyfreithiol, y farnwriaeth, ynghyd a sylwebaeth academaidd, ac sydd yn archwilio'r sgôp i barhau â gwrandawiadau o'r fath i'r dyfodol. Os gwelwch yn dda darllenwch yr adroddiad llawn

Mae'r Grŵp Ymchwil Technoleg yn glwstwr ymchwil rhyngddisgyblaethol sy'n astudio effaith technoleg ar gymdeithas o safbwyntiau cyfreithiol a throseddol.

Mae'r grŵp yn dod ag arbenigwyr lleol a rhyngwladol ynghyd i gydweithio, rhannu eu hymchwil a chymryd rhan mewn gweithgareddau trosglwyddo gwybodaeth mewn pwyllgorau lleol, cenedlaethol a rhyngwladol. Rydym hefyd yn cyfrannu at ddatblygu polisi ac ymgynghoriadau'r llywodraeth.

Ein nod yw darparu amgylchedd cefnogol i gydweithwyr, ar bob cam o'u gyrfa, drafod a datblygu syniadau ac allbynnau ymchwil arloesol.

Cynullwyr: David Poyton (dvp@aber.ac.uk); Rosemary Toll (rot34@abere.ac.uk) a Megan Talbot (met32@aber.ac.uk).

Mae Adran y Gyfraith a Throseddeg yn croesawu carfan fywiog o fyfyrwyr uwchraddedig ac mae'r Grŵp Ymchwil Technoleg yn croesawu ymholiadau am oruchwyliaeth PhD ar bynciau o fewn y themâu isod.

Cyfleoedd PhD gyda’r Grŵp Ymchwil Technoleg

Rhestrir meysydd posibl ar gyfer ymchwil PhD isod. Cysylltwch ag un o'r cynullwyr yn y lle cyntaf i drafod eich prosiect.