Gwella'ch rhagolygon gyrfaol
Ydych chi'n dechrau meddwl am eich gyrfa yn y dyfodol?
Mae datblygu sgiliau a fydd yn eich gwneud yn ddeniadol i gyflogwyr ac yn rhoi dechrau da ichi pan fyddwch chi'n edrych am waith yn golygu ehangu eich sgiliau presennol, creu cysylltiadau, ehangu'ch syniadau, a deall sut i ennill profiadau a'u defnyddio i wella'ch rhagolygon gyrfaol yn y dyfodol.
Lluniwyd ein modiwlau gyda golwg ar anghenion cyflogwyr a phroffesiwn y gyfraith a throseddeg ac rydym yn rhoi pwyslais mawr ar ddatblygu'ch sgiliau proffesiynol. Rydym hefyd yn gweithio gyda Gwasanaeth Gyrfaoedd Prifysgol Aberystwyth i sicrhau bod ein holl fyfyrwyr yn derbyn y cyngor y maen nhw ei angen.
Tony Orme yw ein Ymgynghorydd Gyrfaoedd sy'n gofalu am fyfyrwyr Adran y Gyfraith a Throseddeg. Mae'n cyflwyno darlithoedd, gweithdai, digwyddiadau, ymgynghoriadau unigol a sesiynau grŵp rhyngweithiol i sicrhau bod pob myfyriwr yn elwa o addysg, gwybodaeth a chyfarwyddyd gyrfaol.
Mae hefyd yn gyfrifol am bob agwedd ar helpu myfyrwyr, graddedigion a staff sydd â diddordeb mewn menter, hunan-gyflogaeth a chychwyn busnes newydd, i droi eu syniadau da yn fusnesau da.
E-bost: awo@aber.ac.uk
Ffôn: (01970 622378)
Mae cymryd rhan mewn gweithgareddau allgyrsiol megis ymuno â chymdeithasau, gwirfoddoli ac ymgymryd â phrofiad gwaith wrth astudio'n ffordd dda i ddangos i gyflogwyr eich bod yn frwd ac yn fodlon mentro. Rydym yn annog ein holl fyfyrwyr i geisio gwneud y gorau o'u hamser gyda ni. I'ch cynorthwyo yn hyn o beth, rydym wedi casglu gwybodaeth ddefnyddiol ynghyd. Cliciwch ar y tabiau i ganfod mwy.
