Safonau'r Gymraeg

Mae Prifysgolion yng Nghymru yn ddarostyngedig i Reoliadau Safonau’r Gymraeg (rhif 6) 2017 a sefydlwyd o dan Fesur y Gymraeg (Cymru) 2011. Mae Safonau’r Gymraeg yn egluro sut y mae disgwyl i’r Brifysgol ddarparu gwasanaethau penodol drwy gyfrwng y Gymraeg gan sicrhau nad yw’r Gymraeg yn cael ei thrin yn llai ffafriol na’r Saesneg.

Hysbysiad Cydymffurfio

Mae hysbysiad cydymffurfio’r Brifysgol yn rhestri holl Safonau y mae’n rhaid i’r Brifysgol gydymffurfio â hwy.

Hysbysiad Cydymffurfio Prifysgol Aberystwyth - Adran 44 Mesur y Gymraeg (Cymru) 2011

Safonau’r Gymraeg Prifysgol Aberystwyth

Dogfen yn egluro sut bydd y Brifysgol yn cydymffurfio â phob un o'r Safonau.

Safonau'r Gymraeg Prifysgol Aberystwyth

Trefniadau Goruchwylio Safonau’r Gymraeg

Dogfen sy'n egluro sut y mae'r Brifysgol yn monitro gweithredu'r Safonau.

Trefniadau Goruchwylio Safonau'r Gymraeg

Gweithdrefn Gwyno Prifysgol Aberystwyth

Tudalen sy'n egluro sut gellir cwyno am ddiffyg cydymffurfio â'r Safonau a sut bydd y Brifysgol yn mynd ati i ddelio â'r gŵyn.

Gweithdrefn Gwyno Prifysgol Aberystwyth

Ffurflen Gwyno

Crynodeb i Staff – Safonau’r Gymraeg

Disgrifiad bras  o'r Safonau y mae'n rhaid i staff gydymffurfio â hwy.

Crynodeb Staff Safonau Iaith Prifysgol Aberystwyth

Canllawiau Staff - Safonau'r Gymraeg

Asesiad Ardrawiad Iaith Gymraeg

Yn unol â gofynion Safonau’r Gymraeg, rhaid i benderfyniadau polisi ystyried pa effeithiau, os o gwbl (pa un ai yw’r rheini’n bositif neu’n andwyol) y byddai’r penderfyniad polisi yn eu cael ar—

(a) cyfleoedd i bersonau ddefnyddio’r Gymraeg, a

(b) peidio â thrin y Gymraeg yn llai ffafriol na’r Saesneg.

Hefyd, rhaid ystyried sut y gellid llunio’r polisi (neu sut y gellid newid polisi sydd eisoes yn bodoli) fel byddai’n cael effeithiau mwy positif / effeithiau llai andwyol ar y Gymraeg.

Pan fyddwch yn cyhoeddi dogfen ymgynghori neu’n comisiynu ymchwil sy’n ymwneud â phenderfyniad polisi, rhaid i’r ddogfen honno ystyried a cheisio barn ynghylch sut y gellid llunio neu addasu’r polisi o dan ystyriaeth fel y byddai’n cael effeithiau positif, neu effeithiau mwy positif, ar—

(a) cyfleoedd i bersonau ddefnyddio’r Gymraeg, a
(b) peidio â thrin y Gymraeg yn llai ffafriol na’r Saesneg.

Cwblhewch  Ffurflen Ardrawiad Effaith ar y Gymraeg ar gyfer penderfyniadau polisi sydd angen eu cymeradwyo ar lefel y Weithrediaeth.

Gall Canolfan Gwasanaethau’r Gymraeg canolfangymraeg@aber.ac.uk eich cynorthwyo i gwblhau’r asesiad.

Canllaw – Ardrawiad Effaith ar y Gymraeg

Beth yw ystyr ‘penderfyniad polisi’ yng nghyd-destun Safonau’r Gymraeg?

A oes angen i mi gwblhau asesiad ardrawiad effaith ar y Gymraeg ar gyfer y cynnig / papur?

Adroddiadau Blynyddol Safonau’r Gymraeg