Cymorth i Baratoi am Yrfa

Mae Cymorth i Baratoi am Yrfa (CBY) yn lefel ychwanegol o gymorth i fyfyrwyr a allai wynebu rhwystrau o ran dod o hyd i gyflogaeth ar lefel raddedig yn y dyfodol.

Mae wedi'i anelu'n benodol at unigolion sy'n teimlo'n ansicr am y dyfodol, efallai oherwydd diffyg hyder, diffyg profiad gwaith perthnasol, neu nad oes ganddynt rwydweithiau a chysylltiadau a all helpu.

Beth mae'n ei olygu?

Mae Cymorth i Baratoi am Yrfa yn rhan o Wasanaeth Gyrfaoedd Prifysgol Aberystwyth. Rydym yn cynnig cyfleoedd datblygu sgiliau, gweithdai a hyfforddiant yn ogystal â chyfleoedd i gwrdd ag unigolion o amrywiaeth eang o fusnesau a sefydliadau drwy sesiynau Cwrdd â'r Gweithiwr Proffesiynol. Gallwn hefyd helpu i drefnu profiad gwaith yn benodol ar gyfer myfyrwyr CBY.

Pwy fydd yn cael cymryd rhan?

Mae Cymorth i Baratoi am Yrfa ar gael i fyfyrwyr o'r flwyddyn cyntaf ymlaen sydd:

  • Yn anabl (er enghraifft, â nam ar eu clyw, nam corfforol neu nam ar eu golwg neu gyflwr datblygiad)
  • Â chyflwr iechyd meddwl (er enghraifft, gorbryder, anhwylder deubegynol, iselder, anhwylder straen ôl-drawmatig (PTSD), sgitsoffrenia)
  • Yn niwrowahanol (er enghraifft, awtistiaeth, dyslecsia, dyspracsia, anhwylder gorfywiogrwydd diffyg sylw (ADHD))
  • Â chyflwr iechyd sy'n cyfyngu ar eu gallu i weithio (er enghraifft, canser, HIV, diabetes, clefyd cronig y galon, epilepsi)
  • Yn dod o deulu incwm isel (aelwydydd sy'n ennill llai na £18,840 y flwyddyn)
  • Y cyntaf yn eu teulu i fynd i'r brifysgol
  • Yn astudio trwy gyfrwng y Gymraeg
  • Yn Asiaidd neu Asiaidd Prydeinig
  • Yn Ddu neu Du Prydeinig
  • Ag Ethnigrwydd Cymysg
  • Yn dod o Grŵp Ethnig arall

 
  • Yn Fyfyriwr Aeddfed
  • Â phrofiad o fod mewn gofal
  • Â chyfrifoldebau gofalu, gan gynnwys cyfrifoldebau rhiant
  • Wedi dieithrio oddi wrth eu teulu
  • Yn arddel hunaniaeth LGBTQ+
  • Yn dod o gefndir Sipsiwn, Roma neu Deithiwr
  • Yn ffoadur neu'n geisiwr lloches
  • Yn dod o leiafrif crefyddol
  • Yn gyn-filwr
  • Wedi’u magu gan aelod o'r teulu yn y lluoedd arfog
  • Yn dod o ardal lle nad oes llawer o bobl yn mynd ymlaen i addysg uwch
  • Yn dod o "ardal o amddifadedd" yng Nghymru

 

 

Os ydych chi'n perthyn i unrhyw un o'r uchod, cliciwch yma i weld a allwch chi gael mynediad at Gymorth i Baratoi am Yrfa a chofrestru eich diddordeb.

(Os oes angen cymorth arnoch i lenwi ein ffurflen ar-lein neu os oes angen ffordd arall arnoch i ystyried cofrestru, anfonwch e-bost atom drwy crsupport@aber.ac.uk.)

Rhaglen Ffyniant

 

Ffyniant CBY

Mae'r Gwasanaeth Gyrfaoedd yn awyddus i gyflwyno Ffyniant, rhaglen ddatblygu newydd i fenywod sydd wedi'i chynllunio i rymuso a chynorthwyo eich twf personol a phroffesiynol.

Gan ddechrau ym mis Mawrth, rydym yn eich gwahodd i ymuno â ni ar brynhawn Mercher ar gyfer cyfres o wyth gweithdy rhyngweithiol sy'n canolbwyntio ar feithrin eich hyder a'ch sgiliau, ac ehangu eich dylanwad.

 

 

Rhaglen

Bydd y gweithdai canlynol yn aml yn cynnwys siaradwyr gwadd ysbrydoledig a chyfle i rwydweithio:

Dyddiad Sesiwn Amser Lleoliad
5 Mawrth '25 Grymuso a Chysylltu 13:30-16:30 Ar Campws
12 Mawrth '25 Rhwydweithio i Ennill 14:00-16:00 Ar Campws
19 Mawrth '25 Arddangos Eich Cryfderau 14:00-16:00 Ar Campws
26 Mawrth '25 Goresgyn Syndrom y Ffugiwr 14:00-16:00 Ar Campws
2 Ebrill '25 Mwy o Egni, Llai o Bryder 14:00-16:00 Ar Campws
9 Ebrill '25 Diffinio Chi’ch Hunan 13:30-16:00 Microsoft Teams (Ar-lein)
30 Ebrill '25 Grym Pendantrwydd 14:00-16:00 Ar Campws
7 Mai '25 Gweledigaeth a Nodau 13:00-15:30 Ar Campws

 Pam ymuno â Ffyniant?

  • Meithrin hyder a bod yn glir am eich dyfodol.
  • Datblygu sgiliau hanfodol ar gyfer eich bywyd academaidd, personol a phroffesiynol.
  • Cysylltu â chymuned o fyfyrwyr sydd o'r un anian.

 Sut mae cymryd rhan?

Os hoffech wneud cais ar gyfer y rhaglen, gofynnwn i chi gwblhau'r ffurflen hon erbyn 5yh ar Ddydd Sul 23 Chwefror, a nodwch mai dim ond nifer gyfyngedig o lefydd sydd ar gael.

Os oes gennych unrhyw gwestiynau, cysylltwch â crsupport@aber.ac.uk.

Noder: Mae Ffyniant ar gael i fyfyrwyr sy'n nodi eu bod yn fenywod ac sydd:

  • Yn anabl (er enghraifft, â nam ar eu clyw, nam corfforol neu nam ar eu golwg neu gyflwr datblygiad)
  • Â chyflwr iechyd meddwl (er enghraifft, gorbryder, anhwylder deubegynol, iselder, anhwylder straen ôl-drawmatig (PTSD), sgitsoffrenia)
  • Yn niwrowahanol (er enghraifft, awtistiaeth, dyslecsia, dyspracsia, anhwylder gorfywiogrwydd diffyg sylw (ADHD))
  • Â chyflwr iechyd sy'n cyfyngu ar eu gallu i weithio (er enghraifft, canser, HIV, diabetes, clefyd cronig y galon, epilepsi)
  • Yn dod o deulu incwm isel (aelwydydd sy'n ennill llai na £18,840 y flwyddyn)
  • Y cyntaf yn eu teulu i fynd i'r brifysgol
  • Yn astudio trwy gyfrwng y Gymraeg
  • Yn Asiaidd neu Asiaidd Prydeinig
  • Yn Ddu neu Du Prydeinig
  • Ag Ethnigrwydd Cymysg
  • Yn dod o Grŵp Ethnig arall

 
  • Yn Fyfyriwr Aeddfed
  • Â phrofiad o fod mewn gofal
  • Â chyfrifoldebau gofalu, gan gynnwys cyfrifoldebau rhiant
  • Wedi dieithrio oddi wrth eu teulu
  • Yn arddel hunaniaeth LGBTQ+
  • Yn dod o gefndir Sipsiwn, Roma neu Deithiwr
  • Yn ffoadur neu'n geisiwr lloches
  • Yn dod o leiafrif crefyddol
  • Yn gyn-filwr
  • Wedi’u magu gan aelod o'r teulu yn y lluoedd arfog
  • Yn dod o ardal lle nad oes llawer o bobl yn mynd ymlaen i addysg uwch
  • Yn dod o "ardal o amddifadedd" yng Nghymru

Profiad rhywun o gymryd rhan

Dyma enghraifft o daith un cyfranogwr CBY:

Cyfranogwr CBY yn gwisgo crys coch

Roedd SOS, myfyriwr ysgrifennu creadigol uwchraddedig anneuaidd, niwroamrywiol, aeddfed ym Mhrifysgol Aberystwyth, yn wynebu rhwystrau cyflogadwyedd oherwydd diffyg profiad gwaith a chysylltiadau rhwydweithio. Fe wnaethant hefyd ymgodymu â stigma mewnol am eu cyflwr iechyd meddwl, gan ofni gwahaniaethu posibl gan gyflogwyr.

O fis Mawrth 2023, cymerodd SOS ran mewn 30 sesiwn un-i-un gyda'r tîm yn eu prifysgol, gan ganolbwyntio ar ddatblygu CV, cymorth i wneud ceisiadau, a gwella sgiliau. Roedd y gweithdai a fynychwyd yn cynnwys "Datblygu Meddylfryd i ganolbwyntio ar Dwf," "Amrywioldeb a Chyflogadwyedd," a "Niwroamrywiaeth mewn Busnes."

Arweiniodd cyfranogiad SOS yn y rhaglen at leoliad ABERYmlaen gyda thîm Hygyrchedd a Chynhwysiant y brifysgol. Ysbrydolodd y profiad hwn, ynghyd â chefnogaeth y tîm Cymorth i Baratoi am Yrfa yn y brifysgol, SOS i wneud cais am swydd barhaol yn yr un adran, gan dynnu sylw at effaith drawsnewidiol y rhaglen.

"Mae Cymorth i Baratoi am Yrfa wedi bod yn amhrisiadwy. Mae cymorth fy Ymgynghorydd i sicrhau lleoliadau a chyflogaeth raddedig, ynghyd â chymorth CV a LinkedIn, wedi bod yn allweddol."