CYNALIADWYEDD

Pryd:  Dydd Llun, 7 Ebrill 2025
Ble:  Prif Neuadd Adeilad Gwleidyddiaeth Ryngwladol, Campws Penglais

Y Cysyniad: Mae'n bleser gennym gyhoeddi’r Gynhadledd i Uwchraddedigion Ymchwil Prifysgol Aberystwyth 2025, a gynhelir ar 7 Ebrill 2025.  Bydd y gynhadledd eleni yn canolbwyntio ar thema ganolog 'Cynaliadwyedd', gan ddod â lleisiau newydd o bob disgyblaeth at ei gilydd i roi llwyfan i faterion pwysicaf ein hoes. Rydym yn gwahodd myfyrwyr o wahanol gyrsiau uwchraddedig ac Ymchwilwyr ar Ddechrau eu Gyrfa i gyfrannu eu syniadau a'u safbwyntiau.

Mae'r gynhadledd yn cynnig llwyfan i gyflwyno ymchwil wreiddiol, i gymryd rhan mewn trafodaethau rhyngddisgyblaethol, ac i rwydweithio â chyd-fyfyrwyr a staff academaidd. Mae gennym ddiddordeb arbennig mewn cyflwyniadau sy'n ymdrin â dimensiynau niferus cynaliadwyedd o fewn ac ar draws meysydd astudio amrywiol. Ymunwch â ni yng nghynhadledd 2025 i gyfrannu at drafodaethau ystyrlon a rhannu eich dealltwriaeth ar gynaliadwyedd.

Gall yr is-themâu gynnwys (ond heb fod yn gyfyngedig i): 

• Cynaliadwyedd Amgylcheddol a Chadwraeth
• Technolegau Cynaliadwy ac Arloesi
• Safbwyntiau economaidd ar Gynaliadwyedd
• Polisi Deddfwriaeth, Gwleidyddiaeth a Chynaliadwyedd
• Dulliau rhyngddisgyblaethol o Gynaliadwyedd
• Mentrau cynaliadwy yng Nghymru
• Cynaliadwyedd ieithyddol
• Hanes o ddefnyddio technoleg at ddibenion cynaliadwy
• Cynnal a chadw diwylliant materol/eitemau a dogfennau diriaethol ar gyfer cenedlaethau'r dyfodol
• Cynaliadwyedd llenyddol/perfformiad
• Creu celf gynaliadwy
• Cynaliadwyedd mewn Addysg/Ymchwil
• Nodau Datblygu Cynaliadwy y Cenhedloedd Unedig

 

 Dyddiadau Pwysig  

Cyflwyno Crynodebau yn dechrau: 16 Rhagfyr 2024

Dyddiad Cau: 12 Chwefror 2025 12:00 Canol dydd

Cydnabyddeb: 3 Mawrth 2025

Canllawiau cyflwyno

Rydym yn gwahodd crynodebau ar gyfer cyflwyniadau llafar a phosteri sy'n gysylltiedig ag unrhyw un o'r is-themâu uchod. Anogir cyflwyniadau gan bob disgyblaeth, ac rydym yn rhoi croeso arbennig i brosiectau rhyngddisgyblaethol sy'n meithrin dulliau newydd o gynaliadwyedd.

• Hyd Crynodeb: 250 o eiriau
• Dyddiad cau ar gyfer Cyflwyno: 12 Chwefror 2025 12:00 Canol dydd

Cyflwyno Crynodeb a Dolen Gofrestru:  Cliciwch yma i gyflwyno

Gwobrau i’r Crynodeb Gorau

Bydd y crynodeb/au gorau a gyflwynir yn cael eu dewis gan aelodau'r pwyllgor rhaglen technegol ar ddiwrnod y gynhadledd a rhoddir talebau yn wobr.

Canllawiau Cynhadledd i Uwchraddedigion  (Cliciwch yma)

Cysylltu â Ni
E-bost: Ysgol y Graddedigion grastaff@aber.ac.uk