Adnoddau Dysgu

Yn rhan o’n buddsoddiad ym mhrofiad ein myfyrwyr, rydym wedi ailwampio pob un o’n prif fannau dysgu.

Mae yma dechnoleg cofnodi darlithoedd sy’n recordio eich dosbarthiadau er mwyn i chi gael eu gwylio eto wrth adolygu. Ar gyfer eich astudiaethau personol, rydym yn argymell prif lawr Llyfrgell Hugh Owen. Mae’n drysorfa o adnoddau print ac electronig (ac mae yno olygfeydd godidog dros y dref). Mae’r campws hefyd dafliad carreg o’r Llyfrgell Genedlaethol, sy’n cadw copi o bob llyfr sy’n cael ei gyhoeddi yn y DU. Mae hefyd yn un o ddim ond pum llyfrgell hawlfraint yn y DU.