Ym mis Tachwedd 2023, trefnodd Undeb y Myfyrwyr a staff y brifysgol ddiwrnod gwirfoddoli i blannu coed i blannu cymysgedd o dderw, bedwen arian, collen a draenen wen wrth ymyl ein campws ar Fferm Penglais. 

Plannwyd cyfanswm o 400 o goed, a dysgodd y gwirfoddolwyr sut i blannu coed yn ddiogel, a sicrhau bod y coed yn cael y cyfle gorau i ffynnu. 

Darllenwch fwy am y diwrnod yma: Diwrnod Plannu Coed

Rydym yn awyddus i hyrwyddo tryloywder o ran ein hymdrechion i fod yn gynaliadwy, oherwydd mae caniatáu i fyfyrwyr gymryd rhan a deall y prosesau gwneud penderfyniadau yn hanfodol i unrhyw amcanion amgylcheddol. 

Dyma pam, ar ddechrau'r flwyddyn academaidd, y cyflwynodd y Dirprwy Is-Ganghellor Neil Glasser sgwrs sydd ar gael i bob myfyriwr, sy’n trafod dyheadau a chynlluniau sero net Aberystwyth. 

Darllenwch y fersiwn PDF o'r Sgwrs Wythnos Croeso 2023

Mae EuroBioBlitz yn ddigwyddiad cofnodi bywyd gwyllt blynyddol sy'n cael ei gynnal ar draws Ewrop. Yn 2023, fe wnaethom ymuno â'r her a helpu i gofnodi data bywyd gwyllt safon ymchwil o amgylch Coedwig Penglais trwy daith dywys, gan gefnogi academyddion eraill ac annog myfyrwyr i ddysgu sut i adnabod bywyd gwyllt brodorol. Fe wnaethon ni helpu i ychwanegu llawer o arsylwadau at y 50,000 syfrdanol a wnaed ledled Ewrop! Gallwch weld yr arsylwadau ar Dudalen Prosiect EuroBioBlitz iNaturalist 

Mae Undeb y Myfyrwyr wedi cyrraedd y lefel uchaf o ran Safon Effaith Werdd yn 2022-23, drwy fentrau megis hyrwyddo'r defnydd o ddillad/offer coginio ail-law drwy Hyb yr Hael, hyfforddiant ymwybyddiaeth amgylcheddol a thrwy sefydlu gweithgor gweithredol 

Mae Gwirfoddolwyr Cadwraeth Aberystwyth yn un o gymdeithasau undeb y myfyrwyr ac yn grŵp ymarferol o wirfoddolwyr cadwraeth. Os hoffech chi dreulio mwy o amser yn yr awyragored a helpu’r ardal leol, dewch i ymuno â ni ar bnawn Sadwrn neu bnawn Mercher yn y gwaith! Gwirfoddolwyr Cadwraeth Aberystwyth (abersu.co.uk)

Menter myfyrwyr, gyda chefnogaeth Prifysgol Aberystwyth, oedd Gardd Gymunedol Penglais ar y dechrau. Y nod yw creu lle i bobl dyfu bwyd, dysgu am dyfu bwyd, plannu mewn modd sy'n addas i fywyd gwyllt, a chreu lle tawel i bobl sy'n ymweld â'r brifysgol a Chanolfan y Celfyddydau i eistedd a mwynhau eu cinio. Tyfir amrywiaeth o gynnyrch yn yr ardd, ac mae’r cynnyrch sy’n weddill yn cael ei rannu ymhlith gwirfoddolwyr, yn cael ei werthu drwy’r Gydweithfa Fwyd, neu ei roi i Fwyd Dros Ben Aber. Cartref | Gardd Gymunedol Penglais (aberystwyth.wixsite.com) 

Prosiect Galluogi Adnoddau Naturiol a Llesiant (ENRaW) yw Tyfu Dyfi. Gan ddechrau ym mis Medi 2021, bydd y prosiect yn rhedeg tan 30 Mehefin, 2023. Y sefydliadau partner yw: Ecodyfi (Arweinydd), Bwyd Dros Ben Aber, Mach Maethlon, Canolfan y Dechnoleg Amgen, Prifysgol Aberystwyth, Fforwm Cymunedol Penparcau, Gardd Organig. Diben y prosiect peilot hwn yw dangos sut y gall cymunedau fod yn rhan o’u systemau bwyd lleol a nodi’r manteision lluosog sy'n deillio o hynny. Tyfu Dyfi | dyfibiosphere