Pa sgiliau sydd gen i?

P'un a ydych yn fyfyriwr prifysgol newydd, sy'n dychwelyd, neu yn fyfyriwr presennol, mae rhai sgiliau hanfodol yn hollbwysig ar gyfer eich llwyddiant.

Mae sgiliau academaidd yn hanfodol ar gyfer dysgu effeithlon, gan wasanaethu fel sgiliau bywyd gwerthfawr. 

Sgiliau academaidd yw'r sgiliau sydd eu hangen arnoch i wneud yn dda yn y brifysgol. Mae'r rhain yn cynnwys sgiliau fel gwybod sut i ddod o hyd i wybodaeth berthnasol neu ddeunydd i ateb eich aseiniadau, meddwl yn feirniadol, a gallu esbonio'ch meddyliau mewn ffordd glir. Nid yw'r sgiliau hyn yn ddefnyddiol yn y brifysgol yn unig, byddant yn eich helpu yn eich cyflogaeth yn y dyfodol.

Y prif wahaniaeth rhwng y brifysgol a'r mathau blaenorol o astudio yw'r angen i drefnu ac ysgogi eich hun i astudio yn ystod amser di-gyswllt. Fel myfyriwr prifysgol, mae'n rhaid i chi gymryd rheolaeth o'ch dysgu. Mae bod yn ddysgwr annibynnol yn golygu bod yn rhagweithiol, rheoli eich llwyth gwaith, a chwrdd ag ymrwymiadau a therfynau amser.

Gan mai dim ond tua 20% o'ch cwrs sy'n cynnwys 'amser cyswllt' mewn darlithoedd, seminarau neu diwtorialau, dylech ddefnyddio'r 80% sy'n weddill i ddatblygu eich astudiaethau'n annibynnol. Mae hyn yn cynnwys darllen, paratoi ar gyfer darlithoedd, trefnu nodiadau, ysgrifennu aseiniadau, a dilyn ymlaen ar ddysgu.

Mae meistroli'r sgiliau hyn yn allweddol i lwyddiant yn eich astudiaethau.

Ar lefel prifysgol, mae'n hanfodol bod myfyrwyr yn cymryd rheolaeth o'u haddysg a mabwysiadu rôl dysgwyr annibynnol.

Mae hyn yn golygu cymryd cyfrifoldeb am eu gweithgareddau dysgu, bod â'r hyder i wneud penderfyniadau gwybodus, aros yn llawn cymhelliant, a deall pwysigrwydd myfyrio ar eu proses ddysgu er mwyn sicrhau ei heffeithiolrwydd. Mae'r canllawiau canlynol yn cynnig argymhellion ar gyfer trosglwyddo'n llwyddiannus i ddysgu annibynnol.

Beth yw dysgwr annibynnol?

Mae dysgwr annibynnol yn cymryd cyfrifoldeb am ei addysg ac yn chwilio am wybodaeth yn rhagweithiol, yn hytrach na dibynnu'n unig ar ddarlithwyr, gwerslyfrau neu adnoddau eraill. Ni ddylai dysgwyr annibynnol fod angen arweiniad parhaus, disgwyl i'r holl wybodaeth gael ei darparu, neu fod angen monitro eu gwaith yn gyson. Mae dysgu annibynnol- a elwir hefyd yn 'ddysgu hunangyfeiriedig' neu 'ddysgu ymreolaethol' - yn hanfodol ar gyfer cyflogadwyedd, astudiaeth ôl-raddedig, a dysgu gydol oes. 

Mae bod yn ddysgwr annibynnol yn golygu cymryd gofal o'ch ymchwil, dewis ac asesu eich adnoddau yn ofalus, a ffurfio eich casgliadau eich hun yn seiliedig ar yr hyn rydych chi'n ei ddysgu, boed o'ch darlleniadau neu ryngweithio â thiwtoriaid.

Mae'n hanfodol egluro nad yw dysgu annibynnol yn awgrymu gweithio ar eich pen eich hun. Mae'n cynnwys darganfod y dulliau sy'n gweddu orau i chi a chymhwyso'r ddealltwriaeth honno. Gallai hyn olygu neilltuo amser tawel, personol, ond gall hefyd olygu ceisio cymorth gan gyd-fyfyrwyr yn eich cwrs neu lety wrth wynebu heriau.

Beth mae'n ei olygu i ddysgu yn y brifysgol?

Bydd disgwyl i chi ddatblygu eich sgiliau dysgu annibynnol o ddechrau eich astudiaethau a manteisio ar bob cyfle i ymarfer a gwella'r sgiliau hyn.

Mae dysgu yn y dosbarth, fel darlithoedd, tiwtorialau, neu labordai, ond yn rhan o'ch addysg prifysgol. Bydd angen i chi gymryd rhan mewn astudiaeth annibynnol helaeth, sy'n cynnwys cymryd nodiadau, darllen, cwblhau asesiadau, a pharatoi ar gyfer arholiadau.

Gall dysgu annibynnol gynnwys:

• Cwblhau tasgau a darllen cyn eich darlith nesaf 
• Adolygu cynnwys darlithoedd a sicrhau bod gennych nodiadau clir
• Gweithio ar aseiniadau unigol neu grŵp y tu allan i oriau darlithoedd

Pan fyddwch chi'n ceisio darganfod pethau ar eich pen eich hun, gall fod ychydig yn frawychus ar y dechrau. Gallai rhai o'r rhesymau dros hyn gynnwys:

• poeni am wneud camgymeriadau neu beidio â deall cyfarwyddiadau
• teimlo'n bryderus am golli gwybodaeth bwysig yn eich darlleniadau
• cael trafferth mynd trwy llawer o wybodaeth
• yn teimlo eich bod wedi eich llethu gan bopeth newydd rydych chi'n ei ddysgu

Ond peidiwch â phoeni, gydag ychydig o ddyfalbarhad a menter, gallwch fynd i'r afael â'r heriau hyn:

• Gofynnwch gwestiynau penodol i glirio unrhyw ddryswch
• Rhowch ddigon o amser i'ch hun i ddarllen a deall cysyniadau allweddo
• Dowch o hyd i ffordd i drefnu'r holl wybodaeth
• Rheolwch eich amser yn effeithiol drwy dorri aseiniadau i mewn i dasgau llai
• Myfyriwch ar adborth, dysgwch o bethau, ac addaswch eich dull gweithredu
• Gallwch wella eich sgiliau academaidd drwy edrych ar ganllawiau fel yr un yma, trefnu apwyntiadau 1:1 neu ewch i sesiynau galw-heibio, neu fynychu gweithdai sgiliau. 

I fod yn ddysgwr annibynnol, dylech ddatblygu'r sgiliau canlynol:

• Trefnu a rheoli eich amser yn dda
• Gwella eich sgiliau darllen a chymryd nodiadau
• Cymerwch amser i hunanfyfyrio a chynllunio ar gyfer twf personol

Fel myfyriwr, mae hyn yn cynnwys meistroli sut i:

• Sefydlu eich nodau eich hun
• Adnabod a gwerthuso adnoddau priodol
• Cymryd cyfrifoldeb am fynychu pob agwedd ar eich astudiaethau a dal i fyny pan fo angen
• Monitro a rheoli eich amser a symud ymlaen yn onest ac yn effeithiol
• Cwblhau aseiniadau sy'n bodloni meini prawf asesu o fewn terfynau amser

Sgiliau ar gyfer dysgu annibynnol

• Cymryd nodiadau
  • Adnoddau llyfrgell ar gymryd nodiadau:
    • Reading and making notes 
    • Note-taking made easy
    • Effective notetaking
    • How to take smart notes: one simple technique to boost writing, learning and thinking
• Dod o hyd i wybodaeth a'i rheoli
  • Canllaw Llyfrgell a TG
  • Pwysigrwydd gwerthuso gwybodaeth a gwirio ffeithiau
  • Primo: defnyddio catalog y llyfrgell
  • Rhestr canllawiau pwnc
• Adolygu
  • Adnoddau llyfrgell ar adolygu: 
    • I hate revision: study skills and revision techniques for GCSE, A-level and Undergraduate Exams; written by a student for students
    • Study! : a guide to effective learning, revision, and examination techniques
    • The study skills handbook
• Rheoli amser:  
  • Rheoli amser - ffeithlun
  • Rheoli amser - testun yn unig
  • Adnoddau llyfrgell ar reoli amser:
    • Time management (llyfryn poced)
    • Skilful time management!
    • Time Management and Personal Development
    • Time management
    • Student procrastination seize the day and get more work done
• Templedi creu amserlen:
  • Templed wythnosol
  • Templed semester

Rhestr wirio sgiliau (ffeithlun)

Rhestr wirio sgiliau (testun yn unig)

Darganfyddwch wybodaeth i'ch helpu a'ch tywys i wella eich sgiliau academaidd ar SgiliauAber!

Mae'r platfform hwn yn cynnig siop un-stop ar apwyntiadau 1:1 wedi'u personoli, cyngor unigol, adnoddau wedi'u haddasu, gweithdai sgiliau gyda'r nod o'ch cynorthwyo i ddatblygu'r sgiliau academaidd hanfodol sydd eu hangen arnoch... a llawer mwy!

Mae'r timau sy'n ymwneud â SgiliauAber yn ymroddedig i'ch cynorthwyo i ddeall, dysgu ac asesu ar lefel prifysgol. Maent wedi ymrwymo i ddarparu cymorth i'ch helpu i gyflawni eich potensial llawn yn eich astudiaethau academaidd a thu hwnt.

Gyda SgiliauAber, fe welwch gefnogaeth, arweiniad a chyngor i wella eich gwybodaeth, sgiliau academaidd ac astudio trwy bob cam o'ch taith academaidd.

Mae'r rhain yn cynnwys:

• gweithdai sgiliau
• apwyntiadau 1:1 wedi'u personoli
• mynd i'r afael â bywyd Prifysgol ac ymddygiad academaidd da
• adnoddau wedi'u curadu a deunydd cymorth ar ysgrifennu academaidd
• sesiynau galw heibio rheolaidd a gynhelir ar y campws, sy'n eich galluogi i gael gafael ar gymorth mewn ffordd sy'n gweddu orau i'ch anghenion unigol
• sut i ddysgu'n effeithiol
• datblygu i fod yn ddysgwr annibynnol
• meistroli cyfeirnodi
• lles
• Llyfrgellwyr Pwnc
• Ymgynghorwyr Gyrfaoedd
• Cefnogaeth Mathemateg ac Ystadegau
• Awgrymiadau ar adolygu ac arholiadau
• Cymorth sgiliau iaith
• Defnyddio technoleg yn Aber

I'ch helpu ar eich ffordd i ddod yn ddysgwr annibynnol, edrychwch ar yr adnoddau canlynol:

• Independent learning
• A guide to learning independently
• Academic Culture: a student's guide to studying at university
• Essential study skills: the complete guide to success at university
• The research student's guide to success
• The study skills handbook
• Study skills for dummies
• Academic skills for interdisciplinary studies
• The guide to learning and study skills: for higher education and at work
• Studying and learning at university: vital skills for success in your degree
• How to get a good degree: making the most of your time at university