Cyffuriau ac alcohol: Cymorth ac Arweiniad

Datganiad Lleihau Niwed

Adduned ar y Cyd: Dull Lleihau Niwed wrth Ddefnyddio Cyffuriau ac Alcohol ym Mhrifysgol Aberystwyth

Ar y cyd, mae Gwasanaethau Myfyrwyr Prifysgol Aberystwyth, Undeb y Myfyrwyr, a Gwasanaeth Cyffuriau ac Alcohol Dyfed (GCAD) wedi ymrwymo i flaenoriaethu iechyd, diogelwch a lles ein myfyrwyr drwy ddull cynhwysfawr a blaengar o leihau niwed wrth ddefnyddio cyffuriau ac alcohol. Gyda chefnogaeth ein Grŵp Llywio Lleihau Niwed misol rheolaidd dan arweiniad ein Harweinydd Lleihau Niwed ymroddedig, ein nod yw:

Blaenoriaethu lles myfyrwyr a’r gymuned drwy strategaethau lleihau niwed arloesol.
Lleihau effeithiau iechyd, cymdeithasol a chyfreithiol defnyddio sylweddau.
Sicrhau mynediad hawdd a rhagweithiol at gymorth ac adnoddau.
Meithrin amgylchedd meddwl agored sy'n darparu gwybodaeth i fyfyrwyr ac yn annog deialog agored.

Ein gwasanaethau a'n dull:

Rydym yn cynnig amrywiaeth o wasanaethau sy'n adlewyrchu ein hymdrechion cydweithredol, gan gynnwys clinigau ar y campws ac amrywiaeth o adnoddau cefnogol wedi'u teilwra i'n cymuned. Mae ein hymrwymiad i leihau niwed yn cynnwys y gwasanaethau canlynol i fyfyrwyr a staff ym Mhrifysgol Aberystwyth:

Gwasanaeth galw heibio wythnosol ar y campws
Cymorth i ffrindiau a theulu
Ymyriadau byr
Datblygu sgiliau
Atal ailwaelu

Rydym hefyd yn sicrhau y gall ein cymuned gael mynediad hawdd at y gwasanaethau canlynol trwy gydol yr wythnos yn yr hwb GCAD a Choices :

Gwaith grŵp
Gweithgareddau dargyfeiriol
Ymyriadau seicogymdeithasol
Gwasanaethau lleihau niwed
Ôl-ofal

Mae GCAD a Choices yn darparu triniaeth 1:1 pwrpasol ac asesiadau rheng flaen sy'n canolbwyntio ar anghenion a nodau unigol, meithrin gwytnwch personol, a llwybrau at wella. Trwy bartneriaethau â Thimau Cyffuriau ac Alcohol Cymunedol y GIG, mae gan ein cymuned fynediad at gymorth cynhwysfawr, gan gynnwys presgripsiynau meddygol ac asesiadau lles cymdeithasol lle bo hynny'n briodol.

Gyda'n gilydd, rydym yn anelu at greu amgylchedd diogel, cynhwysol a blaengar lle mae myfyrwyr yn teimlo eu bod yn cael eu cefnogi a'u gwerthfawrogi. Mae ein dull unigryw o leihau niwed yn adlewyrchu Gwerthoedd Craidd Prifysgol Aberystwyth:

Trawsnewidiol
Creadigol ac Arloesol
Cynhwysol
Uchelgeisiol
Cydweithredol

Sicrhau bod pob myfyriwr yn cael y cyfle i ffynnu.

Nid yw Prifysgol Aberystwyth yn cymeradwyo nac yn condemnio defnyddio cyffuriau, gan gynnwys alcohol; yn hytrach, rydym yn annog dull lleihau niwed sy'n canolbwyntio ar les yr unigolyn, gan ddarparu gwybodaeth i'ch helpu i gadw'n ddiogel a theimlo eich bod yn cael eich cefnogi.

Hoffem roi'r wybodaeth sydd ei hangen ar bob myfyriwr i wneud dewisiadau cadarnhaol mewn bywyd, felly ar y dudalen hon gallwch ddod o hyd i wybodaeth ar sut i gael cymorth i chi'ch hun neu rywun arall, yn ogystal â gwybodaeth i wella eich diogelwch os ydych yn defnyddio cyffuriau, gan gynnwys alcohol, yn ystod eich cyfnod yn y brifysgol.

Gwasanaeth Cyffuriau ac Alcohol Dyfed (GCAD):

Mae'r Brifysgol mewn partneriaeth â Gwasanaeth Cyffuriau ac Alcohol Dyfed (GCAD).

Gallwch gyfeirio eich hun at y gwasanaeth gan ddefnyddio Ffurflen Atgyfeirio GCAD: Ffurflen Atgyfeirio GCAD (DOCX)

Mae GCAD yn darparu cyngor a chymorth cyfrinachol i unigolion sydd â phroblemau cyffuriau a/neu alcohol neu sy'n poeni am ddefnydd rhywun arall o gyffuriau a/neu alcohol. Gallwch siarad ag aelod o'u tîm am wybodaeth a chyngor neu drefnu apwyntiad os ydych chi eisiau cymorth.

Mae GCAD yn cynnal clinig cyfrinachol ar y campws. Maent wedi'u lleoli yn y Ganolfan Croesawu Myfyrwyr ar y prif gampws, lle mae ganddynt eu swyddfa bwrpasol eu hunain.

Gwybodaeth am y clinig ar y campws:

Dydd Mawrth, 9.30am - 4.30pm.

Y Ganolfan Croesawu Myfyrwyr, 2il lawr.

Gellir cael cymorth hefyd gan GCAD yn eu swyddfa yng nghanol y dref.

Gwybodaeth am Swyddfa Aberystwyth GCAD:

9am - 5pm o ddydd Llun i ddydd Iau, 9am - 4.30pm ar ddydd Gwener

Rhif 25 Rhodfa'r Gogledd, Aberystwyth, SY23 2JN

03303 639997

confidential@d-das.co.uk

I gael mwy o wybodaeth gallwch ymweld â Gwefan GCAD.

Sut i gael mynediad i'r Ganolfan Croesawu Myfyrwyr

Sut i gael mynediad i'r Ganolfan Croesawu Myfyrwyr:

Os nad ydych am i unrhyw un wybod eich bod yn defnyddio'r gwasanaeth, gallwch ddod i mewn trwy ddrws cefn y Ganolfan Croesawu Myfyrwyr, y bont i'r ail lawr, neu'r lifft. Bydd arwyddion y tu mewn i'r adeilad i'ch cyfeirio at swyddfa GCAD ar yr ail lawr.

Fideo o sut i ddod o hyd i'r Ganolfan Croeso i Fyfyrwyr

Adnoddau:

Y Tîm Lles

Mae Tîm Lles y Gwasanaethau Myfyrwyr yma i helpu unrhyw fyfyriwr gydag unrhyw fater yn ymwneud â lles.

Cyfeirio eich hun:

Gallwch gyfeirio eich hun i siarad â rhywun o'r Gwasanaeth Lles gan ddefnyddio'r Ffurflen Gofrestru Lles ar-lein.

Cyfeirio myfyriwr y mae gennych bryderon amdano:

Os oes gennych bryderon am les myfyriwr, dywedwch wrth y tîm am eich pryderon gan ddefnyddio'r Ffurflen Adrodd a Chymorth.

Undeb Myfyrwyr Aberystwyth

Mae Undeb Myfyrwyr Aber yn darparu gwybodaeth ddefnyddiol am gyffuriau ac alcohol ar eu gwefan: Tudalen we Alcohol a Chyffuriau Undeb Myfyrwyr Aberystwyth

Mae gan yr Undeb Myfyrwyr dîm o fyfyrwyr sy'n gwirfoddoli ac mae’n bosibl y byddwch yn eu gweld yn gwisgo festiau coch llachar yn ystod yr wythnos Groesawu ac wythnos y Glas, ac ar adegau eraill yn ystod y flwyddyn. Gall y gwirfoddolwyr Tîm-A hyn eich helpu os oes angen unrhyw gymorth neu gyngor arnoch, nid dim ond gyda chyffuriau neu alcohol.

Barod

Mae Barod yn darparu cymorth am ddim i unigolion sy'n cael eu heffeithio gan alcohol a chyffuriau (ynghyd â'u ffrindiau a'u teulu) yn Ne a Gorllewin Cymru.

Ewch i wefan barod i gael gwybodaeth a dolenni at:

Ofal sy'n canolbwyntio ar wella
Gwybodaeth am leihau niwed, profion, a chyflenwadau

drugs+me

Ewch i drugsand.me i gael gwybodaeth am gyffuriau ac alcohol:

Rhyngweithio diogel ac anniogel â chyffuriau eraill
dosau ac effeithiau
risgiau a rhagofalon lleihau niwed
cyfreithlondeb

WEDINOS

Wrth gymryd cyffuriau, gall fod yn anodd gwybod yn union beth rydych chi'n ei gymryd. Mae WEDINOS yn wasanaeth profi cyffuriau dienw lle gallwch anfon sampl o gyffur a chael gwybod pa fath ydyw. Gall hyn roi gwybodaeth gywir i chi am y sylwedd i'ch helpu i gadw'n ddiogel.

Ewch i wefan WEDINOS lle gallwch ddilyn y camau i anfon sampl.

Sylwch: ni ddylech fyth anfon sylwedd y gwyddoch ei fod yn anghyfreithlon drwy'r system bost.