Adnoddau Dynol ar gyfer y busnes modern

Fiona Roberts, Cyfarwyddwr Adnoddau Dynol, Volkswagen Group UK Cyf

Mae Rhwydwaith Busnes Prifysgol Aberystwyth yn croesawu Fiona Roberts, Cyfarwyddwr AD Volkswagen Group UK Ltd fel y prif siaradwr mewn digwyddiad a gynhelir ar ddydd Llun 19 Mai o 5.30yp ymlaen.  

Bydd y digwyddiad, sy’n rhad ac am ddim ac wedi’i ailwampio ar gyfer haf 2014, yn cynnig cyfleoedd rhwydweithio proffesiynol a chyflwyniad i ysgogi’r meddwl ar y thema ‘HR for the Modern Business'.    

Bydd y ffair fusnes, sy’n rhan o’r digwyddiad, yn cynnwys cyfle i gael gwybod rhagor am yr arbenigedd, y gwasanaethau a’r cynlluniau cyllido sydd ar gael drwy’r Brifysgol a sefydliadau allanol eraill.

Wrth drafod y digwyddiad, dywedodd Gary Reed, Cyfarwyddwr yr Adran Ymchwil, Busnes ac Arloesi, "Mae hwn yn argoeli i fod yn ddigwyddiad rhwydweithio addysgiadol, a fydd yn cynnig cyngor ymarfereol ynglŷn â rheoli adnoddau dynol eich sefydliad. Rydym yn gobeithio y bydd modd i chi ymuno â ni.”

Nifer cyfyngedig o leoedd; am ragor o wybodaeth ac i gofrestru, ewch i www.aber.ac.uk/cy/ccs/network/. 

Neu, i siarad ag aelod o’r tîm Datblygu Busnes, cysylltwch â'r Adran Ymchwil, Busnes ac Arloesi, Prifysgol Aberystwyth (busnes@aber.ac.uk / 01970 622385).

AU21414

Rhannu