''Beth yw rôl yr Undeb Ewropeaidd yn y Drefn Fyd-eang sy'n Datblygu?''
![Dr Kay Swinburne](/cy/news/archive/2011/03/AU6111-Dr-Kay-Swinburne-web.jpg)
Dr Kay Swinburne
16 Mawrth 2011
Yn dilyn ‘ymateb brwd’ gan fyfyrwyr i’w hymweliad blaenorol bydd Dr Kay Swinburne, Aelod Ceidwadol dros Gymru yn Senedd Ewrop, yn dychwelyd i Aberystwyth.
Bydd yn cyflwyno Darlith Wadd y Ganolfan Astudiaethau Ewropeiadd 2011 ''Beth yw rôl yr Undeb Ewropeaidd yn y Drefn Fyd-eang sy'n Datblygu?''
Caiff y ddarlith ei chynnal am 14.00 ar ddydd Gwener 18fed o Fawrth 2011 ym Mhrif Neuadd yr Adran Wleidyddiaeth Ryngwladol.
Ganed Kay yn Aberystwyth ac fe’i magwyd yn Llandysul. Mae ganddi brofiad helaeth o fusnes rhyngwladol, cyllid a gofal iechyd a gafwyd tra’n gweithio yn y byd ariannol lle bu’n arbenigo mewn uno a phrynu cwmnioedd ar draws ffiniau.
Yn ogystal â chynrychioli nifer o gwmniau rhyngwladol mewn mentrau masnachol ac ariannol ar draws Ewrop, bu’n ymgynghorydd gofal iechyd ar faterion yn Nghanolbarth a Dwyrain Ewrop gan weithio fel ymgynghorydd corfforaethol i’r llywodaeth ar fiodechnoleg a phreifateiddio ym maes fferylliaeth.
Mae’r Ganolfan Astudiaethau Ewropeaidd yn ganolfan ymchwil traws-adrannol ag amlddisgybliaethol sy’n canolbwyntio ar astudio integreiddio Ewropeaidd pellach a pherthynas Ewrop gyda’r byd.
Fe’i lleolir o fewn yr Adran Wleidyddiaeth Ryngwladol ac mae’n cael ei redeg i raddau helaeth gan fyfyrwyr.
Prif amcan y Ganolfan yw datblygu arbennigedd, drwy ddysgu arloesol, ymchwil a datblygiad proffesiynol parhaus, ym meysydd Gwleidyddiaeth Rhyngwladol, Daearyddiaeth a Gwyddorau Daear, Gwyddorau’r Amgylchedd, Ieithoedd Ewropeaidd, Y Gyfraith a Thoseddeg, Hanes, Rheolaeth a Busnes a disgyblaethau erall sydd â gogwydd Ewropeaidd.