Benthyca o'r Llyfrgell

Nodir: Mi fydd cyfnod benthyca gostyngol o 2 ddiwrnod yn cael ei osod os oes cais gan ddefnyddiwr arall ar gyfer yr eitem yn barod. Bwriad hyn yw sicrhau tegwch a chyfle i bob defnyddiwr fenthyg yr eitem. Mi fydd y dyddiad dychwelyd yn cael ei nodi pan fyddwch yn benthyg yr eitem.

*Gall myfyrwyr Dysgu o Bell fenthyg llyfrau am 4 wythnos. Bydd y rhain yn cael eu hadnewyddu am 4 wythnos arall oni bai bod defnyddiwr arall yn gofyn amdanynt neu eu bod nhw wedi cyrraedd eu cyfnod benthyciad hiraf o 6 mis

**Gall myfyrwyr TAR ar leoliad fenthyg llyfrau o'r casgliad TAR drwy gydol eu cyfnodau ar leoliad. Pan nad ydynt ar leoliad, gall myfyriwr TAR fenthyg llyfrau o'r casgliad TAR am 2 wythnos.

Mae angen eich Cerdyn Aber arnoch i fenthyg eitemau.

• Gallwch fenthyca eitemau rydych chi wedi dod o hyd iddyn nhw ar silffoedd y llyfrgell gan ddefnyddio'r peiriannau hunanwasanaeth
• Dylid gofyn am offer benthyca ymlaen llaw a byddwch yn derbyn ebost efo gwybodaeth am ble i gasglu.

Byddwn yn adnewyddu'ch benthyciadau yn awtomatig tan y canlynol:

• gofynnwyd amdanynt gan ddefnyddiwr arall
• maent wedi cyrraedd y cyfnod benthyca uchaf o 12 mis (4 wythnos ar gyfer benthyciadau offer)
• mae eich cyfrif llyfrgell yn dod i ben.

Byddwch yn cael eich ebostio i roi gwybod i chi pryd mae angen dychwelyd eich eitemau, felly gwiriwch eich cyfrif ebost yn rheolaidd.

Byddwch hefyd yn derbyn ebost misol yn nodi'r eitemau sydd gennych ar fenthyg.

• Os bydd defnyddiwr arall yn gofyn am eitem sydd gennych ar fenthyg byddwch yn cael eich e-bostio i roi gwybod i chi
• Ni fydd yr eitem yn  cael ei hadnewyddu a bydd yn rhaid i chi ei dychwelyd erbyn y dyddiad/amser sy'n ddyledus, hyd yn oed os ydych i ffwrdd o'r campws.
• Gallwch wirio'r dyddiad / amser dyledus ar Primo.
• Os na fyddwch yn dychwelyd yr eitem erbyn y dyddiad/amser sy'n ddyledus, byddwch yn cael eich atal rhag benthyca unrhyw eitemau eraill hyd nes y caiff ei ddychwelyd.

• Os na fyddwch yn dychwelyd eitem y gofynnwyd amdani gan ddefnyddiwr arall, byddwch yn cael eich rhwystro rhag benthyca unrhyw eitemau eraill hyd nes y bydd wedi'i dychwelyd. Unwaith y bydd yr eitem yn 14 diwrnod yn hwyr, bydd yn cael ei hystyried Ar Goll a byddwch yn cael eich anfonebu am gost lawn i ailosod yr eitem.
• Os na fyddwch yn dychwelyd eich benthyciadau pan ddaw eich cyfrif llyfrgell i ben, byddwch yn cael eich anfonebu am gost lawn i ailosod yr eitem.
• Os na fyddwch yn dychwelyd eich benthyciadau neu cysylltu â ni pan fyddant wedi cyrraedd cyfnod uchaf y benthyciad, byddant yn cael eu hystyried Ar Goll a byddwch yn cael eich anfonebu am gost lawn i ailosod yr eitem.  
• Os na allwch ddychwelyd eich eitem erbyn y dyddiad a'r amser sy'n ddyledus, cysylltwch â ni.

Sut alla i ddychwelyd fy menthyciadau llyfrgell

• Os yw'r eitem sydd ei angen arnoch ar fenthyg, gallwch wneud cais amdano a phan gaiff ei ddychwelyd byddwn yn cadw'r eitem ar eich cyfer
• Byddwn anfon e-bost atoch i'ch hysbysu bod yr eitem yn aros amdanoch.
• Ni chaiff eitemau sydd â cheisiadau arnynt eu hadnewyddu ar gyfer y benthyciwr presennol a bydd yn rhaid eu dychwelyd erbyn y dyddiad / amser sy'n ddyledus.
• Gallwch wirio statws eich ceisiadau wrth ddilyn y cyfarwyddiadau yma

• Os ydych wedi colli eitem sydd allan ar eich cyfrif, cysylltwch â ni cyn gynted â phosib.
• Byddwn yn eich anfonebu am gost amnewid yr eitem ynghyd ag unrhyw ddirwyon a godir ar yr eitem.
• Ar ôl inni godi anfoneb, ni fyddwch yn gallu benthyca eitemau ychwanegol nes ei bod wedi cael ei thalu .
• Os yw'r eitem yn cael ei ganfod a'i ddychwelyd i'r llyfrgell yn ddiweddarach, byddwn yn ad-dalu'r gost amnewid.