Dewis Ffordd o Fyw

Wythnos Ryngwladol Iechyd Dynion

10-15 Mehefin 2024

Mae Wythnos Iechyd Dynion yn ymgyrch flynyddol i godi ymwybyddiaeth o'r materion iechyd a lles sy'n effeithio ar ddynion ledled y byd.

Nod yr ymgyrch yw annog dynion i ddarganfod am y materion iechyd a lles sy'n effeithio arnyn nhw. Rydym yn falch o gefnogi’r ymgyrch flynyddol hon ac mae gennym ystod o sesiynau a gwybodaeth drwy gydol yr wythnos ym Mhrifysgol Aberystwyth.

Ddydd Iau 13 Mehefin, dewch draw i Ganolfan Chwaraeon y Brifysgol lle bydd gan wasanaethau lleol allweddol - tîm Allgymorth Cymunedol Iechyd Hywel Dda, Papyrus a Gwasanaeth Cyffuriau ac Alcohol Dyfed (DDAS) - stondinau gwybodaeth a chanllawiau ar gyfer cymorth.

• Bwrdd Iechyd Prifysgol Hywel Dda – bydd y tîm allgymorth cymunedol yn gallu rhannu gwybodaeth am wasanaethau gofal iechyd, siarad am iechyd a lles, eich cysylltu â chymorth a all eich helpu.
• Papyrus – elusen genedlaethol sy'n darparu cymorth a chyngor cyfrinachol i bobl ifanc sy'n cael trafferth meddwl am hunanladdiad, ac unrhyw un sy'n poeni am berson ifanc.
• Gwasanaeth Cyffuriau ac Alcohol Dyfed (DDAS) – gall ddarparu cyngor ac arweiniad ynghylch eich defnydd eich hun neu ddefnydd rhywun arall o sylweddau.

Bydd y gwasanaethau ar gael rhwng 9:30am-2:00pm (ger derbynfa’r Ganolfan Chwaraeon) i’r holl staff, myfyrwyr ac ymwelwyr ar y diwrnod.

Fel bob amser, bydd gan y Ganolfan Chwaraeon raglen lawn o ddosbarthiadau amrywiol yn ystod yr wythnos, ynghyd â mynediad i'r gampfa, y pwll a'r wal ddringo.

Ystadegau iechyd dynion allweddol

• Yn y DU, mae 1:5 o ddynion yn marw cyn 65 oed. Mae deall y newidiadau i wella'r ystadegau hyn yn allweddol.
• Canolbwyntio ar atal, peidio ag aros i faterion gyrraedd pwynt argyfwng, targedu gwybodaeth at ddynion a bechgyn a chael gwared ar y sigma ynghylch gofyn am help.
• Mae astudiaethau'n dangos bod dynion yn llai tebygol o ymweld â meddyg teulu neu geisio cymorth gyda salwch oherwydd y canfyddiad o adeiladwaith cymdeithasol sy'n dangos bod gofal iechyd yn bryder benywaidd.
• Mae astudiaethau pellach yn dangos bod dynion hefyd yn llai tebygol o fod yn ymwybodol o symptomau canser, yn llai tebygol o ddarllen gwybodaeth yn ymwneud â meddyginiaeth neu gael mynediad at feddyginiaeth dros y rhyngrwyd er mwyn osgoi mynd i weld y meddyg teulu
• Mae 37% o'r holl farwolaethau yn y DU yn gysylltiedig â chlefyd cardiofasgwlaidd (CVD) gyda thua 4 miliwn o wrywod y DU yn cael eu heffeithio - dwywaith cyfradd canser neu ddementia
• Mae 1:6 o'r holl CVD yn gysylltiedig â gordewdra, gyda chwarter yr holl ddynion â'r ffactor risg uchel hwn.
• Smygu yw prif achos salwch a marwolaeth y gellir eu hatal - mae dynion yn tueddu i ysmygu mwy na menywod yn gyffredinol. Mae 86% o'r holl farwolaethau oherwydd canser yn gysylltiedig ag ysmygu.
• Mae ychydig dros dri o bob pedwar hunanladdiad (76%) gan ddynion a hunanladdiad yw achos marwolaeth mwyaf dynion o dan 35 oed (Cyfeirnod: ONS)
• Mae 12.5% ​​o ddynion yn y DU yn dioddef o un o’r anhwylderau iechyd meddwl cyffredin.
• Mae dynion bron deirgwaith yn fwy tebygol na merched o ddod yn ddibynnol ar alcohol (8.7% o ddynion yn ddibynnol ar alcohol o gymharu â 3.3% o ferched - Canolfan Gwybodaeth Iechyd a Gofal Cymdeithasol)
• Mae dynion yn fwy tebygol o ddefnyddio (a marw o) gyffuriau anghyfreithlon.
• Mae dynion yn llai tebygol o gael mynediad at therapïau seicolegol na merched. Dim ond 36% o atgyfeiriadau i IAPT (Cynyddu Mynediad i Therapïau Seicolegol) sy'n ddynion.

Pilates a'r Prostad – Rachel Hubbard

Mae canser y prostad yn effeithio ar 1:8 o ddynion gwyn ac 1:4 o ddynion du yn y DU yn ystod eu hoes, gan ei wneud yn un o’r canserau gwrywaidd mwyaf cyffredin – ac eto, dywedodd 44% o ddynion nad oeddent yn gwybod ble roedd, a 74% cyfaddef nad oeddent yn gwybod beth mae'n ei wneud.

Gall lleoliad y brostad o dan y bledren ac o amgylch yr wrethra arwain at faterion megis llif wrin araf, anhawster i gychwyn neu gwblhau troethi, ac ymdeimlad o wagio anghyflawn, yn aml gydag ysfa neu anymataliaeth driblo - pynciau nad ydynt yn hawdd eu trafod.

Gall canser y prostad fod â thueddiadau teuluol (os yw'ch mam neu'ch chwaer wedi cael canser y fron er enghraifft), weithiau mae cysylltiadau â chymeriant braster dietegol uchel. Gall y rhain i gyd eich helpu i ganfod a ydych mewn perygl, a gallwch fynd at eich meddyg teulu i gael prawf gwaed syml i gadarnhau.

Yn ogystal â'r symptomau a restrir uchod, gall dynion hefyd brofi poen yn y cefn neu'r pelfis - ac yn aml y poen cefn sy'n ysgogi dynion i ymuno â dosbarthiadau Pilates.

Tynnodd Gomes (2017/2016) sylw at effeithiolrwydd Pilates o gymharu â systemau hyfforddi cryfder cyhyrau llawr y pelfis confensiynol, a thrwy gyfuno Pilates â hyfforddiant penodol ar lawr y pelfis, cafwyd canlyniadau gwell. Gall problemau llawr pelfis fod yn bryder yn dilyn llawdriniaeth, ac efallai y byddwn yn gweld y gall problemau anymataliaeth barhau am fisoedd ar ôl llawdriniaeth. Gall cynnal llawr pelvig cryf cyn ac ar ôl y llawdriniaeth wneud gwahaniaeth sylweddol i adferiad

Y tu hwnt i fynd i'r afael ag anymataliaeth (ar gyfer dynion a menywod), mae Pilates yn cyfrannu at well hunan-barch, gwell ansawdd bywyd, cryfder craidd a chefn cynyddol, cerddediad gwell, a gwell cydbwysedd. Gallwch fynd i mewn i ddosbarth Pilates gyda "chefn drwg" tra'n mynd i'r afael yn dawel â materion anymataliaeth.

Mae sesiynau Pilates ar gael yng Nghanolfan Chwaraeon y Brifysgol, cysylltwch â sports@aber.ac.uk am ragor o wybodaeth.

Mae’r Brifysgol wedi cyflwyno cynllun seiclo i’r gwaith mewn cydweithrediad â  Cyclescheme. Trwy’r cynllun gallwch brydlesu beic drwy’r Brifysgol am gyfnod o 12 mis neu 18 mis (cyfanswm gwerth y beic a’r cyfarpar diogelwch yw £3,500). Yna, ar ddiwedd y cyfnod llogi, cewch ddewis prynu’r beic pe dymunech. Byddai’r gost fel rheol yn 5% o’r gost wreiddiol.

Yn rhan o’i chyfrifoldeb amgylcheddol, mae’r Brifysgol yn annog ei staff i ddefnyddio mentrau sy’n ystyriol o’r amgylchedd, megis rhannu ceir, sydd wedi dod yn fwyfwy poblogaidd yn ystod y blynyddoedd diwethaf. Mae’r wefan rhannu ceir ‘rhannucarcc.com’ yn rhoi gwybodaeth ynghylch canfod rhywun sydd â char a allai fod yn mynd yr un ffordd â chi, neu rannu cost y cludiant.

Ceir gwefan cynaladwyedd amgylcheddol newydd sy’n rhoi gwybodaeth a dolenni i weithgareddau PA. Mae’r safle yn cynnwys sut y gallwch wneud eich rhan a dolenni i ymchwil a mentrau amgylcheddol adrannol yn PA. Ceir hefyd ddolenni i wefan ‘Gofal ‘da’r Gwastraff’ yr Adran Ystadau, a grëwyd yn rhan o ymgyrch gyfathrebu i leihau defnydd o ynni a dwr. Mae manylion y trefniadau gwastraff ac ailgylchu a rhagor o wybodaeth ar gael ar wefan Gwastraff ac Ailgylchu y Gwasanaethau Ty.

Mae gan PA amrywiaeth o bolisïau i alluogi aelodau o staff i fwynhau gwell cydbwysedd rhwng anghenion gwaith ac anghenion personol, e.e. ac amrywiaeth o bolisïau Absenoldeb, e.e. , , a’r Polisi Absenoldeb Arbennig. Mae’r polisïau hyn a’r ffurflenni ar eu cyfer ar gael ar y tudalennau Telerau ac Amodau ar y wefan AD.