Adnoddau Lles

Mae’r gwasanaeth cymorth UM Aber yn offro cymorth â materion iechyd a lles yn ogystal â gwybodaeth ddefnyddiol ynglŷn â sut i greu cysylltiadau drwy weithgaredd ystyrlon â phobl o'r un anian.

https://www.umaber.co.uk/cyngor/iechydallesiant/

Mae Gwasanaeth Lles y Brifysgol wedi datblygu cyfres o Gyflwyniadau Panopto sy’n cyflwyno sgiliau a strategaethau i reoli nifer o heriau cyffredin sy’n gysylltiedig â bod yn y brifysgol.

• Rheoli Newid
  Cewch ddysgu am y Model Newid a sut i fod yn llwyddiannus wrth reoli newid personol yn eich bywyd, ynghyd â ble i gael gafael ar y cymorth mwyaf priodol.
• Ffordd o Fyw
  Cewch ddeall y categorïau gwahanol o ran ffordd o fyw a deall sut y mae eich dewisiadau ffordd o fyw yn effeithio ar eich lles.
• Deiet a Mynegai Màs y Corff (BMI)
  Dysgwch sgiliau i reoli’ch deiet a rheoleiddio lefel y siwgr yn y gwaed i helpu i wella eich cynhyrchiant, iechyd a hapusrwydd.
• Cysgu
  Mae cwsg yn hanfodol os ydym am fod ar ein gorau. Yma cewch ddysgu 11 strategaeth i helpu eich cwsg.
• Rheoli Llwyth Gwaith Academaidd
  Cyflwyniad byr ar sut y gallwch reoli’ch llwyth gwaith academaidd trwy wella sgiliau rheoli amser, blaenoriaethu tasgau a rheoli eich lles.
• Rheoli Pryder ynghylch Rhoi Cyflwyniad
  Dysgwch am orbryder a sut i reoli pryder am roi cyflwyniad llafar.
• Oedi ac Osgoi
  Cyflwyniad byr ar reoli arferion oedi a gohirio gwaith (procrastination) ac osgoi pethau er mwyn eich helpu i gyflawni eich potensial academaidd a rheoli eich lles.

Gall cynllunio ein trefn ddyddiol fod yn hynod o ddefnyddiol am sawl rheswm. Gall ein cynorthwyo i gyflawni’r hyn y mae arnom eisiau ei wneud a’r hyn y mae’n rhaid inni ei wneud! Yn aml, pan fydd pethau’n newid, gall fod yn anodd dychwelyd at ein trefn ddyddiol. Er enghraifft, yn achos dysgu cyfunol pan fo angen strwythurau dysgu o bell, neu os bydd rhywbeth brys yn codi ac yn effeithio ar ein trefn ddyddiol.

Mae’r dolenni isod yn cynnwys gwybodaeth am yr hyn y dylech ei ystyried wrth ddechrau cynllunio eich dyddiau, a’r gwahanol fathau o weithgareddau sy’n ein cefnogi ni fel pobl, megis gweithgareddau sy’n dod ag ymdeimlad o Gyflawni, Cyswllt ag eraill ac/neu Fwynhad.

Gall llawer o weithgareddau gynnig y 3 pheth hyn ynghyd, tra bydd eraill yn cynnig dim ond un ohonynt. Rydym hefyd wedi cynnwys cynllunydd er mwyn eich cynorthwyo â’ch cynlluniau.  

Os ydych yn teimlo yr hoffech siarad ag aelod o’n tîm ynghylch eich trefn ddyddiol, cysylltwch â’n gwasanaeth.  

Cyflawni, Cysylltu, Mwynhau (Saesneg unig): Achieve, Connect, Enjoy (PDF)

Dyddiadur Gweithgareddau (Saesneg unig): Activity Diary (PDF)