Adborth Myfyrwyr
Proffil Myfyriwr
Thuy Bui Howarth o Fietnam
Y rhesymau am fy nghais am y Dystysgrif Addysg Uwch: Astudiaethau Natur
Po fwyaf rwy'n ei ddysgu am blanhigion, blodau, anifeiliaid, pryfed ac ecoleg, mwyaf fy syndod ynghylch maint ein dinistr ni fodau dynol o’r ecosystem a'r amgylchedd. Hoffwn allu gwneud cyfraniad bychan iawn tuag at newid y ffaith drist hon drwy ledaenu fy narluniau yn ogystal â gwybodaeth Fotanegol i'r byd. A'r unig ffordd y gallaf wneud hynny yw trwy ddysgu.
A minnau’n berson Fietnamaidd sy'n byw yn Ewrop (Y Swistir), dechreuais fagu diddordeb mewn Darlunio Botanegol yn ddiweddar iawn. Mae hwn yn broffesiwn newydd sbon nad yw'n bodoli yn Fietnam eto, mewn unrhyw raglen hyfforddiant academaidd ffurfiol hyd y gwn i. Felly, yn y dyfodol agos, os oes modd, hoffwn greu lle i artistiaid Botanegol a Botanegwyr Fietnam gwrdd, dysgu a thrafod er lles ecosystem Fietnam ac i helpu pobl i ddeall mwy am bwysigrwydd planhigion, blodau, anifeiliaid, pryfed a'r hyn y gall pob un ohonom ei wneud i wneud ein Daear yn lle mwy gwyrdd.
Rydym yn gwerthfawrogi'r holl adborth a gawn gan ein myfyrwyr.
Mae gan fyfyrwyr olwg gynhwysfawr ar sut mae eu tiwtoriaid yn dysgu ac ysbrydoli eu myfyrwyr a dyna pam y gofynnwn ni i'n myfyrwyr lenwi holiaduron byr ar ganol pob cwrs, ac ar y diwedd.
Mae casglu adborth ein myfyrwyr yn hanfodol gan ei fod yn rhoi dealltwriaeth werthfawr i ni am ein dulliau dysgu ac am ddeinameg y ddarlithfa. Mae hefyd yn golygu ein bod yn gallu gwneud newidiadau yn ystod y cwrs a gwella’r dysgu os bydd angen – sy’n gwneud y profiad dysgu yn fwy effeithiol a diddorol i’r myfyrwyr.
Mae gennym ddiddordeb gwirioneddol ym marn ein myfyrwyr. Mae eu safbwyntiau’n werthfawr ac yn gallu ddylanwadu'n uniongyrchol ar y broses ddysgu trwy dynnu sylw at beth sy'n gweithio'n dda a dangos lle y gellid gwella efallai.
Mae ein system adborth hefyd yn ennyn mwy o ddiddordeb ymhlith y myfyrwyr, ac yn aml yn arwain at fwy o gyfranogiad yn y cyrsiau ac ymrwymiad mwy dwys i’r dysgu, gan gyfrannu yn y pen draw at brofiad addysgol mwy cyfoethog.