Sut i gofrestru
Rydym yn argymell eich bod yn ymrestru cyn gynted ag y gallwch am unrhyw gyrsiau y mae gennych chi ddiddordeb ynddynt oherwydd:
- Mae cyrsiau poblogaidd yn llenwi’n gyflym
- Gallai cyrsiau gydag ymgeiswyr annigonol gael eu canslo
Byddwn yn cysylltu â chi os na allwn dderbyn eich cais am unrhyw reswm.
Noder mewn achosion prin y gallai cwrs lenwi yn ystod y broses ymrestru. Os bydd hyn yn digwydd bydd aelod o staff yn cysylltu â chi i drefnu ad-daliad neu drosglwyddo i gwrs arall.
I gofrestru ar gwrs:
- I ddechrau porwch drwy’r cyrsiau i ddod o hyd i un sy'n addas,
- Ar y cyfan, mae ein cyrsiau'n dechrau bob mis Medi/Hydref, Ionawr ac Ebrill,
- Ar ôl i chi ddod o hyd i gwrs addas, gwasgwch fotwm ‘Cofrestru nawr’, ·
- Cewch eich cludo i brynu eich lle trwy ein siop ar-lein
Telerau ac amodau
Talu
Mae’n rhaid talu wrth ymrestru a dylech ymrestru cyn ddyddiad dechrau’r cwrs.
Ad-daliadau a chanslo cyrsiau
Rydym yn cadw'r hawl i ganslo neu gyfyngu ar gyrsiau. Pan fydd hyn yn digwydd, byddwn yn rhoi ad-daliad llawn neu rannol fel sy'n briodol.
Myfyrwyr sy'n tynnu nôl ac ad-daliadau
Os ydych yn dymuno gadael cwrs, bydd rhaid cyflwyno hysbysiad ysgrifenedig o leiaf 7 diwrnod cyn dechrau'r cwrs ac yna byddwn yn prosesu eich ad-daliad.
Unwaith y bydd cwrs wedi dechrau, ni fyddwn yn rhoi ad-daliad i fyfyriwr sy'n penderfynu tynnu’n ôl.
Ceisiadau am drosglwyddo
Unwaith y bydd cwrs wedi dechrau, efallai y gallwn ganiatáu trosglwyddiad i gwrs arall o dan rai amgylchiadau, e.e. nid yw'r lefel yn addas.
Ni fyddwn yn cymeradwyo ceisiadau i drosglwyddo yn awtomatig ym mhob achos, a dylid cyflwyno ceisiadau yn ysgrifenedig i learn@caerdydd.ac.uk (er gall myfyrwyr ffonio os bydd ceisiadau brys).
Os caniateir i chi drosglwyddo ac mae ffi'r cwrs newydd yr un peth, neu'n is, ni fydd tâl. Os yw ffi'r cwrs newydd yn uwch, bydd yn rhaid talu'r balans yn llawn. Sylwer hefyd mai unwaith yn unig y byddwch yn gallu trosglwyddo ffi cwrs. Mae trosglwyddiadau fel arfer yn ddilys am 12 mis.
Cyfyngiadau
Mae’n ofynnol i chi ddatgan unrhyw euogfarn sydd heb ddarfod os oes cyfyngiadau a allai effeithio ar eich gallu i ymgymryd ag unrhyw elfen o’ch rhaglen astudio.
Os oes unrhyw gyfyngiadau arnoch sy’n eich atal rhag defnyddio’r rhyngrwyd neu raglenni fel ebost, rhaid i chi roi gwybod i’r Brifysgol.
Rhaid i chi roi gwybod i’r Brifysgol hefyd os oes unrhyw gyfyngiadau arnoch o ran cyrffyw, a/neu, eich gallu i fynd i leoliadau/ardaloedd (gan gynnwys gorchmynion atal) fyddai’n effeithio ar eich gallu i fod yn bresennol ar gyfer unrhyw elfen o’ch cwrs.