Gwibdaith Drwy Lenyddiaeth Gymraeg

 

Gwlad beirdd a chantorion’ medd yr anthem genedlaethol am Gymru, a thros gyfnod o ddeg wythnos, bydd y cwrs hwn yn rhoi cyflwyniad i rai o feirdd a llenorion Cymru.

Ffeithiau Allweddol

 

Iaith: Cymraeg

Hyd: 10 Wythnos 

Nifer y Credydau: 10

Tiwtor: Yr Athro Mererid Hopwood    

Dull Dysgu: Gwyneb-i-wyneb

Lefel: Mae'r modiwl hwn ar Lefel 4 FfCChC

Cod y Modiwl: YD11010

Ffi: £130.00 - Cynllun Hepgor Ffioedd

Diolch i gefnogaeth ariannol gan Medr trwy'r Cynllun Hepgor Ffioedd, caiff ddysgwyr a siaradwyr Cymraeg sy’n byw yng Nghymru (a sydd ddim yn astudio mewn prifysgol), astudio’r cwrs hwn am ddim.

Oherwydd natur y cwrs, nifer cyfyngedig sydd ar gael felly y cyntaf i’r felin fydd hi!

Gellir archebu lle ar y cwrs yma.

 

 

Amlinell 

Nod y cwrs ymarferol hwn yw cyflwyno egwyddorion ffotograffiaeth ddigidol yn ystod cyfnod y gwyll a’r nos, gan roi gwybodaeth a dealltwriaeth i'r dysgwr o ddefnydd sylfaenol y camera er mwyn sicrhau lluniau o’r ansawdd uchaf.

Tra bydd agweddau sylfaenol ffotograffiaeth ddigidol yn cael eu cwmpasu (trin a chyflunio’r camera digidol, dewis lensys, datguddiad, cyfansoddiad a beirniadaeth delwedd), bydd y cwrs hwn yn canolbwyntio ar dynnu lluniau penodol yn ystod y nos a chyfnod y gwyll.

Bydd y dysgwr yn cael cyfle i arsylwi a thynnu lluniau yn ardal Ponterwyd, Nant yr Arian a Nant y Moch, Ceredigion / Tregaron, Ceredigion / Cwm Elan

Yn agored i bawb o ddechreuwyr i arbenigwyr, mae'r cwrs hwn yn archwilio tynnu lluniau awyr y nos a’r gwyll tra'n ymgorffori natur.

Rhaglen y Cwrs

Dwy sesiwn o dynnu lluniau o awyr y gwyll a’r nos mewn lleoliadau detholedig gyda chyfarwyddid gan arbenigwr yn y maes.

Yn ystod y sesiynau bydd yr elfennau isod yn cael eu dysgu:

  • Sut i ddal camera a defnyddio’r treipod a’r teclyn rheoli di-gyffwrdd
  • Sgiliau maes sylfaenol
  • Ffurfweddu'r DSLR / Camera di-ddrych
  • Dewis lens
  • Amlygiad
  • Cyfansoddiad
  • Goleuadau naturiol
  • Rheolaeth greadigol
  • Golygu ac addasu lluniau

Ceir adolygiad o’r lluniau yn ystod y cwrs er mwyn dysgu sut i hunan-feirniadu gwaith a galluogi gwelliant parhaus.

Mae ein tiwtor, Dafydd Wyn Morgan, yn un o ffotograffwyr mwyaf brwdfrydig Cymru, sy’n arbenigo mewn ffotograffiaeth a fideograffiaeth nos gan gyflwyno'r wybren dywyll mewn cysylltiad â thirweddau byd natur. Mae ei luniau wedi cael eu cyhoeddi yn y National Geographic, Sky at Night

Magazine Sky News a llawer o bapurau newydd lleol, rhanbarthol a chenedlaethol. Cymerwch bip ar ei wefan: Home | Serydda / Stargazing / Wales

Manylion y Cwrs

Nos Sadwrn, 26ain a nos Sul, 27ain Ebrill 2025

Rhwng 8 yr hwyr a 2 y bore

Cwrdd yng Ngwesty’r George Borrow, Ponterwyd, Ceredigion, SY23 3AD Gellir archebu swper o flaen llaw os dymunir Gwefan: George Borrow Hotel, Aberystwyth | HomePage

Pwysig: Mae’n ofynnol i ddysgwyr ddarparu’r offer angenrheidiol (gweler y rhestr isod).

Canlyniadau Dysgu 

  1. Adnabod, dewis a defnyddio sgiliau a dulliau ffotograffiaeth sylfaenol a phriodol wrth dynnu lluniau yn ystod y nos a chyfnod y gwyll
  2. Dangos sgiliau sylfaenol wrth ddefnyddio camera digidol ac offer ffotograffiaeth gan gynnwys pecynau golygu
  3. Dysgu technegau newydd wrth dynnu lluniau yn yr awyr agored yn ystod y nos a chyfnod y gwyll
  4. Hunan-feirniadu delweddau er mwyn galluogi gwelliant parhaus

Asesiadau 

  1. Arddangosiad ymarferol o gymhwysedd yn ystod y gwaith maes
  2. Portffolio o waith a delweddau a dynnwyd yn ystod y cwrs

Gofynion Mynediad 

Mae hwn yn gwrs i bawb. Nid oes angen unrhyw brofiad blaenorol ac nid oes unrhyw ofynion mynediad ffurfiol. Mae’r cwrs yn addas i ddysgwyr a siaradwyr Cymraeg.

Beth sydd ei angen arnaf? 

Mae’n ofynnol i ddysgwyr ddarparu’r offer canlynol:

  • Camera DSLR / Di-ddrych
  • Treipod
  • Remote control
  • Tortsh pen
  • Cerdyn SD
  • Gliniadur