Novel Writing 3: The Rewrite

Braslun 

Ysgrifennu nofel yw uchelgais nifer ohonom, a gallwn gario syniad am flynyddoedd heb roi’r syniad hwnnw ar bapur. Mae rhai ohonom yn dechrau arni, ond gall fod yn anodd cynnal momentwm, ac o ganlyniad, mae nifer o nofelau gwych yn cael eu gadael ar eu hanner. ‘Novel Writing 3: The Rewrite’ yw’r trydydd o dri chwrs mewn cyfres ysgrifennu nofelau.  Nid yw'n orfodol i fyfyrwyr fod wedi gwneud ‘Novel Writing 1’ a ‘Novel Writing 2’, cyn belled â bod gan y myfyriwr ddrafft o nofel y maent am weithio arni. 
 
Yn rhan o’r cyrsiau ‘Novel Writing 1’ a ‘Novel Writing 2’, mae myfyrwyr yn datblygu eu syniadau, yn gweithio ar adeiladu byd y nofel honno ac yn ysgrifennu drafft cyntaf. Yn y trydydd cwrs hwn, bydd myfyrwyr yn dysgu sut i fynd ati i ailwampio eu drafft. 
 
Yn gyntaf, bydd y cwrs ‘Novel Writing 3’ yn eich annog i ddarllen trwy eich drafft a nodi beth sy'n gweithio'n dda a pha welliannau y gallai fod angen eu gwneud. Yna byddwch yn cwblhau 'diagnosis y darllenydd' ac yna 'cynllun y golygydd'. Trwy ymarferion ategol ac adborth gan diwtor, byddwch yn dadansoddi'r golygfeydd yn eich nofel ac yn dechrau ailysgrifennu rhai adrannau. Bydd y cwrs yn eich cyflwyno i ystod o dechnegau a strategaethau i'ch helpu i ailwampio eich nofel, rhoi sglein arni, a’i chyflwyno. Byddwch hefyd yn gweithio ar ysgrifennu synopsis a chyflwyniad ar gyfer darpar asiantau a chyhoeddwyr. Mae pob uned, felly, yn cynnig cyngor ac anogaeth a'r cyfle i drafod problemau gyda'r tiwtor a'r grŵp. 

Rhaglen 

Cyflwynir y cynnwys ar-lein drwy ddarlithoedd PowerPoint fideo a chynnwys fideo allanol.  Bydd gweithgareddau a byrddau trafod yn cael eu hymgorffori ym mhob un o’r unedau er mwyn i’r tiwtor allu cynnig cymorth ac adborth. Bydd nifer o'r gweithgareddau yn helpu'r myfyrwyr i baratoi ar gyfer yr aseiniadau.

• Uned 1 - Y broses ddarllen. Eich drafft - lle ydych chi wedi’i gyrraedd? Rhai canllawiau cyffredinol ar y broses ailysgrifennu.           Rhai canllawiau ar y broses ddarllen. 
• Uned 2 - Diagnosis a chynllun. Diagnosis y darllenydd. Cynllun y golygydd.
• Uned 3 - Golygfa wrth olygfa
• Uned 4 - Ailysgrifennu golygfeydd
• Uned 5 - Mireinio – sut i roi sglein ar eich nofel a’i chyflwyno
• Uned 6 - Ysgrifennu synopsis a chyflwyniad (ar gyfer asiantau a chyhoeddwyr)
• Uned 7 - Mwy o ailysgrifennu a mireinio 
• Uned 8 - Casgliadau a symud ymlaen 

Canlyniadau Dysgu

Ar ôl cwblhau'r modiwl hwn dylai'r myfyrwyr allu gwneud y canlynol:  

1. Adnabod a defnyddio ystod eang o strategaethau a thechnegau creadigol i olygu a gwella drafft cyntaf 
2. Creu synopsis o'u nofel. 
3. Golygu a gwella 'golygfa', pennod neu adran o'u nofel. 
4. Dechrau ystyried eu gwaith o safbwynt darllenwyr, asiantau a chyhoeddwyr. 

Asesiadau

1. Pennod neu olygfa o'r nofel wedi’i golygu a’i mireinio: 1500 o eiriau; 70%. 
2. Synopsis o'r nofel: 500 o eiriau; 30%. 

Awgrymiadau am Ddeunydd Darllen

Cynigir awgrymiadau am ddeunydd darllen trwy gydol y cwrs.

Gofynion Mynediad

Cwrs i bawb yw hwn. Nid oes angen unrhyw brofiad blaenorol ac nid oes unrhyw ofynion mynediad ffurfiol.

Beth sydd ei angen arnaf?

Gan ei fod yn gwrs ar-lein, bydd angen y canlynol arnoch:

• Cyswllt â'r Rhyngrwyd
• Gliniadur neu gyfrifiadur sydd â gwe-gamera a meicroffon; efallai y bydd clustffonau yn ddefnyddiol
• Defnyddio’r gwe-borwr Chrome lle bo hynny'n bosib.