Novel Writing 2: The First Draft

 

Gellir astudio ‘Novel Writing 2: The First Draft’ fel cwrs annibynnol ac fel cwrs dewisol ar gyfer y Dystysgrif Addysg Uwch mewn Astudiaethau Ysgrifennu Creadigol ym Mhrifysgol Aberystwyth. 

Ffeithiau Allweddol 

 

Iaith: Saesneg

Hyd: 10 Wythnos

Nifer y Credydau: 10

Tiwtor: Dr Helen Pendry 

Dull Dysgu: Ar lein  

Lefel: Mae'r modiwl hwn ar Lefel 4 FfCChC  

Cod y Modiwl: XE12210

Ffi: £130.00 - Cynllun Hepgor Ffioedd

Nid oes modd cadw lle ar y cwrs hwn ar hyn o bryd

Byddwch y cyntaf i gael gwybod pan gyhoeddir dyddiadau newydd trwy ymuno â’n rhestr bostio.

 

Braslun

Ysgrifennu nofel yw uchelgais nifer ohonom, a gallwn gario syniad am flynyddoedd heb roi’r syniad hwnnw ar bapur. Mae rhai ohonom yn dechrau arni, ond gall fod yn anodd cynnal momentwm, ac o ganlyniad, mae nifer o nofelau gwych yn cael eu gadael ar eu hanner. ‘Novel Writing 2: The First Draft’ yw’r ail o dri chwrs mewn cyfres ysgrifennu nofelau. Nid oes rhaid i fyfyrwyr fod wedi gwneud ‘Novel Writing 1’, cyn belled â bod ganddynt gynllun ar gyfer nofel ac yn hyderus eu bod yn barod i ddechrau ysgrifennu drafft cyntaf. 

Yn ystod ‘Novel Writing 1’, bydd myfyrwyr yn datblygu eu syniadau ac yn gweithio ar adeiladu byd y nofel honno. Ar ‘Novel Writing 2’, bydd myfyrwyr yn anelu at ysgrifennu drafft cyntaf o’u nofel (y gellir gweithio arno wedyn ar ‘Novel Writing 3: The Rewrite’   

Yn gyntaf, bydd ‘Novel Writing 2’ yn eich annog i osod eich nodau ysgrifennu a dechrau cadw cofnod o’ch gwaith. Trwy ymarferion ysgrifennu ac adborth gan diwtor, byddwch yn datblygu arc stori a phwyntiau plot, wrth fyfyrio ar eich proses ysgrifennu. Bydd y cwrs yn eich cyflwyno i ystod o dechnegau ysgrifennu yn ogystal â  strategaethau ar gyfer cynllunio a strwythuro eich nofel.  Mae’n bwysig i chi roi geiriau ar y dudalen, ac felly bydd y cwrs yn canolbwyntio ar eich annog i ymrwymo i ysgrifennu nifer penodol o eiriau yr wythnos. Mae pob uned felly’n cynnig cyngor ac anogaeth a’r cyfle i drafod problemau gyda’r tiwtor a’r grŵp.

Rhaglen

Cyflwynir y cynnwys ar-lein drwy ddarlithoedd PowerPoint fideo a chynnwys fideo allanol.  Bydd gweithgareddau a byrddau trafod yn cael eu hymgorffori ym mhob un o’r unedau er mwyn i’r tiwtor allu cynnig cymorth ac adborth. Bydd nifer o'r gweithgareddau yn helpu'r myfyrwyr i baratoi ar gyfer yr aseiniadau.  

  • Uned 1. Dechrau - y sefyllfa a’r digwyddiad ysgogol 
  • Uned 2. Arc stori – y daith – y trobwyntiau. 
  • Uned 3. Plot – y stori gefn – y trobwynt cyntaf / pwynt plot 1. 
  • Uned 4. Strwythur a Golygfeydd – Mae popeth yn mynd yn dda (neu ydy e?) 
  • Uned 5. Ymrwymiad, temtasiwn a gwrthwynebwyr – y man canol 
  • Uned 6. Dioddefaint / awydd / ildio 
  • Uned 7. Eisiau / Angen / Ail-fframio Awydd 
  • Uned 8. Y Diwedd / Dychwelyd Adref 
  • Uned 9. Datrysiadau a mynd yn ôl i'r dechrau 

Canlyniadau Dysgu

Ar ôl cwblhau'r modiwl hwn dylai'r rhai sydd ar y cwrs allu wneud y canlynol: 

  1. Gosod nodau ysgrifennu realistig a chadw cofnod o'u gwaith yn rheolaidd. 
  2. Adnabod a defnyddio ystod eang o strategaethau a thechnegau creadigol. 
  3. Myfyrio'n feirniadol ar eu gwaith creadigol a'u proses ysgrifennu eu hunain. 
  4. Dangos dealltwriaeth o strwythur, plotio, datblygu cymeriadau, golygfeydd a lleoliadau. 

Asesiadau

  1. Cynllun drafft cyntaf (300 gair) 20% 
  2. Sylwebaeth fyfyriol (1500) 80% 

Awgrymiadau Darllen

Cynigir awgrymiadau ar gyfer deunydd darllen drwy gydol y cwrs. 

Gofynion Mynediad

Cwrs i bawb yw hwn. Nid oes angen unrhyw brofiad blaenorol ac nid oes unrhyw ofynion mynediad ffurfiol.

Beth sydd ei angen arnaf?

Gan mai cwrs ar-lein yw hwn, bydd angen y canlynol arnoch:

  • Cyswllt â'r Rhyngrwyd