Exploring Creative Writing Techniques

 

Gellir astudio 'Autobiographical Writing' fel cwrs annibynnol ac mae'n gwrs dewisol ar gyfer y Dystysgrif Addysg Uwch mewn Ysgrifennu Creadigol ym Mhrifysgol Aberystwyth.

Ffeithiau Allweddol 

 

Iaith:  Saesneg 

Hyd:  10 Wythnos  

Nifer y Credydau: 10 

Tiwtor: Henni Tremlett 

Dull Dysgu: Ar lein  

Lefel: Mae'r modiwl hwn ar Lefel 4 FfCChC  

Cod y Modiwl: XE14610

Ffi: £130.00 - Cynllun Hepgor Ffioedd

Nid oes modd cadw lle ar y cwrs hwn ar hyn o bryd

Byddwch y cyntaf i gael gwybod pan gyhoeddir dyddiadau newydd trwy ymuno â’n rhestr bostio.

 

Braslun

Bydd y cwrs hwn yn eich cyflwyno i dechnegau, sgiliau a chrefft ysgrifennu creadigol.  Fe'ch anogir i arbrofi â gwahanol ffurfiau llenyddol ysgrifenedig gan gynnwys, ond heb fod yn gyfyngedig i, ffuglen, ffurfiau ffeithiol, barddoniaeth a drama.   
Mae'n addas ar gyfer dechreuwyr a allai fod yn ceisio ysgrifennu'n greadigol am y tro cyntaf ac ar gyfer awduron mwy profiadol sy'n awyddus i ddatblygu technegau newydd a gwella eu sgiliau ysgrifennu ymhellach.   
Gellir astudio Exploring Creative Writing Techniques fel cwrs annibynnol ond mae hefyd yn un o dri modiwl craidd y Dystysgrif Addysg Uwch mewn Ysgrifennu Creadigol ym Mhrifysgol Aberystwyth. 

Rhaglen

Bydd pob uned yn cynnwys gweithgareddau a thasgau er mwyn i’r myfyrwyr ymarfer y technegau y maent wedi’u dysgu, a datblygu eu sgiliau.  Anogir myfyrwyr i rannu eu gwaith eu hunain a chymryd rhan mewn trafodaethau.

  • Uned 1 – Cyflwyniad  
  • Uned 2 – Gwahaniaethau Testunol 
  • Uned 3 – Ysgrifennu gan ddefnyddio’r holl synhwyrau  
  • Uned 4 – Ysgrifennu am Bobl  
  • Uned 5 – Ysgrifennu gydag Ymdeimlad o Le  
  • Uned 6 – Ystyriaeth feirniadol a rhoi sylwadau ar waith pobl eraill  
  • Uned 7 – Saernïaeth 
  • Uned 8 – Casgliadau   

Canlyniadau Dysgu

Ar ôl cwblhau'r modiwl hwn, dylai myfyrwyr allu:  

  1. Dangos dealltwriaeth o’r amrywiol draddodiadau ysgrifennu, y dulliau lledaenu a’r cynulleidfaoedd ar gyfer gweithiau creadigol.   
  2. Dadansoddi ystod o destunau perthnasol ac adnabod gwahanol ddulliau a thechnegau creadigol.   
  3. Defnyddio gwahanol ffurfiau llenyddol a thechnegau ysgrifennu creadigol, ac arbrofi â nhw.   
  4. Myfyrio'n feirniadol ar eu proses greadigol a'u gwaith creadigol eu hunain, a gwaith eraill.  

Asesiadau

  1. Darn ysgrifenedig (ffeithiol greadigol neu stori fer; 1200 o eiriau) neu gasgliad o farddoniaeth (60 llinell) (60% o'r marc cyffredinol)   
  2. Sylwebaeth fyfyriol feirniadol (40% o'r marc cyffredinol) 

Awgrymiadau Darllen

Cynigir awgrymiadau ar gyfer deunydd darllen drwy gydol y cwrs. 

Gofynion Mynediad

Cwrs i bawb yw hwn.  Nid oes angen unrhyw brofiad blaenorol ac nid oes unrhyw ofynion mynediad ffurfiol.

Beth sydd ei angen arnaf?

Gan mai cwrs ar-lein yw hwn, bydd angen y canlynol arnoch:

  • Cyswllt â'r Rhyngrwyd
  • Gliniadur neu gyfrifiadur gyda gwe-gamera a meicroffon; efallai y bydd clustffonau yn ddefnyddiol
  • Defnyddio’r gwe-borwr Chrome lle bo hynny'n bosib.