An Introduction to Genre

 

Gellir astudio 'An Introduction to Genre' fel cwrs annibynnol ac mae’n un o gyrsiau craidd y Dystysgrif Addysg Uwch mewn Ysgrifennu Creadigol ym Mhrifysgol Aberystwyth

Ffeithiau Allweddol 

 

Iaith: Saesneg 

Hyd:  10 Wythnos 

Nifer y Credydau: 10 

Tiwtor: Lara Clough 

Dull Dysgu: Ar lein  

Lefel: Mae'r modiwl hwn ar Lefel 4 FfCChC  

Cod y Modiwl: XE10310 

Ffi: £130.00 - Cynllun Hepgor Ffioedd 

Nid oes modd cadw lle ar y cwrs hwn ar hyn o bryd

Byddwch y cyntaf i gael gwybod pan gyhoeddir dyddiadau newydd trwy ymuno â’n rhestr bostio.

 

Braslun

Mae'r cwrs hwn yn gyflwyniad i ysgrifennu'n greadigol mewn gwahanol genres ffuglennol.  Bydd y cwrs yn trafod: beth yw genre a beth sydd gan y gwahanol genres i’w cynnig i awdur?   
Gan ddefnyddio amrywiaeth o destunau ffuglennol, bydd myfyrwyr yn dysgu adnabod nodweddion a swyddogaethau gwahanol fathau o ffuglen genre.  Bydd y myfyrwyr yn cael eu hannog i drin a thrafod ac arbrofi'n greadigol gydag ystod o ddeunyddiau a thechnegau.  Bydd y cwrs yn cynnwys, ond heb fod yn gyfyngedig i’r genres canlynol: ffuglen drosedd, ffuglen hanesyddol, arswyd, rhamant a ffuglen wyddonol a ffantasi.   
Mae'n addas ar gyfer dechreuwyr a allai fod yn ceisio ysgrifennu'n greadigol am y tro cyntaf ac ar gyfer awduron mwy profiadol sy'n awyddus i ddatblygu technegau newydd a gwella eu sgiliau ysgrifennu.  

Rhaglen

Bydd pob uned yn cynnwys gweithgareddau a thasgau a fydd yn rhoi cyfle i’r myfyrwyr ymarfer y technegau y maent wedi’u dysgu, a datblygu eu sgiliau.  Anogir myfyrwyr i rannu eu gwaith eu hunain a chymryd rhan mewn trafodaethau ar Blackboard.  Yn ogystal â'r deunyddiau dysgu ar Blackboard gellir cysylltu â’r tiwtor trwy e-bost trwy gydol y cwrs i ateb unrhyw ymholiadau a chael arweiniad.  Bydd y tiwtor yn cymryd rhan yn y trafodaethau ar-lein hefyd.      

  • Uned 1 - Rhagarweiniad  
  • Uned 2 - Beth yw Genre?  
  • Uned 3 - Ffuglen Drosedd   
  • Uned 4 - Ffuglen Hanesyddol 
  • Uned 5 - Arswyd  
  • Uned 6 - Rhamant 
  • Uned 7 - Ffuglen Wyddonol a Ffantasi   

Casgliadau 

Cyfarfod dros Teams yn fyw – dathliad!   

Ar ddiwedd y modiwl bydd y tiwtor yn cynnal gweminar fyw i ddod â holl linynnau'r modiwl at ei gilydd a gall myfyrwyr gyflwyno cwestiynau i gael atebion. 

Canlyniadau Dysgu

Ar ôl cwblhau'r modiwl hwn dylai'r myfyrwyr allu gwneud y canlynol:  

  1. Dangos dealltwriaeth o beth yw genre a gallu adnabod genres ffuglennol amrywiol.   
  2. Dadansoddi ystod o destunau genres perthnasol a nodi’r gwahanol ddulliau, y technegau a’r swyddogaethau creadigol.   
  3. Defnyddio gwahanol genres llenyddol a thechnegau ysgrifennu creadigol, ac arbrofi â hwy.   
  4. Myfyrio'n feirniadol ar eu proses greadigol a'u gwaith creadigol eu hunain, a gwaith eraill.    

Asesiadau

  1. Darn ffuglen genre ysgrifenedig (1200 o eiriau; 60% o'r marc cyffredinol)  
  2. Sylwebaeth fyfyriol feirniadol (800 o eiriau; 40% o'r marc cyffredinol)  

Awgrymiadau am Ddeunydd Darllen

Cynigir awgrymiadau am ddeunydd darllen trwy gydol y cwrs. 

Gofynion Mynediad

Cwrs i bawb yw hwn.  Nid oes angen unrhyw brofiad blaenorol ac nid oes unrhyw ofynion mynediad ffurfiol.

Beth sydd ei angen arnaf?

Gan ei fod yn gwrs ar-lein, bydd angen y canlynol arnoch:

  • Cyswllt â'r Rhyngrwyd
  • Gliniadur neu gyfrifiadur sydd â gwe-gamera a meicroffon; efallai y bydd clustffonau yn ddefnyddiol
  • Defnyddio’r gwe-borwr Chrome lle bo hynny'n bosib.