Dr Ruth Wonfor

Ymunodd Ruth Wonfor â Phrifysgol Aberystwyth fel Darlithydd yn 2017.  Mae hi'n Wyddonydd Anifeiliaid ac yn dysgu anatomeg a ffisioleg anifeiliaid domestig, yn ogystal â biofoeseg anifeiliaid.  Dr Wonfor yw Cadeirydd Bwrdd Arholi yr Adran Gwyddorau Bywyd, Cydlynydd Cynllun MSc Gwyddor Da Byw a Thiwtor Cyswllt ar gyfer y cyrsiau Astudiaethau Ceffylau yng Ngholeg Gwent.  Mae ei diddordebau ymchwil yn canolbwyntio ar feithrin celloedd a meinwe ar gyfer modelau anifeiliaid in vitro, a’u defnyddio fel rhan o’i diddordeb mewn ffynonellau celloedd a fformiwleiddiadau’r cyfrwng a ddefnyddir ar gyfer cynhyrchu cig wedi’i feithrin a modelau o glefydau anifeiliaid er mwyn astudio yr ymateb imiwn lletyol. 

Cyn dechrau ei rôl bresennol, cafodd Dr Wonfor BSc(Anrh) mewn Gwyddor Ceffylau a Chwaraeon Dynol yn 2011 ac MSc mewn Gwyddor Anifeiliaid yn 2013 o Brifysgol Aberystwyth.  Yn dilyn hyn, cwblhaodd PhD mewn imiwnoleg atgenhedlu buchol ac endocrinoleg yn 2016, gan astudio swyddogaeth y ffactor cyn-mewnblannu (PIF) o ran addasu imiwnedd yr endometriwm buchol.  Trwy ei hymchwil PhD sbardunwyd ei diddordeb a'i harbenigedd mewn modelau meithrin meinwe a  chelloedd in vitro i ymchwilio i ymatebion imiwn ac endocrin. Gweithiodd fel Cynorthwyydd Addysgu yn IBERS ac yna fel Cymrawd Cyfnewid Gwybodaeth yn IBERS fel rhan o'r Ganolfan Cyfnewid Gwybodaeth ac ochr yn ochr â Cyswllt Ffermio i ledaenu ymchwil wyddonol ar draws y diwydiant amaethyddol.  Yn sgil y swyddogaeth hon ysgrifennodd nifer o erthyglau technegol ar ystod eang o bynciau Gwyddor Anifeiliaid, yn ogystal â bod yn rhan o ddatblygu sawl Grŵp Gweithredol Partneriaeth Arloesi Ewrop (EIP) yng Nghymru.