Rhag Gofrestru
Cyfarwyddiadau Gam wrth Gam
Y modiwlau sy'n ymddangos ar eich ffeil [blwyddyn academaidd (2025/2026) yw'r modiwlau craidd ar gyfer eich cynllun astudio y sesiwn nesaf. Dilynwch y camau isod i rhag gofrestru ar gyfer yr holl fodiwlau yr ydych wedi eu dewis ar gyfer y sesiwn nesaf.
Cyfnod Ymgynghori: Dydd Llun 28 Ebrill – Dydd Mercher 30 Ebrill 2025
Yn ystod y cyfnod hyn bydd y data yn eich ffeil yn cael ei gloi ac ni fydd yn bosibl i chi fewnbynnu unrhyw fodiwlau, ond dylech edrych ar y data pan ydych yn ymgynghori â’r wybodaeth ar y gronfa ddata, a dylech fynd i’r cyfarfodydd adrannol.
CAM 1 Darllenwch y Wybodaeth Gyffredinol am Rhag Gofrestru.
CAM 2 Edrychwch ar y Gofynion Adrannol ar gyfer yr holl adrannau y bwriadwch astudio ynddynt y sesiwn nesaf er mwyn sicrhau eich bod yn bodloni eu gofynion.
CAM 3 Edrychwch ar y Gronfa Ddata Cynlluniau Astudio er mwyn gwirio beth yw gofynion eich cynllun.
CAM 4 Edrychwch ar y Gronfa Ddata Modiwlau i gael manylion am yr holl fodiwlau a ddysgir y sesiwn nesaf.
Os ydych yn bwriadu newid eich Cynllun Astudio rhaid i chi siarad a'ch adran yn gyntaf ac yna wneud cais ar-lein trwy eich Cofnod Myfyriwr. Dylech wedyn glicio ar y ddolen 'Cofnod Academaidd' ar ben eich tudalen cartref ac o'r rhestr o gysylltiadau yn y gwymplen cliciwch ar 'Newid Cofrestriad' cyn gynted â phosibl gan y bydd angen brosesu cyn y gallwch barhau.
Cyfnod Cofrestru: Dydd Iau 1 Mai – Dydd Gwener 9 Mai 2025
Bydd eich ffeil yn cael ei ddatgloi am 9 y.b. ar y 1 Mai. Yn ystod y cyfnod cofrestru byddwch yn medru cofnodi eich dewis o fodiwlau ar gyfer y sesiwn nesaf ar ôl i chi ymgynghori â’ch adran(nau).
CAM 5 Wedi i chi fewnbynnu'ch dewisiadau modiwl ar gyfer y sesiwn nesaf ar eich 'Ffeil Myfyriwr'a chlicio ar y botwm Cadarnhewch Ddewision Rhag Gofrestru cewch ragor o gyfarwyddiadau. Noder ei bod hi'n bosibl na fydd rhai modiwlau opsiwn yn rhedeg - er enghraifft, os yw'r niferoedd cofrestru yn rhy isel neu i adlewyrchu unrhyw newidiadau staffio ar ôl cwblhau rhag-gofrestru
CAM 6 Rhaid i chi sicrhau eich bod yn cwblhau Rhag Gofrestru ar-lein erbyn dydd Gwener 9 Mai 2025 fan bellaf.