Programme Specifications

Datganiad Meincnodi Hanes gan yr Asiantaeth Sicrhau Ansawdd Addysg Uwch.

Mae’r rhaglen yn cynnig y cyfle i fyfyrwyr ddatblygu a dangos gwybodaeth a dealltwriaeth, sgiliau, rhinweddau a phriodoleddau eraill yn y meysydd canlynol:

• A1 Gwybodaeth a dealltwriaeth o gymdeithasau dynol yn y gorffennol drwy astudio ystod o gyfnodau a themâu hanesyddol mewn mwy nag un wlad, ac mewn sawl cyd-destun diwylliannol gwahanol.

• A2 Y gallu i lunio cwestiynau hanesyddol, ac i chwilio a chanfod amryfal fathau o dystiolaeth eilradd a chynradd briodol, gan gynnwys y ffurf electronig.

• A3 Y gallu i ddarllen a defnyddio ystod o destunau eilradd a ffynonellau cynradd yn feirniadol ac yn empathig.

• A4 Gwerthfawrogi natur gymhleth ac amrywiol sefyllfaoedd, digwyddiadau a dulliau meddwl y gorffennol.

• A5 Deall yr anawsterau cynhenid wrth ddehongli tystiolaeth hanesyddol, a’r modd y mae haneswyr yn ymdrin ag amwysedd, gwybodaeth annigonol a safbwyntiau gwahanol.

• A6 Gwerthfawrogi sgiliau beirniadol sylfaenol yr hanesydd wrth bennu a defnyddio rheolau tystiolaeth ac wrth brofi dilysrwydd datganiadau drwy ddatblygu dealltwriaeth ymarferol o sut y defnyddir technegau ymchwilio a holi profedig i gynhyrchu a dehongli gwybodaeth hanesyddol.

• A7 Annibyniaeth ddeallusol wrth osod a datrys problemau, dysgu sgiliau bywgraffyddiaethol, y gallu i gasglu, dewis, dethol, trefnu a chyfuno tystiolaeth hanesyddol, a’r gallu i lunio cwestiynau priodol ac i gynnig atebion iddynt gan ddefnyddio tystiolaeth a dadleuon dilys a pherthnasol.

• A8 Ymwybyddiaeth atblygol a beirniadol o rymoedd newidiadau hanesyddol a’r ffyrdd y’u hesbonnir mewn dadleuon hanesyddiaethol.

• A9 Trefnu dadleuon eglur a chydlynol ar lafar ac ar bapur, a’r gallu i wrando ac ymateb i ddadleuon eraill.

• A10 Deall gwerth cymdeithasol Hanes, a meithrin mwynhad oesol ohono fel pwnc.

Dulliau a strategaethau dysgu/addysgu:

Dysgir 1 drwy ddarlithoedd, seminarau (sy’n cynnwys cyflwyniadau ffurfiol, trafodaethau gosod a thrafodaethau a arweinir gan fyfyrwyr), gwaith cwrs a asesir a thiwtorialau traethawd unigol. Mae’r adnoddau a geir yn Llyfrgell y Brifysgol ac yn Llyfrgell Genedlaethol Cymru yn rhoi cymorth ychwanegol. Dysgir 2-10 drwy gyfuniad o fodiwlau Dewis ac Arolwg gydag ystod o sgiliau a modiwlau hanesyddiaethol ym Mlwyddyn 2 ac yn y Pwnc Arbennig, modiwlau’r Traethawd Estynedig a Phroblemau Hanesyddol cyffredinol ym Mlwyddyn 3. Drwy hyn oll, disgwylir i fyfyrwyr gadarnhau ac ymestyn eu gwybodaeth drwy ddarllen yn annibynnol.

Asesu:

Asesir yn ffurfiannol drwy waith cwrs (1, 3, 4-9) a chynigir adborth ar hyn i fyfyrwyr yn rheolaidd. Asesir yn gyfansymiol drwy gyfuniad o arholiadau caeedig nas gwelwyd o’r blaen (1, 4-10), arholiadau amser-rhydd (8), prosiectau (6) a thraethawd estynedig (1-9). Mae dulliau asesu llafar yn cael eu profi ar hyn o bryd drwy gyfrwng cyflwyniadau ffurfiol (9).

• B1 Arfer â natur gymhleth ac amrywiol y pwnc a chymharu mewn ffordd ddeallus ar draws ffiniau amser a lle

• B2 Rhesymu yn feirniadol

• B3 Defnyddio dulliau a chysyniadau hanesyddol

• B4 Dangos annibyniaeth barn

• B5 Lledaenu gwybodaeth a syniadau i eraill, ar lafar ac ar bapur

Dulliau a strategaethau dysgu/addysgu:

Datblygir sgiliau deallusol gydol y Rhaglen mewn amrywiol ffyrdd. Mae’r rhain yn cynnwys datblygu sgiliau gwrando mewn darlithoedd a sgiliau deall wrth ddarllen a chymryd nodiadau (1), seminarau, dosbarthiadau tiwtorial, traethodau estynedig a gwaith cwrs (1-5)

Asesu:

Mae pob un o’r dulliau asesu yn mesur gallu’r myfyriwr ym mhob un o’r sgiliau deallusol uchod drwy ymatebion ysgrifenedig mewn amryw ffurf. Nid yw cyflwyniadau llafar yn cael eu hasesu’n ffurfiol ar hyn o bryd, ond fe’u datblygir mewn gwaith seminar a thiwtorial.

Sgiliau ymarferol

• C1 Chwilio, dewis, cymhathu a chyflwyno casgliadau o dystiolaeth hanesyddol o amryw ffynonellau

• C2 Arddangos hunanddisgyblaeth wrth reoli amser a’r gallu i weithio yn annibynnol a chyda phobl eraill

• C3 Darllen ffynonellau eilradd yn feirniadol

• C4 Dadansoddi ffynonellau cynradd mewn ffyrdd cymhleth, gan gynnwys y gallu i olrhain eu tarddiad, i ddadansoddi eu cynnwys a’u hiaith, ac i’w croesgyfeirio â ffynonellau cynradd ac eilradd eraill

Dulliau a strategaethau dysgu/addysgu:

Cyflwynir y sgiliau ymarferol hyn i bob myfyriwr drwy fodiwlau craidd Blwyddyn 1, ac fe’u datblygir ymhellach ym Mlynyddoedd 2 a 3 ym mhob modiwl. Mae llawlyfrau modiwlau ac Arweinlyfrau’r Flwyddyn yn cynnig arweiniad pellach, yn enwedig mewn perthynas ag ysgrifennu a pharatoi traethodau. Mae modiwlau sgiliau Blwyddyn 2 yn cyflwyno cyfres o sgiliau hanesyddol penodol, megis tystiolaeth lafar, TG, dadansoddi ystadegau, a’r defnydd o ystod eang o dystiolaeth o gofebau maes i newyddiaduraeth. Dosberthir Llawlyfr Traethawd Estynedig i bob myfyriwr Blwyddyn 3, ac mae’r Modiwl Traethawd Estynedig yn cynnig cyngor manwl ar sut i ddewis pwnc, chwilio am ffynonellau, a strwythuro a chyflwyno’r traethawd terfynol. Caiff Sgiliau Asesu 1-3 eu hasesu’n bennaf drwy waith cwrs ac arholiadau, ac asesir 4, sy’n elfen bwysig wrth asesu pob modiwl, yn bennaf drwy draethodau, prosiectau ac arholiadau a welwyd ac nas gwelwyd o’r blaen yn y modiwlau Sgiliau, Pwnc Arbennig a Thraethawd Estynedig.