Hyfforddiant Ymsefydlu Myfyrwyr a Chydsyniad Ar-lein
![Myfyriwr ar Gyfrifiadur](/cy/welcome/online-training/Croeso-Welcome-Image---web-16.jpg)
Bydd yr hyfforddiant ar-lein yn rhoi gwybodaeth i chi o'r hyn i'w ddisgwyl yn y Brifysgol ac yn rhoi arweiniad i chi i'ch cefnogi i wneud y gorau o'ch amser tra’n astudio gyda ni.
Gallwch weithio drwy ddeunydd Ymsefydlu y Brifysgol yn eich amser eich hun. Archwiliwch yr adrannau, a gwnewch nodiadau o'r hyn rydych chi'n credu fydd o gymorth i chi. Mae'r deunyddiau yn cynnwys:
- Ymsefydlu Myfyrwyr Ar-lein
- Hyfforddiant Caniatâd yw Popeth
Gallwch gyrchu'r deunyddiau trwy Blackboard a'r dolenni isod gan ddefnyddio'ch e-bost a'ch cyfrinair Prifysgol.
![](/cy/welcome/online-training/Aber20-03-20-107927_62735.jpg)
Ymsefydlu Myfyrwyr Ar-lein
Mae modd cael mynediad i Ymsefydlu Myfyrwyr Ar-lein y Brifysgol drwy Blackboard (Adnoddau Cwrs) ac mae'n darparu gwybodaeth ddefnyddiol am yr hyn i'w ddisgwyl yn y Brifysgol yn ogystal â chanllawiau ar y cymorth a fydd ar gael i chi wrth astudio gyda ni.
Gallwch weithio drwy ddeunydd Ymsefydlu y Brifysgol yn eich amser eich hun. Archwiliwch yr adrannau, a gwnewch nodiadau o'r hyn rydych chi'n credu fydd o gymorth i chi.
![](/cy/welcome/online-training/LP100758_63204.jpg)
Caniatâd yw Popeth: rhaglen ar-lein ynghylch cydsynio
Nid yw trais nac aflonyddu rhywiol yn dderbyniol byth, ac rydym yn disgwyl i'n holl fyfyrwyr gyfrannu at gymuned ddysgu barchus. Mae cydsynio yn agwedd bwysig ar ein bywydau o ddydd i ddydd, p'un a ydym yn benthyg ffôn rhywun, yn cofleidio ffrind, neu'n llywio drwy brofiadau rhywiol. Mae deall cydsyniad yn golygu ein bod ni i gyd yn gallu cyfarfod mewn ffordd ddiogel, iach, a dymunol. O ran cydsyniad rhywiol, mae’n ymwneud â mwy nag osgoi torri’r gyfraith neu gyflawni eich rhwymedigaethau moesegol yn unig. Mae'n ymwneud â sicrhau bod y profiad yn gweithio i bawb dan sylw, parchu eraill, cyfathrebu cryf, a sicrhau bod pawb yn cael amser da.
![](/cy/welcome/online-training/DSC00508_63182.jpg)
Cyrchu Blackboard
Mae deunyddiau Ymsefydlu Myfyrwyr Ar-lein y Brifysgol wedi eu lleoli o fewn y teil ‘Blackboard (Adnoddau Cwrs)’ yn y Porth Myfyrwyr:
1. Ewch i Blackboard
2. Mewngofnodwch efo eich cyfeiriad ebost a chyfrinair PA
3. Cliciwch ar Mudiadau ar ochr chwith o'r wefan
4. Cliciwch ar Sefydlu Myfyrwyr Ar-Lein / Online Student Induction neu Caniatâd yw Popeth / Consent is Everything