CyrraeddAber - Cyrraedd ac Ymgartrefu
Wedi cyrraedd Aber, dewch i weld y tasgau hanfodol y bydd angen i chi eu cwblhau yn y diwrnodau cyntaf drwy restr wirio wedi'i theilwra a fideos fer gan ein myfyrwyr presennol, ynghyd â rhywfaint o wybodaeth ddefnyddiol am ymuno â'ch cymuned newydd yn y diwrnodau cyntaf.
Mae'r rhestrau gwirio a'r fideos byr wedi'u cynllunio i wneud pob cam o'ch taith wrth ymuno ag Aberystwyth mor esmwyth â phosibl.
Dy Rhestr Wirio CyrraeddAber – Cyrraedd ac Ymgartrefu
Mae cychwyn yn y brifysgol yn amser cyffrous a ‘da ni am sicrhau eich bod yn ymgartrefu cyn gynted a phosib. Mae ffrindiau newydd i'w gwneud, llefydd newydd i'w darganfod a'r chyfleoedd lu i ddatblygu diddordebau newydd hyd yn oed yn y dyddiau cyntaf.
Cyn cwblhau'r tasgau isod, gwnewch yn siŵr eich bod yn cwblhau'r rhestr wirio ‘CynAber – Cyn Cyrraedd’.
Dilynwch y canllaw cam wrth gam fer hwn i sicrhau eich bod yn ymwybodol o'r hyn y mae angen i chi ei wneud wrth gyrraedd, a cliciwch ar y ddolen islaw i gael gwybodaeth fanylach ar gyfer pob cam o'r daith.
Cofiwch eich Dyddiadau CyrraeddAber…
Cofiwch y dyddiadau allweddol ar gyfer CyrraeddAber a bydd Llety'r Brifysgol ar gael i symud i mewn o ddechrau y Contract Meddiannaeth Llety.
Dyddiadau’r Tymor
Cyrraedd Aber o'ch Cartref
Os ydych yn symud i lety ar y campws, dilynwch y cyfarwyddiadau cyrraedd gan y Tîm Llety . P'un a yw mewn car, trên neu ddulliau eraill, darganfyddwch eich opsiynau ar sut i gyrraedd Aber.
Teithio i Aberystwyth
Symud mewn i’ch Llety
Darganfyddwch ragor o wybodaeth am gasglu eich allwedd a'ch Cerdyn Aber o'r rhestr wirio fanwl. Cofiwch hefyd gasglu eich Canllaw Byr CroesoAber yn rhan o’r broses gofrestru llety.
Symud i Mewn
Cysylltu â Wi-Fi campws
Pan gyrhaeddwch y campws gwnewch yn siŵr eich bod yn cysylltu â phrif rwydwaith diwifr y brifysgol, o'r enw eduroam. Gallwch wedyn gadw mewn cysylltiad lle bynnag yr ydych ar y campws.
Cysylltu â’r Wi-Fi
Ymweld a’r Parth Croeso
Os am gymorth a chefnogaeth ar y campws yn ystod penwythnos y prif ddyfodiaid ewch i’r Parth Croeso, ewch i siarad â'n cynghorwyr.
- Dydd Iau 19 Medi - Dydd Sadwrn 21 Medi 2024 (9am-5.30pm): Llyfrgell Hugh Owen
- Dydd Sul 22 Medi 2024 (12pm – 6.30pm): Canolfan y Celfyddydau
Lleoliad y Parth Croeso
Mynychu Sesiynau Sul Croeso Aber
Mae Sesiynau Sul Croeso Aber yn sgyrsiau wyneb yn wyneb sydd wedi eu cynllunio i ateb cwestiynau ar ol i chi gyrraedd Aber.
- Dydd Sul 22 Medi 2024 (12pm – 6.30pm): Canolfan y Celfyddydau
Darganfyddwch ragor o wybodaeth am amseroedd ar gyfer y sgyrsiau hyn o'r rhestr wirio fanwl.
Lleoliad y Sesiynau Sul
Cymryd rhan mewn Digwyddiadau a Gweithgareddau Wythnos Croeso
Mae’r Wythnos Groeso yn wythnos o ddigwyddiadau a gweithgareddau i bob fyfyriwr newydd a drefnir gan wahanol dimau ar draws y Brifysgol. Mae'r cyfan wedi'i anelu at groesawu pawb i'r campws. Y bwriad yw i bawb deimlo’n gartrefol, gwneud ffrindiau a chysylltiadau, ac ymgyfarwyddo â'r campws.
Bydd mwy o ddigwyddiadau'n cael eu hychwanegu yn y cyfnod cyn Wythnos Croeso felly gwnewch yn siŵr eich bod yn cadw dod yn ôl.
Digwyddiadau’r Wythnos Groeso
Cwrdd â'ch adran!
Mae’r Sesiwn Sefydlu Academaidd yn gyflwyniad pwysig i'r cwrs a'r pwnc, cyn i'r gwaith ddechrau. Mae hyn yn cael ei gynnal dros sawl diwrnod yn ystod yr Wythnos Groeso. Mi fydd pob adran yn cynnig amrywiaeth o weithgareddau wedi'u cynllunio dros yr wythnos a thu hwnt.
I gael gwybodaeth am yr holl ddigwyddiadau yn eich adran, ewch i'r dudalen hon a dewiswch eich cwrs.
Gweithgareddau Adrannau Academaidd
Cwblhau eich Cofrestriad Cwrs
Cofiwch cyn i chi gael eich adnabod fel myfyriwr llawn amser neu ran-amser yn Aberystwyth, bydd rhaid i chi gwblhau’r broses cofrestru. Os oes angen help cwblhau'r dasg Cofrestru Ar-lein neu unrhyw gymorth arall, gallwch ymweld a’r Parth Gofrestru yn ystod yr Wythnos Groeso:
- Dydd Llun 23 Medi - Dydd Mercher 25 Medi: Llyfrgell Hugh Owen
Lleoliad y Parth Cofrestru
Ymweld â Ffair y Glas
Mae Ffair y Glas, a drefnir gan Undeb Aberystwyth (Undeb y Myfyrwyr) yn arddangos popeth sydd ar gynnig i fyfyrwyr. O gymdeithasau, clybiau chwaraeon a digwyddiadau, i ostyngiadau myfyrwyr gan frandiau mawr a busnesau lleol, mae Ffair y Glas yn rhan hollol allweddol o'r croeso Aber.
- Dydd Mawrth 24 Medi – Dydd Iau 26 Medi 2024: Canolfan y Celfyddydau
Manylion Ffair y Glas
Ewch i archwilio ein campws
Rydym bob amser yn argymell myfyrwyr newydd i gymryd amser i ganfod ein campws hyfryd a’r ardal tu hwnt. Mi fyddwch yn gallu gweld pa gyfleusterau sydd yma a manteisio arnynt. O'n hardaloedd astudio gwych, caffis a mannau gwyrdd i'n gromen chwaraeon newydd a chymaint mwy.
Map o’r Campws
Hyfforddiant caniatâd ar-lein
Mae Aberystwyth yn brifysgol ddiogel, deg a chynhwysol. Rydym wedi ymrwymo i wneud ein campws yn le mwy diogel. Nid oes goddefgarwch i aflonyddu, unrhyw droseddau casineb, cam-drin ac ymddygiad gwylwyr. Drwy ddysgu mwy am ganiatâd a chwblhau'r hyfforddiant, helpwch ni i gadw Aberystwyth yn ddiogel.
Hyfforddiant Caniatâd
Cofrestu gyda meddyg
Rydym yn argymell eich bod yn cofrestru gyda meddyg teulu lleol. Rydym am sicrhau bod cymorth a chyngor ar gael i’ch helpu i gofrestru gyda meddyg teulu. Mae rhagor o wybodaeth yma.
Cofrestrwch ar-lein
Help yn ystod eich Wythnos Cyrraedd Aber...
Bydd y Tîm A Myfywyr a'r staff o gwmpas drwy gydol dyddiau cyntaf y prif benwythnos cyrraedd. Fodd bynnag, bydd staff wrth law drwy gydol yr holl gyfnodau cyrraedd ac mae gennym restr o gysylltiadau allweddol.
Manylion Cyswllt Allweddol
Gwybodaeth i bobl sy'n cyrraedd y tu allan i'r Wythnos Groeso
Rydym yn eich annog yn gryf i gyrraedd Aber mewn pryd ar gyfer dyddiadau allweddol CyrraeddAber i wneud y mwyaf o'r gweithgareddau ymgartrefu. Rydym yn deal fodd bynnag bod yna nifer o resymau pam nad yw hyn yn bosibl.
Ewch i’r rhestr wirio manwl yma am gamau pellach ynghylch cyrraedd tu allan i'r Wythnos Groeso.
Cyrraedd tu allan i'r Wythnos Groeso
Gwybodaeth Bellach
Cynllunydd Ymgartrefu
Defnyddiwch y Cynllunydd Croeso ac Ymsefydlu newydd i'ch helpu i ddarganfod y digwyddiadau sy'n benodol i chi yn ystod Wythnos Groeso Aber 2024 a'r wythnosau cyntaf yn y Brifysgol.
Dysgwch am yr holl weithgareddau adrannol sydd wedi eu trefnu ar eich cyfer, yn ogystal â'r cyfleoedd allgyrsiol yn Aber. I wneud y gorau o'ch profiadau cyntaf yn y Brifysgol, cwrdd â phobl newydd neu yn syml i gael hwyl, defnyddiwch y Cynllunydd Ymsefydlu i ddarganfod pa ddigwyddiadau sy'n cymryd lle.
Dy Adran Academaidd
Mae eich Adran Academaidd methu aros i'ch croesawu ar ddechrau Wythnos Groeso Aber 2024 a thu hwnt.
Darganfyddwch yma am ble i fynd, gweithgareddau a digwyddiadau sydd wedi'u cynllunio i dy helpu i ymgartrefu, gwneud ffrindiau ac addasu i fywyd yn rhan o'ch adran newydd.
Bydd cyfleoedd yn ystod yr wythnos a thu hwnt i ddod i adnabod eich tiwtoriaid personol, a dysgu mwy am sut mae eich adran wedi ymrwymo i gefnogi eich llwyddiant academaidd a'ch datblygiad proffesiynol o'r cychwyn cyntaf.
Rhestrau Gwirio Croeso
Mae rhai pethau yr ydym yn argymell y dylech wneud cyn i chi gyrraedd, wrth gyrraedd ac yn ystod yr wythnosau cyntaf efo ni yn Aber. Mae rhai o'r tasgau hyn yr ydym yn eu hystyried yn hanfodol, ac mae eraill yr ydym yn argymell i chi wneud.
Dilynwch y canllawiau cam wrth gam hyn i sicrhau eich bod yn ymwybodol o'r hyn y mae angen i chi ei wneud…
Cwestiynau Cyffredin Croeso
Gwyliwch ein amrywiaeth o Gwestiynau Cyffredin ar gyfer eich cyfnod Croesawu ac Ymsefydlu yma’n Aber, mewn ffurf fideos fer a ddyluniwyd ac wedi eu cyflwyno gan ein myfyrwyr presennol...