Cymdeithaseg

Mae cymdeithaseg yn darparu sgiliau meddwl beirniadol pwysig, gan arwain at ystod eang o gyfleoedd gyrfa yn y sector cyhoeddus a phreifat, gan gynnwys datblygu polisi cymdeithasol ar gyfer llywodraeth leol a chenedlaethol, gweithio mewn sefydliadau elusennol a gwirfoddol, yr heddlu a’r gwasanaethau prawf, gwaith cymdeithasol, adnoddau dynol, newyddiaduraeth, y cyfryngau ac addysg.

Mae'r gan myfyrwyr cymdeithaseg mynediad i'r Felin Drafod, sy'n ofod hyblyg lle caiff myfyrwyr gydweithio. Mae'r Felin Drafod yn lle i fyfyrwyr weithio ar brosiectau grŵp a phrosiectau unigol a chael elwa o gyswllt â staff a chyfleusterau’r adran. 

Mae ymchwil ym maes Cymdeithaseg yn Aberystwyth yn archwilio croestoriadau oedran, anabledd, dosbarth, rhywedd, rhywioldeb, ‘hil’ ac ethnigrwydd, mewn perthynas â materion risg cyfoes allweddol (megis yr argyfwng mewn gofal iechyd, mewnfudo, y wladwriaeth les neu’r argyfwng hinsawdd) lle gellir rhoi damcaniaeth gymdeithasegol ar waith mewn modd a fydd ag arwyddocâd yn y byd go iawn.

Mae Prifysgol Aberystwyth yn cynnig cyfle i bob myfyriwr astudio, gwirfoddoli neu weithio dramor am un semester, blwyddyn academaidd, neu am ychydig o wythnosau yn ystod gwyliau’r Brifysgol.

Am fwy o wybodaeth, ewch i’n tudalen Cyfleoedd Byd-eang. 

Mae Prifysgol Aberystwyth yn ymfalchïo yn y ffaith ei bod yn Brifysgol ddwyieithog. A ninnau’n brifysgol flaenllaw yng Nghymru, rydym yn falch o gynnig gwasanaethau cymorth a neuaddau preswyl arbennig i fyfyrwyr Cymraeg eu hiaith, gan annog ymdeimlad o gymuned a chartref oddi cartref. Bydd y myfyrwyr sy’n gymwys yn cael ysgoloriaethau cyfrwng Cymraeg y Brifysgol yn awtomatig a gallant hefyd wneud cais am ysgoloriaethau'r Coleg Cymraeg Cenedlaethol. Dysgwch fwy am ein Hysgoloriaethau Cyfrwng Cymraeg yma.