Ynghylch TrACE Aberystwyth

Mae Prifysgol Aberystwyth wedi ymrwymo i ddatblygu i fod yn brifysgol sy'n ystyriol o drawma.

 

Mae Prifysgol Aberystwyth wedi ymrwymo i fod yn brifysgol sy'n ystyriol o drawma. Rydym yn gweithio ar y cyd â Hyb ACE Cymru, sefydliad ledled Cymru a ariennir gan Lywodraeth Cymru i allu gweithio gyda sefydliadau a phobl ledled Cymru. Eu nod yw datblygu i fod yn genedl sy'n ystyriol o drawma ac sy'n deall effaith profiadau niweidiol yn ystod plentyndod (ACEs). Mae Aberystwyth yn falch o fod yn rhan o'r mudiad cenedlaethol hwn, sydd wedi denu sylw byd-eang, wrth ymdrechu i fod yn arweinydd sector fel prifysgol sy'n ystyriol o drawma. 

Mae Aberystwyth yn lle y mae myfyrwyr a staff yn dewis byw a gweithio ynddo am sawl rheswm. Mae’r rhesymau’n cynnwys eu bod eisiau teimlo eu bod nhw’n ddiogel, eu bod nhw'n perthyn a bod y gymuned yn eu cefnogi ac yn eu cynnwys. Gall Aberystwyth adeiladu ar yr amgylchedd tosturiol, empathig, caredig sydd gennym, fel ein bod, ym mhopeth â wnawn,  yn cydnabod y gall unrhyw un brofi trallod  a thrawma yn eu bywydau. Ar adegau efallai y bydd angen mwy o gymorth arnom i oresgyn hyn. Bydd pobl yn dewis byw, astudio a gweithio yma os ydym yn adeiladu cymuned sy'n helpu ei gilydd ar adegau pan fydd angen mwy o gymorth arnom i oresgyn yr heriau yn ein bywydau. 

Mae Hyb ACE Cymru wedi creu animeiddiad byr i gyfleu hanfod yr hyn y mae bod yn ystyriol o drawma yn ei olygu. 

Pecyn Cymorth TrACE a'r Fframwaith Ystyriol o Drawma

Mae gan bawb ran i'w chwarae wrth i Gymru ddatblygu i fod yn genedl ystyriol o drawma. Mae dull 'Trawma-ystyriol' yn ymwneud â deall bod llawer o bobl yn profi adfyd a thrawma sy'n effeithio arnynt mewn pob math o ffyrdd. Mae'r pecyn cymorth TrACE wedi cael ei ddatblygu gan Hyb ACE Cymru mewn cyd-gynhyrchiad gyda phartneriaid. Mae'n adnodd i gefnogi pobl, sefydliadau, sectorau a systemau i ddatblygu eu dull ystyriol o drawma eu hunain. Mae'n canolbwyntio ar adeiladu i fewn i (nid ar ben) arfer da presennol a nodi lle y gellir gwneud gwelliannau a newidiadau i bolisïau, ymarfer, diwylliant a'r amgylchedd. Mae'n rhan allweddol o Fframwaith Ymarfer sy'n Ystyriol o Drawma Cymru sy'n nodi sut y gall pobl, cymunedau, sefydliadau, sectorau a systemau i gyd weithio gyda'i gilydd, i greu cymdeithas lle bydd llawer llai o bobl angen cymorth ychwanegol oherwydd bydd pobl yn gallu cael help yn gynharach ac yn y ffordd gywir.

 

TrACE yn Aberystwyth

Mae Prifysgol Aberystwyth yn gweithio gyda Hb ACE Cymru i ddatblygu i fod yn brifysgol sy'n ystyriol o TrACE. Ond beth mae hynny'n ei olygu i ni? Mae'r daith tuag at fod yn sefydliad TrACE yn cynnwys paratoi fel cymuned i gymryd y cam hwn, edrych ar ble rydym nawr, yr hyn rydym eisoes yn ei wneud sy'n cymryd ymagwedd sy'n ystyriol o drawma, a beth arall y mae angen i ni ei ystyried i sicrhau: 

Bod pawb yng nghymuned Prifysgol Aberystwyth yn deall beth yw ystyr adfyd a bod yn ystyriol o drawma 

Gall pawb gael y gefnogaeth gywir gan ein cymuned (boed yn academyddion, myfyrwyr, gwirfoddolwyr neu’n weithwyr proffesiynol) a'r gwasanaethau y gallai fod eu hangen arnom yn y brifysgol a thu hwnt. 

Mae bywyd pawb yn well yn y brifysgol gan ein bod ni i gyd yn gweithio gyda'n gilydd ar draws y gymuned yn y ffyrdd gorau i'n helpu ni. 

Mae gan bawb ei ran i’w chwarae yn y gwaith hwn 

 

Cwrdd â'r tîm

Dechreuodd y gwaith drwy ddod â grŵp o bobl ag arbenigedd ynghyd yn y brifysgol i'n helpu i feddwl am yr hyn y gallai fod ei angen i fwrw ymlaen â hyn. O'r fan honno fe wnaethom recriwtio rheolwr prosiect, Sara Childs, sy'n arwain y gwaith gyda chefnogaeth a her Grŵp Llywio sydd newydd ei sefydlu. Mae'r grŵp yn cynnwys cynrychiolaeth o bob rhan o gymuned y brifysgol, a gall helpu i ddatblygu'r ymarfer myfyrio ac adolygu rydym yn ei gynnal ar hyn o bryd i asesu lle rydym ar y daith. Cadeirydd y grŵp llywio yw Ian Munton, Cyfarwyddwr Gwasanaethau Myfyrwyr. 

Mae aelodau gweithredol yn cynnwys: 

Yr Athro Jo Hamilton, Deon Cysylltiol Cyfadran y Gwyddorau Ddaear a Bywyd 

Dr Gethin Rhys, Cofrestrydd Academaidd Dros Dro 

Kate Wright / James Woolley, Uned Gwella Dysgu ac Addysgu 

Mary Keeler-Kenyon, Uwch Reolwr Preswyl 

Dylan Eurig Jones, Rheolwr Amrywiaeth a Chynhwysiant 

Emily (Mo) Morgan, Swyddog Lles Undeb 

Rosemary Shaw, Rheolwr Iechyd Meddwl a Lles Myfyrwyr 

Thomas Bates, Pennaeth Rheoli Cyfleusterau 

Rydym hefyd yn ffodus i gael ymuno â chyn-fyfyriwr Aber ac arweinydd Canolfan ACE Cymru, Dr Jo Hopkins 

Rydym hefyd yn elwa o arbenigedd ein Grŵp Arbenigol Ymgynghorol, gydag aelodau yn cynnwys 

Dr Martine Hopkins, Seicoleg 

Dr Saffron Passam, Seicoleg 

Georgina Gray, myfyrwraig PhD Seicoleg a sylfaenydd Traumaform 

Dr Emma Sheppard, Cymdeithaseg 

Yr Athro Andrea Hammel, Ieithoedd Modern 

Lisa Kinsella, Nyrsio 

 

Yr hyn a wnawn

Yn ddiweddar, rydym wedi dod i ddiwedd y cyfnod hunanasesu, a oedd yn adlewyrchu ac yn adolygu arfer da presennol yn ogystal ag ystyried lle y gallem wneud pethau'n wahanol i wreiddio gwerthoedd ac egwyddorion sylfaenol ymarfer sy'n seiliedig ar drawma yn Aberystwyth. Mae hyn yn ein helpu i baratoi ar gyfer y cam cynllunio gweithredu fel y gallwn lansio ein darpariaeth prosiect yn ystod blwyddyn academaidd 2024-2025.    I gasglu gwybodaeth, rydym yn cynnal Sgyrsiau Cymunedol i gyd-greu ein Gweledigaeth a'n Cenhadaeth ar gyfer y gwaith hwn gan ddefnyddio dull map ffordd i ystyried ble rydym yn dechrau, ble rydym yn mynd, sut rydym yn mynd i gyrraedd yno a'n huchelgais yn arddull map trysor! Mae'r sgyrsiau hyn yn canolbwyntio ar feysydd o'r hunanasesiad sy'n hanfodol i'n dealltwriaeth o ble rydym yn dechrau, megis cyfathrebu ac ymgysylltu, hyfforddiant, polisïau ac ymarfer, cynhwysiant a diwylliant.

I gasglu gwybodaeth, rydym yn cynnal Sgyrsiau Cymunedol i gyd-greu ein Gweledigaeth a'n Cenhadaeth ar gyfer y gwaith hwn, gan ddefnyddio dull map ffordd i ystyried ble rydym yn dechrau, ble rydym yn mynd, sut rydym yn mynd i gyrraedd yno a'n huchelgais, yn arddull map trysor! Mae'r sgyrsiau hyn yn canolbwyntio ar feysydd o'r hunanasesiad sy'n hanfodol i'n dealltwriaeth o ble rydym yn dechrau, megis cyfathrebu ac ymgysylltu, hyfforddiant, polisïau ac ymarfer, cynhwysiant a diwylliant.