AberOfalgar

Cydraddoldeb, Amrywioldeb a Chynhwysiant

Credwn y dylai addysg prifysgol fod ar gael i unrhyw un a fyddai'n cael budd ohono, waeth beth fo’u cefndir. Gobeithiwn y byddwch yn mwynhau eich profiad ym Mhrifysgol Aberystwyth ac yn gallu cyflawni hyd eithaf eich gallu wrth astudio gyda ni.  Rydym yma i'ch cefnogi ar bob cam o'ch taith, beth bynnag fo'ch amgylchiadau.

Nod Bwrsariaeth AberOfalgar yw cefnogi myfyrwyr sy'n hanu o'r DU sydd wedi bod mewn gofal yn y gorffennol, sydd â chyfrifoldebau gofalu, sy'n ffoaduriaid neu sydd wedi ymddieithrio oddi wrth eu teuluoedd neu warcheidwaid yn eu harddegau hwyr.

I gael gwybodaeth ar sut i wneud cais ar gyfer Bwrsariaeth AberOfalgar, ewch i Bwrsiariaeth AberOfalgar  : Astudio Gyda Ni , Prifysgol Aberystwyth

AberOfalgar – Ceiswyr lloches

Rydym yn cynnig amrywiaeth o gymorth i Geiswyr Lloches, Ffoaduriaid a phobl eraill sy'n ceisio noddfa yn y DU.

Rydym yn croesawu pobl sy'n ceisio diogelwch ac rydym am greu teimlad o gynhwysiant drwy annog pobl i dderbyn diwylliant, sgiliau a gwahaniaethau.

Rydym ar hyn o bryd yn gwneud cais am statws Prifysgol Noddfa, menter sy'n cydnabod arfer da prifysgolion o ran croesawu, cynorthwyo a grymuso pobl sy'n chwilio am noddfa. Ein nod yw denu myfyrwyr sydd â photensial academaidd, ni waeth beth fo'u cefndir neu eu profiad personol.

Ydy’r gefnogaeth hon ar eich cyfer chi?

Mae nifer o wahanol opsiynau statws swyddogol. Mae'r rhestr ganlynol yn rhoi braslun syml a gallwch ddod o hyd i ragor o fanylion ar Wefan Fisâu a Mewnfudo'r DU.

  • Ceisiwr Lloches: rydych chi’n gwneud cais am loches, neu rydych chi’n aros am benderfyniad gan Lywodraeth y DU.
  • Ffoadur: rydych wedi cael caniatâd i aros yn y DU a statws swyddogol ffoadur. Mae gennych lythyr gan Fisâu a Mewnfudo'r DU (UKVI) i gadarnhau hyn.
  • Diogelwch Dyngarol: mae gennych ganiatâd i aros yn y DU am resymau dyngarol. Mae gennych lythyr gan Fisâu a Mewnfudo'r DU (UKVI) i gadarnhau hyn.
  • Caniatâd Cyfyngedig i Aros (LLR) neu ganiatâd yn ôl disgresiwn i aros (DLR): rydych wedi cael caniatâd i aros yn y DU dros dro. Mae gennych lythyr gan Fisâu a Mewnfudo'r DU (UKVI) i gadarnhau hyn.

Cael gwybod beth yw penderfyniad y Swyddfa Gartref  

Os bydd unrhyw newidiadau i'ch statws tra byddwch yn astudio, rhowch wybod i ni cyn gynted â phosibl.

Os bydd eich cais am loches yn llwyddiannus tra byddwch yn astudio yn y Brifysgol, bydd eich statws ffioedd yn newid i ‘myfyriwr cartref’, yn weithredol o'r flwyddyn academaidd ganlynol.  

Byddai hyn yn wir am y rhai:

  • y rhoddwyd statws ffoadur iddynt
  • sydd wedi sicrhau diogelwch dyngarol
  • sydd wedi cael caniatâd yn ôl disgresiwn i aros
  • y mae eu rhieni, eu priod neu eu partner sifil yn cael eu cydnabod yn ffoadur gan Lywodraeth y DU
  • sydd wedi sicrhau diogelwch dyngarol
  • sydd wedi cael caniatâd yn ôl disgresiwn i aros ac sy’n bodloni'r 'amod teuluol' ar ddyddiad cais yr aelod o’r teulu am loches.

Mae cyllid ar gael gan Gyllid Myfyrwyr os cewch ganlyniad cadarnhaol ar ôl cyflwyno cais am loches.

Os bydd eich cais am loches yn cael ei wrthod tra byddwch yn astudio yn y brifysgol:

  • cewch eich ystyried yn fyfyriwr rhyngwladol o hyd
  • bydd y terfyn amser ar unrhyw Fisa neu Ganiatâd i Aros yn cael ei fonitro a'i gymhwyso'n unol â rheoliadau'r Swyddfa Gartref.

Cymorth Prifysgol Aberystwyth

Marion Thomson yw'r cyswllt penodedig ar gyfer Ceiswyr Lloches a Ffoaduriaid ac mae'n cynnig y gefnogaeth ganlynol trwy gydol eich astudiaethau:

  • Gallai Mentor Ffordd Hyn fod yn ddefnyddiol i'ch helpu i ymgartrefu yn y Brifysgol, rhoi cyngor ynghylch rheoli eich amser a datblygu sgiliau trefnu.  Os hoffech gael rhagor o wybodaeth, anfonwch e-bost at fforddhyn@aber.ac.uk 

Mae Llety Haf ar gael yn y Brifysgol i geiswyr lloches - gellir gwneud cais amdano ar y we-ddalen llety

Ysgoloriaeth Noddfa

Mae’r Ysgoloriaethau Noddfa ar gyfer y rhai hynny o gefndiroedd lle’u gorfodwyd i fudo sy'n wynebu rhwystrau rhag mynd i brifysgol oherwydd bod rheoliadau'r Swyddfa Gartref yng nghyswllt eu statws mewnfudo yn eu hatal rhag cael cyllid gan Gyllid Myfyrwyr.  Mae’r Ysgoloriaeth Noddfa ond yn berthnasol i'r rhai sy'n byw yn y Deyrnas Unedig ar hyn o bryd.  

 

Dewisiadau Cymorth eraill a gwe-ddalennau defnyddiol

Darpariaeth Ffydd leol

Mae prifysgolion eraill hefyd yn cynnig ysgoloriaethau

Get help as a refugee or asylum seeker | British Red Cross

London Asylum Crisis Project - Refugee Action (refugee-action.org.uk)

Asylum seeker support | The Salvation Army

Support - Birmingham City of Sanctuary

Shelter Legal England - Accommodation for asylum seekers - Shelter England  - needs to meet UKVI conditions

AberOfalgar – Ymadawyr Gofal

Ym Mhrifysgol Aberystwyth rydym yn cynnig ystod eang o gymorth i fyfyrwyr â phrofiad o fod mewn gofal. Rydym wedi ymrwymo i helpu mwy o bobl sydd â phrofiad o fod mewn gofal a'r rheiny sy'n ymadael â gofal i fynd i'r brifysgol.

Rydym yn aelod o’r Rhwydwaith Gweithgareddau i Bobl sy’n Gadael Gofal a Chymorth i Fyfyrwyr yng Nghymru (CLASS Cymru) a sefydlwyd ac a gadeirir gan staff ym Mhrifysgol Caerdydd. Mae'r rhwydwaith hwn yn rhannu’r arferion, yr adnoddau a’r hyfforddiant gorau er mwyn gwella profiad myfyrwyr sydd â phrofiad o ofal a'r rheiny sy'n ymadael â gofal yng Nghymru.

Bwrsariaeth AberOfalgar 

Nod Bwrsariaeth AberOfalgar yw cefnogi myfyrwyr sy'n hanu o'r DU sydd wedi bod mewn gofal yn y gorffennol, sydd â chyfrifoldebau gofalu, sy'n ffoaduriaid neu sydd wedi ymddieithrio oddi wrth eu teuluoedd neu warcheidwaid yn eu harddegau hwyr. I gael gwybodaeth ar sut i wneud cais ar gyfer Bwrsariaeth AberOfalgar, ewch i Bwrsiariaeth AberOfalgar  : Astudio Gyda Ni , Prifysgol Aberystwyth

Cymorth Prifysgol Aberystwyth

Marion Thomson yw'r cyswllt penodedig ar gyfer Ymadawyr Gofal ac mae'n cynnig y gefnogaeth ganlynol trwy gydol eich astudiaethau.

  • Bydd Mentor Ffordd Hyn ar gael i chi i'ch helpu i ymgartrefu yn y Brifysgol, rhoi cyngor ynghylch sut i reoli eich amser a datblygu sgiliau trefnu.

Llety

Mae Llety Haf ar gael yn y Brifysgol i Ymadawyr Gofal - gellir gwneud cais amdano ar y we-ddalen llety. 

Os/pan fyddwch yn symud i lety preifat yn eich ail flwyddyn, cofiwch ofyn i ni os ydych yn cael trafferth darparu gwarantwr. Rydym yn bwriadu sefydlu cynllun lle bydd y Brifysgol yn sefyll fel gwarantwr, ond am y tro gallwn roi cadarnhad i chi o hanes eich taliadau yn y brifysgol, os oes angen.  Cysylltwch â ni os hoffech drafod hyn ymhellach mnt@aber.ac.uk.

Cyllid ychwanegol 

Os ydych chi'n derbyn bwrsariaeth gadael gofal, gallwn hefyd gynnig ein pecyn graddio i chi sy'n cynnwys £100 tuag at gost pecyn llogi gwisg/ffotograffau.

Dolenni defnyddiol eraill

Astudio yn y Brifysgol - Class Cymru 

Thrive: the magazine for young people | The Fostering Network

Darpariaeth Ffydd Leol

https://housinghand.co.uk/university-guarantor-service/

 

AberOfalgar – Myfyrwyr sydd wedi ymddieithrio oddi wrth eu teuluoedd

Ym Mhrifysgol Aberystwyth rydym yn cynnig ystod eang o gymorth a chefnogaeth i fyfyrwyr sydd wedi ymddieithrio oddi wrth eu teulu.

Rydym yn ymrwymo i weithio tuag at greu'r amgylchedd a'r amodau cywir i fyfyrwyr sydd wedi ymddieithrio i gwblhau eu cyrsiau trwy wella'r gefnogaeth yr ydym yn ei chynnig yn barhaus.

Bwrsariaeth AberOfalgar 

Nod Bwrsariaeth AberOfalgar yw cefnogi myfyrwyr sy'n hanu o'r DU sydd wedi bod mewn gofal yn y gorffennol, sydd â chyfrifoldebau gofalu, sy'n ffoaduriaid neu sydd wedi ymddieithrio oddi wrth eu teuluoedd neu warcheidwaid yn eu harddegau hwyr. I gael gwybodaeth ar sut i wneud cais ar gyfer Bwrsariaeth AberOfalgar, ewch i Bwrsiariaeth AberOfalgar  : Astudio Gyda Ni , Prifysgol Aberystwyth

Cymorth Prifysgol Aberystwyth

Marion Thomson yw'r cyswllt penodedig ar gyfer Ymadawyr Gofal ac mae'n cynnig y gefnogaeth ganlynol trwy gydol eich astudiaethau:

  • Bydd Mentor Ffordd Hyn ar gael i chi i'ch helpu i ymgartrefu yn y Brifysgol, rhoi cyngor ynghylch sut i reoli eich amser a datblygu sgiliau trefnu.

Llety

Mae Llety Haf ar gael yn y Brifysgol i Ymadawyr Gofal - gellir gwneud cais amdano ar y we-ddalen llety. 

Os/pan fyddwch yn symud i lety preifat yn eich ail flwyddyn, cofiwch ofyn i ni os ydych yn cael trafferth darparu gwarantwr. Rydym yn bwriadu sefydlu cynllun lle bydd y Brifysgol yn sefyll fel gwarantwr, ond am y tro gallwn roi cadarnhad i chi o hanes eich taliadau yn y brifysgol, os oes angen.  Cysylltwch â ni os hoffech drafod hyn ymhellach mnt@aber.ac.uk.

Cyllid ychwanegol 

Os ydych chi'n derbyn bwrsariaeth gadael gofal, gallwn hefyd gynnig ein pecyn graddio i chi sy'n cynnwys £100 tuag at gost pecyn llogi gwisg/ffotograffau.

Dolenni defnyddiol eraill

Darpariaeth Ffydd Leol

https://housinghand.co.uk/university-guarantor-service/ 

 

AberOfalgar - Myfyriwr sydd yn Rhieni

P'un a oes gennych chi blentyn eisoes neu eich bod ar fin dod yn rhiant, mae cyfoeth o wasanaethau ar gael i gefnogi eich astudiaethau gyda ni.

Yn ein barn ni, ni ddylai bod yn feichiog, mabwysiadu neu ofalu am blentyn ynddo’i hun fod yn rhwystr rhag ceisio am le ar raglen astudio, cychwyn arni neu lwyddo ynddi.  Rydym yn ymdrechu i fod mor hyblyg â phosibl o dan amgylchiadau o’r fath.

Mae gan y Brifysgol Polisi Beichiogrwydd a Mamolaeth
Myfyrwyr ac Absenoldeb Mabwysiadu ac Absenoldeb Rhiant i
Fyfyrwyr 

Cyfleusterau ar gyfer Bwydo ar y fron, Tynnu llaeth a Bwydo o'r botel

Mwy o wybodaeth: Bwydo eich babi

Mae campysau'r Brifysgol yn gwbl gyfeillgar i fwydo ar y fron ac nid oes unrhyw gyfyngiadau o ran bwydo o’r botel neu fwydo ar y fron. Rydym yn deall y gallai fod yn well gan rieni weithiau gael man preifat, tawel a diogel i fwydo’u baban (o’r botel neu ar y fron) neu i dynnu llaeth.

Mae gennym ystafelloedd pwrpasol ar gyfer bwydo ar y fron/tynnu llaeth i gynorthwyo staff a myfyrwyr sy’n bwydo ar y fron, neu i’w defnyddio gan gydweithwyr beichiog sydd angen man preifat i orffwys. Mae’r cyfleusterau hyn yn agored i’r holl fyfyrwyr a staff.

Gofal Plant wedi ei ariannu gan y Llywodraeth

Gofal plant a ariennir gan y llywodraeth ar gyfer plant 3-4 oed -  Mae’r Cynnig Gofal Plant i Gymru yn rhoi hyd at 30 awr o addysg gynnar a gofal plant a ariennir gan y llywodraeth i blant 3 a 4 oed am 48 wythnos y flwyddyn.

Grant Gofal Plant - Cyllid Myfyrwyr Cymru

Lwfans Dysgu Rhieni - Cyllid Myfyrwyr Cymru

Lwfans Dysgu Rhieni - Cyllid Myfyrwyr Lloegr   

 

Cymorth Prifysgol Aberystwyth

  • Bydd Mentor Ffordd Hyn ar gael i chi i'ch helpu i ymgartrefu yn y Brifysgol, rhoi cyngor ynghylch sut i reoli eich amser a datblygu sgiliau trefnu.

Dolenni defnyddiol eraill

Aber Running Buggies

 

AberOfalgar - Ffoadur

Rydym yn cynnig amrywiaeth o gymorth i Geiswyr Lloches, Ffoaduriaid a phobl eraill sy'n ceisio noddfa yn y DU.

Rydym yn croesawu pobl sy'n ceisio diogelwch ac rydym am greu teimlad o gynhwysiant drwy annog pobl i dderbyn diwylliant, sgiliau a gwahaniaethau.

Bwrsariaeth AberOfalgar 

Nod Bwrsariaeth AberOfalgar yw cefnogi myfyrwyr sy'n hanu o'r DU sydd wedi bod mewn gofal yn y gorffennol, sydd â chyfrifoldebau gofalu, sy'n ffoaduriaid neu sydd wedi ymddieithrio oddi wrth eu teuluoedd neu warcheidwaid yn eu harddegau hwyr. I gael gwybodaeth ar sut i wneud cais ar gyfer Bwrsariaeth AberOfalgar, ewch i Bwrsiariaeth AberOfalgar  : Astudio Gyda Ni , Prifysgol Aberystwyth

Cymorth Prifysgol Aberystwyth

Fel ffoadur sy'n byw yn y DU byddwch yn cael eich ystyried yn fyfyriwr cartref a gallech fod yn gymwys i gael cyllid gan Cyllid Myfyrwyr yn dibynnu ar eich statws preswylio. Mae Cyllid Myfyrwyr Lloegr a Chyllid Myfyrwyr Cymru yn rhestru'r meini prawf preswylio ac i bwy y maent yn berthnasol ar eu tudalennau gwe. 

Marion Thomson yw'r cyswllt penodedig ar gyfer Ceiswyr Lloches a Ffoaduriaid ac mae'n cynnig y gefnogaeth ganlynol trwy gydol eich astudiaethau:

  • Gallai Mentor Ffordd Hyn fod yn ddefnyddiol i'ch helpu i ymgartrefu yn y Brifysgol, rhoi cyngor ynghylch rheoli eich amser a datblygu sgiliau trefnu.  Os hoffech gael rhagor o wybodaeth, anfonwch e-bost at fforddhyn@aber.ac.uk 

Llety

Mae Llety Haf ar gael yn y Brifysgol i geiswyr lloches - gellir gwneud cais amdano ar y we-ddalen llety

Os/pan fyddwch yn symud i lety preifat yn eich ail flwyddyn, cofiwch ofyn i ni os ydych yn cael trafferth darparu gwarantwr. Rydym yn bwriadu sefydlu cynllun lle bydd y Brifysgol yn sefyll fel gwarantwr, ond am y tro gallwn roi cadarnhad i chi o hanes eich taliadau yn y brifysgol, os oes angen.  Cysylltwch â ni os hoffech drafod hyn ymhellach mnt@aber.ac.uk.

Dewisiadau Cymorth eraill a gwe-ddalennau defnyddiol

Darpariaeth Ffydd leol

Mae prifysgolion eraill hefyd yn cynnig ysgoloriaethau

Get help as a refugee or asylum seeker | British Red Cross

London Asylum Crisis Project - Refugee Action (refugee-action.org.uk)

 

 

 

AberOfalgar – Gofalwyr sy’n Oedolion Ifanc

Ym Mhrifysgol Aberystwyth rydym yn cynnig ystod eang o gymorth i Ofalwyr sy’n Oedolion Ifanc. Rydym wedi ymrwymo i helpu mwy o bobl â phrofiad o fod mewn gofal i fynd i'r brifysgol.

Rydym yn aelod o Gynghrair Gofalwyr Ceredigion ac rydym yn cyfarfod â nhw'n rheolaidd ac yn gallu trosglwyddo gwybodaeth i helpu ein myfyrwyr sy'n ofalwyr i reoli eu hastudiaethau ochr yn ochr â'u cyfrifoldebau gofalu.

Bwrsariaeth AberOfalgar 

Nod Bwrsariaeth AberOfalgar yw cefnogi myfyrwyr sy'n hanu o'r DU sydd wedi bod mewn gofal yn y gorffennol, sydd â chyfrifoldebau gofalu, sy'n ffoaduriaid neu sydd wedi ymddieithrio oddi wrth eu teuluoedd neu warcheidwaid yn eu harddegau hwyr. I gael gwybodaeth ar sut i wneud cais ar gyfer Bwrsariaeth AberOfalgar, ewch i Bwrsiariaeth AberOfalgar  : Astudio Gyda Ni , Prifysgol Aberystwyth

Cymorth Prifysgol Aberystwyth

Marion Thomson yw'r cyswllt penodedig ar gyfer Ofalwyr sy’n Oedolion Ifanc ac mae'n cynnig y gefnogaeth ganlynol trwy gydol eich astudiaethau.

  • Bydd Mentor Ffordd Hyn ar gael i chi i'ch helpu i ymgartrefu yn y Brifysgol, rhoi cyngor ynghylch sut i reoli eich amser a datblygu sgiliau trefnu.

Llety

Mae Llety Haf ar gael yn y Brifysgol i Ofalwyr sy’n Oedolion Ifanc - gellir gwneud cais amdano ar y we-ddalen llety. 

Os/pan fyddwch yn symud i lety preifat yn eich ail flwyddyn, cofiwch ofyn i ni os ydych yn cael trafferth darparu gwarantwr. Rydym yn bwriadu sefydlu cynllun lle bydd y Brifysgol yn sefyll fel gwarantwr, ond am y tro gallwn roi cadarnhad i chi o hanes eich taliadau yn y brifysgol, os oes angen.  Cysylltwch â ni os hoffech drafod hyn ymhellach mnt@aber.ac.uk

Cyllid ychwanegol 

Os ydych chi'n derbyn bwrsariaeth gadael gofal, gallwn hefyd gynnig ein pecyn graddio i chi sy'n cynnwys £100 tuag at gost pecyn llogi gwisg/ffotograffau.

Dolenni defnyddiol eraill

Cyngor Ceredigion - Gwybodaeth i Ofalwyr 

Cerdyn Gofalwyr Ceredigion

Darpariaeth Ffydd Leol

https://housinghand.co.uk/university-guarantor-service/ 

 

Rydym yn hynod o falch bod Prifysgol Aberystwyth wedi bod yn cynnig Ysgoloriaethau Noddfa o’r Flwyddyn Academaidd 2022/23 ymlaen - am fwy o wybodaeth gweler: https://www.aber.ac.uk/en/study-with-us/scholarships-bursaries/sanctuary-scholarship/

Mae’r Ysgoloriaethau Noddfa ar gyfer y rhai hynny o gefndiroedd lle’u gorfodwyd i fudo sy'n wynebu rhwystrau rhag mynd i brifysgol oherwydd bod rheoliadau'r Swyddfa Gartref yng nghyswllt eu statws mewnfudo yn eu hatal rhag cael cyllid gan Gyllid Myfyrwyr. Mae’r Ysgoloriaeth Noddfa ond yn berthnasol i’r rhai sy’n preswylio yn y DU ar hyn o bryd.

Y Broses:-

Cyn i chi wneud cais, mae’n rhaid eich bod wedi derbyn cynnig amodol neu ddiamod gan Brifysgol Aberystwyth i astudio gradd israddedig amser llawn neu Dystysgrif Sylfaen Ryngwladol neu gwrs meistr ôl-raddedig a ddysgir trwy gwrs.

Wrth gwblhau'r ffurflen gais am yr Ysgoloriaeth Noddfa darllenwch y nodiadau canllaw os gwelwch yn dda.  Dylech gyflwyno eich cais am Ysgoloriaeth Noddfa drwy'r ffurflen ar-lein.

Bydd angen i'ch datganiad personol fod yn un arbennig gan ei bod yn broses hynod gystadleuol, gyda'r ymgeiswyr gorau yn cael cynnig un o'r ddwy ysgoloriaeth sydd ar gael.

Bydd angen i chi anfon tystiolaeth berthnasol fel atodiad i noddfa@aber.ac.uk.  Bydd angen i chi ddarparu copi o'ch Cerdyn Cofrestru Cais (ARC) NEU fel arall bydd angen i chi lenwi Ffurflen Ganiatâd Hanes Mewnfudo (IHC).  E-bostiwch noddfa@aber.ac.uk os oes angen ffurflen IHC arnoch.

Bydd angen darparu geirda gan eich canolwr. Anfonwch y geirda fel atodiad at noddfa@aber.ac.uk   Dylai'r canolwr fod yn rhywun yn y Deyrnas Unedig sy'n eich adnabod yn dda. Gallai'r canolwr fod yn aelod o grŵp cymorth i ffoaduriaid, sefydliad gwirfoddol, gweithiwr achos, cynghorydd cymorth, neu weithiwr proffesiynol ym meysydd addysg neu iechyd.  Dylai eu geirda fod ar bapur pennawd ac nid o e-bost personol (e.e. gmail, yahoo ac ati)

Dylid cyflwyno ceisiadau cyn y dyddiad cau a nodir ar y we-ddalen - https://www.aber.ac.uk/en/study-with-us/scholarships-bursaries/sanctuary-scholarship/#about-the-scholarships