Mrs Karen Presacane

Dyddiad ymuno a swydd flaenorol

Ymunodd Karen â'r hyn a oedd bryd hynny yn adran 'Gwasanaethau Masnachu ac Ymgynghori' yn 2011 cyn i YBA ffurfio, fel Rheolwr Prosiect. Ymunodd Karen â'r brifysgol yn 2006 gan weithio cyn hynny yn y Gwasanaethau Preswyl fel Rheolwr ar Ddyletswydd a'r adran Gyllid. Mae hi wedi bod yn ei rôl fel Rheolwr Sicrhau Ansawdd Prosiect yn YBA ers 2014.

Prif gyfrifoldebau yn y swydd flaenorol

Roedd Karen yn Rheolwr Prosiect a Swyddog Datblygu Busnes ar gyfer y prosiect 'Mynediad at Radd Meistr' a ariannwyd gan Gronfa Gymdeithasol Ewrop, gan gefnogi cydweithrediadau rhwng sefydliadau ac ôl-raddedigion ar brosiectau ymchwil sy'n rhan o raddau meistr a addysgir.

Addysg a phrofiad gwaith

Astudiodd Karen Busnes a Chyllid ym Mhrifysgol Fetropolitan Abertawe cyn gweithio mewn rolau ariannol amrywiol yn Llundain yn y sector preifat a chyhoeddus, gan weithio i City, Prifysgol Llundain am 3 blynedd.

Profiad a gwybodaeth

Mae gan Karen brofiad o reoli prosiectau mawr a chymhleth yn ogystal â goruchwylio portffolio o brosiectau. Mae gan Karen brofiad o weithio ar y rhyngwyneb rhwng y byd academaidd a diwydiant, gan sefydlu prosiectau ymchwil Ôl-raddedig gyda BBaChau, a oedd yn gofyn am sgiliau datblygu busnes a thrafod contractau. Mae ei chefndir mewn rolau ariannol amrywiol wedi rhoi sylfaen gadarn iddi mewn rheoli cyllideb, rhagweld a chwblhau hawliadau grant. Rhoddodd cyfnod Karen fel Rheolwr ar Ddyletswydd gyfle i arwain timau mawr mewn amgylchedd deinamig, ac mae rolau dilynol wedi darparu cyfleoedd arweinyddiaeth pellach.

Prif gyfrifoldebau o fewn YBA

Mae Karen yn rheoli swyddogaeth ôl-ddyfarnu yn YBA, gan oruchwylio'r piler Rheoli Prosiect a Rheolwyr Prosiect. Mae hi'n sicrhau sicrwydd ansawdd prosiectau trwy gefnogaeth ôl-ddyfarniad, monitro ac arweiniad a rhannu arfer gorau i sicrhau bod grantiau mawr yn cael eu darparu. Mae Karen hefyd yn Hyrwyddwr Cydraddoldeb ac yn Hyrwyddwr Cynaliadwyedd ar gyfer YBA.

Rhan fwyaf pleserus o weithio ym Mhrifysgol Aberystwyth

Mae Karen yn mwynhau helpu cydweithwyr o bob rhan o'r brifysgol gydag ymholiadau a chyngor ar gyflwyno dyfarniadau a chydymffurfiaeth, a natur amrywiol y rôl.