Gwaith Myfyrwraig Seicoleg Aberystwyth mewn Gwerslyfr Newydd
![](/cy/psychology/news/top-stories/JadeNorrisResized.jpg)
10 Gorffennaf 2012
Petai nad oedd hi’n ddigon ei bod hi’n graddio ag anrhydedd dosbarth cyntaf mewn seicoleg, bydd Jade Norris hefyd yn rhan o werslyfr seicoleg gymdeithasol newydd, sy’n torri tir addysgiadol newydd, gan Robbie Sutton a Karen Douglas o Brifysgol Caint. Daliwyd sylw’r awduron gan bosibiliadau cymhwyso gwaith ymchwil Jade i’r byd go iawn, a gofynasant iddi gyflwyno crynodeb o’i gwaith ymchwil hi iddynt er mwyn iddynt ei gynnwys yn eu gwerslyfr a gyhoeddir gan Palgrave ym mis Medi 2012. Deilliodd deunydd prosiect Jade o’i gwaith fel cwnstabl arbennig gwirfoddol yn heddlu Dyfed Powys, lle y cafodd gyfle i drafod â chadetiaid dan hyfforddiant sut roeddent yn deall prosesau grŵp drwy’r dulliau a ddefnyddir gan yr heddlu i reoli torfeydd.