Disgyblion Penglais i serennu ar Dragons’ Den

Aber Does Dragons’ Den – ffau’r dreigiau

Mae disgyblion o Ysgol Penglais, Aberystwyth yn paratoi i gyflwyno eu syniadau busnes i banel o Ddreigiau fel rhan o fenter i hyrwyddo entrepreneuriaeth gan Ysgol Rheolaeth a Busnes Prifysgol Aberystwyth.

Mae pum tîm o ddisgyblion blwyddyn 12 a 13 sy’n astudio ar gyfer Diploma Atodol Lefel 3 BTEC mewn Busnes yn Ysgol Penglais yn datblygu eu cynigion busnes ar hyn o bryd ac yn derbyn cyngor arbenigol ar gyflwyno syniadau, marchnata, cyllid ac eiddo deallusol gan fentoriaid o’r Brifysgol.

Bydd y timau gyflwyno eu syniadau i banel o bum Draig mewn sesiwn recordio mewn stiwdio deledu yn Adran Astudiaethau Theatr, Ffilm a Theledu'r Brifysgol ar ddydd Gwener 24 Hydref.

Bydd yr enillwyr yn cael eu cyhoeddi mewn dangosiad arbennig o'r rhaglen Aber Does Dragons’ Den yn yr Ysgol Rheolaeth a Busnes yng Nghanolfan Llanbadarn ar ddydd Gwener 7 Tachwedd.

Trefnydd Aber Does Dragons’ Den yw’r Athro Brian Garrod o'r Ysgol Rheolaeth a Busnes, ac mae e wedi sicrhau cefnogaeth y cwmni sy'n gyfrifol am y gyfres boblogaidd y BBC ar gyfer y digwyddiad.

"Rwy'n falch iawn bod y cynhyrchwyr o Dragons 'Den wedi rhoi eu caniatâd i ni ail-greu'r fformat a defnyddio rhai o'r raffeg ar gyfer y fenter gyffrous hon."

"Mae Ysgol Rheolaeth a Busnes yn adnabyddus am ei ffocws ar entrepreneuriaeth ac mae hwn yn gyfle gwych i'r bobl ifanc hyn i gyflwyno eu syniadau i'r Dreigiau o flaen y camerâu, a chael gwybod a oes ganddynt hyn sydd ei angen i lwyddo."

"Mae cael syniad busnes yn un peth, ond mae darbwyllo un o'r Dreigiau i fuddsoddi a chefnogi’r syniad hwnnw yn rhywbeth hollol wahanol, ac rwy'n ddiolchgar iawn i’m cydweithwyr yn y Brifysgol sydd wedi bod yn cynghori'r timau ar sut i ddatblygu a chyflwyno eu cynigion busnes. "

Yn y cyfamser, mae pob tîm wedi derbyn camera fideo llaw er mwyn iddynt recordio’u gwaith. Bydd y lluniau a dynnwyd ganddynt hefyd yn ymddangos yn y fersiwn derfynol o Aber Does Dragons’ Den.

Mae Canolfan Ehangu Cyfranogiad Prifysgol Aberystwyth hefyd yn gweithio ar y prosiect, gyda'r bwriad o ddefnyddio'r profiad i ymgysylltu â phobl ifanc yn yr ardal leol ar amrywiaeth o gyfleoedd menter ac entrepreneuriaeth.

AriannwydAber Does Dragons’ Den fel rhan o Ŵyl Gwyddorau Cymdeithasol ESRC sy'n rhedeg o'r 1af i'r 8 Tachwedd http://www.esrc.ac.uk/news-a-events/events/festival/.

Twitter: #AberDragonsDen

AU40914

Rhannu