Maddie Knight: Sut Mae Ceffylau’n Gweld Lliw

Rydym wrth ein bodd yn dathlu llwyddiant Maddie Knight, a raddiodd yn ddiweddar yn y Biowyddorau Milfeddygol, ac yna cipio’r ail safle yng Ngwobr fawreddog Traethawd Ymchwil Israddedig y Flwyddyn 2024 am ei hymchwil i ganfyddiad lliwiau ceffylau.

Angerdd at Anifeiliaid

Yn tyfu i fyny wedi’i hamgylchynu gan anifeiliaid, ysbrydolwyd angerdd Maddie gan ei thad, Triniwr Cŵn Heddlu, a’i mam, a fu’n gweithio gyda Guide Dogs for the Blind. Arweiniodd y sylfaen hon Maddie i ddilyn gyrfa mewn gwyddor anifeiliaid, gan gyfuno ei chariad at anifeiliaid ag archwilio gwyddonol.

Y Traethawd Gwobrwyol

Roedd ymchwil Maddie, o’r enw The Impact of Dichromatic Colour Perception on Jumping Performance in Horses, yn canolbwyntio ar sut mae ceffylau yn canfod lliwiau a sut mae hyn yn effeithio ar eu hymddygiad wrth neidio â chystadlu. Canfu'r astudiaeth fod ceffylau yn gweld lliwiau'n wahanol i bobl, yn enwedig yn y sbectrwm coch-i-felyn. Darganfu Maddie fod ceffylau'n perfformio'n well wrth neidio polion melyn o gymharu â rhai coch, gan fod melyn yn dod o fewn eu hystod weladwy tra nad yw coch yn gwneud hynny. Mae’r ymchwil hwn yn cynnig goblygiadau ymarferol ar gyfer lles ceffylau, gan awgrymu y gallai addasu lliwiau cyfarpar neidio gwella perfformiad a lleihau straen.

Roedd y cyfleoedd dysgu ymarferol a chymorth ymchwil o fewn y radd Biowyddorau Milfeddygol yn allweddol i lwyddiant Maddie. Mae'r cwrs hwn yn rhoi'r sgiliau i fyfyrwyr archwilio meysydd hanfodol iechyd, lles ac ymddygiad anifeiliaid, gan eu paratoi ar gyfer gyrfaoedd dylanwadol mewn gwyddor anifeiliaid.

Edrych ymlaen

Mae gwaith caled Maddie wedi’i gydnabod nid yn unig gyda’r wobr hon ond hefyd trwy gael ei derbyn i raglen Gwyddor Filfeddygol carlam Prifysgol Bryste. Ei huchelgais yw bod yn filfeddyg bywyd gwyllt, gan ganolbwyntio ar gadwraeth rhino yn Affrica. Mae Maddie yn credu bod dyfodol gwyddor anifeiliaid yn gorwedd mewn datblygiadau technolegol fel deallusrwydd artiffisial, sydd eisoes yn trawsnewid ffermio cynaliadwy a genomeg. Mae'n gobeithio cyfrannu at y datblygiadau hyn, yn enwedig ym maes cadwraeth bywyd gwyllt a brwydro yn erbyn clefydau milheintiol.

Dysgwch mwy am ein cyrsiau Biowyddor Ceffylau a Milfeddygol.