Gwybodaeth i Ddysgwyr
Cynhaliwyd adolygiad Estyn ym Mai 2022. Gweler yr adroddiad fan hyn.
Sut mae cofrestru a thalu am gwrs?
Rhaid i chi ymrestru a thalu ymlaen llaw ar-lein ar dysgucymraeg.cymru - bydd rhaid i chi fewngofnodi â’ch cyfrif presennol neu greu cyfrif newydd drwy ddefnyddio eich cyfeiriad e-bost. Os nad ydych chi’n dymuno cofrestru ar-lein gan ddefnyddio eich e-bost, gofynnwch am gopi caled o’r ffurflen ymrestru. Eleni, mae gofyn i chi dalu ffi am y flwyddyn gyfan ar ddechrau’r cwrs. Os nad ydych chi’n gallu talu’r ffi lawn ar unwaith, gallwch chi ofyn am delerau arbennig trwy gysylltu â’r Tîm Dysgu Cymraeg.
Ffioedd Gostyngol
Mae cyrsiau am ddim ar gyfer:
- pobl rhwng 16 a 25 mlwydd oed
- pob athro, pennaeth a chynorthwyydd addysgu sy'n gweithio yng Nghymru
- aelodau staff Prifysgol Aberystwyth (cwblhewch y ffurflen yma)
- myfyrwyr (pob oed) Prifysgol Aberystwyth.
Mae gostyniad o 40% ar gael ar gyfer:
∙ Pensiynwyr sy’n derbyn credyd pensiwn
∙ Myfyrwyr llawn amser
∙ Unigolion sy’n hawlio rhai budd-daliadau (e.e. Budd-dal Tai, Cymhorthdal Incwm, Budd-dal Treth Plant, Budd-dal Analluogrwydd (yn seiliedig ar incwm), Lwfans
Cyflogaeth a Chymorth (yn seiliedig ar incwm), Lwfans Ceisio am Waith (yn seiliedig ar incwm), Gofalwyr).
I hawlio’r ffi ostyngol rhaid i chi gysylltu â ni (bydd rhaid i chi ddarparu tystiolaeth).
Gostyngiad aml-gwrs
Os ydych chi’n dymuno mynychu mwy nag un cwrs wythnosol, ‘dyn ni’n cynig disgownt o 50% oddi ar yr ail a’r trydydd cwrs a.y.y.b. I hawlio’r gostyngiad hwn cysylltwch â’n Tîm Dysgu Cymraeg.
Polisi Ad-dalu
Os byddwn ni’n canslo dosbarth, ad-delir y ffi lawn. Os na fyddwch chi yn mynychu’r wers gyntaf, byddwn ni’n adalu 80% o’r ffi. Os byddwch yn rhoi’r gorau i ddysgu yn ystod y 4 wythnos gyntaf, byddwn ni’n ad-dalu 50% o’r ffi. Os byddwch yn penderfynu peidio â pharhau wedi’r 4 wythnos gyntaf, fyddwn ni ddim yn cynnig ad-daliad.
Cwrslyfrau
Cewch ragor o fanylion am gwrs lyfrau wrth gofrestru neu wrth fynychu eich dosbarth cyntaf. Mae modd prynu cwrslyfrau am £10 o’ch siop llyfrau Cymraeg leol neu ar-lein yma:
Cymorth Ariannol
Cronfa Ariannol Wrth Gefn i Ddysgwyr
Manylion Arholiadau CBAC
Ers Covid 19, dyn ni'n gobeithio cynnal arholiadau llawn (wyneb yn wyneb) ar bob lefel ond rydym yn cadw'r hawl i gynnal profion llafar arlein yn unig. Dyma'r dyddiadau:
|
Lefel |
Dyddiad |
Dyddiad cau |
|
Mynediad Ionawr |
31 Ionawr 2025 |
6 Rhagfyr 2025 |
|
Mynediad Dydd |
30 Mehefin 2025 |
28 Chwefror 2024 |
|
Mynediad Nos |
11 Mehefin 2025 |
28 Chwefror 2024 |
|
Sylfaen |
20 Mehefin 2025 |
28 Chwefror 2025 |
|
Canolradd |
13 Mehefin 2025 |
28 Chwefror 2025 |
|
Uwch |
18-19 Mehefin 2025 |
28 Chwefror 2025 |
Llyfrau ac adnoddau dysgu Cymraeg
- Ap Geiriaduron Ap sy'n cynnwys Cysgair
- Ap Dysgu Cymraeg - Say Something in Welsh
- learn-welsh.net Anodd ar-lein i ddechreuwyr (am ddim)
- parallel.cymru Cylchgrawn dwyieithog ar-lein