Cyrsiau Hyfforddiant ag Achrediad

Mae Prifysgol Aberystwyth yn falch o fod yn un o ddarparwyr hyfforddiant ag achrediad y Sefydliad Diogelwch ac Iechyd Galwedigaethol (IOSH) yn y Canolbarth. Ystyrir bod y Sefydliad yn arwain y blaen ym maes hyfforddiant iechyd a diogelwch, ac mae ei gyrsiau yn cael eu cydnabod a'u parchu'n rhyngwladol. Mae ein hyfforddwyr iechyd a diogelwch profiadol yn falch iawn o allu cynnig dau o gyrsiau hyfforddiant y Sefydliad y ceir canmol mawr iddynt, a hynny ym maes rheoli’n ddiogel a gweithio’n ddiogel.

Rheoli’n Ddiogel (IOSH)

Cwrs pedwar diwrnod o hyd i reolwyr a goruchwylwyr, sy'n canolbwyntio ar y camau ymarferol y mae angen iddynt eu cymryd er mwyn rheoli iechyd a diogelwch yn eu timau. Bydd y cwrs yn dangos sut mae ystyriaethau iechyd a diogelwch yn rhan hanfodol o swydd rheolwr neu oruchwyliwr.

Mae rhagor o wybodaeth am y cwrs ar gael yma. 

Gweithio’n Ddiogel (IOSH)

Cwrs undydd sy'n rhoi cyflwyniad i faes iechyd a diogelwch i bobl ar unrhyw lefel ac yn unrhyw sector. Mae'n canolbwyntio ar yr arferion gorau, ac yn gofyn i unigolion ystyried pwysigrwydd iechyd a diogelwch yn y gweithle, ynghyd â sut y gall ymddygiad unigolion wneud gwahaniaeth o ran iechyd a diogelwch.

Mae rhagor o wybodaeth am y cwrs ar gael yma. 

Cyrsiau sydd ar y gweill

Am ragor o wybodaeth am ddyddiadau cyrsiau hyfforddiant sydd ar y gweill, cysylltwch â’r Tîm Iechyd, Diogelwch a'r Amgylchedd ar hasstaff@aber.ac.uk. 

Cwrdd â'r Hyfforddwr

Mae Llyr Jones, Cynghorydd Iechyd, Diogelwch a'r Amgylchedd ym Mhrifysgol Aberystwyth, yn ymarferydd a hyfforddwr iechyd a diogelwch dwyieithog, a chanddo brofiad o reoli ac archwilio Systemau Rheoli Iechyd a Diogelwch Galwedigaethol mewn diwydiant. Mae Llyr hefyd yn Aelod Graddedig o’r Sefydliad Diogelwch ac Iechyd Galwedigaethol.

Cysylltu â ni

Am ragor o wybodaeth cysylltwch â’r Tîm Iechyd, Diogelwch a'r Amgylchedd ar hasstaff@aber.ac.uk.