5. Amheuaeth o Ymddygiad Academaidd Annerbyniol mewn graddau ymchwil

5.1 Os oes aelod o staff neu arholwr yn amau Ymddygiad Academaidd Annerbyniol mewn traethawd ymchwil neu waith arall a gyflwynir i’w arholi am radd ymchwil, cyfeirir yr achos i’r Gofrestrfa Academaidd, a fydd yn cynnull Panel y Brifysgol i ystyried yr achos, yn unol ag adran 11 y Rheoliad.

5.2 Os oes aelod o staff neu arholwr yn amau Ymddygiad Academaidd Annerbyniol mewn modiwlau hyfforddiant ymchwil trwy gwrs y mae’r myfyriwr ymchwil yn eu dilyn, dylid rhoi gwybod am yr honiad ac ymchwilio iddo yn yr un modd ag y gwneir yn achos modiwlau a ddysgir (gweler y manylion yn adrannau 2-11). Gall y Gyfadran y mae'r myfyriwr wedi cofrestru ynddi gynnull panel os oes angen Panel Cyfadran.