Croeso Welcome
Llongyfarchiadau a chroeso i deulu Prifysgol Aberystwyth!
Rydym yn falch iawn eich bod wedi dewis ymuno â'n cymuned brifysgol ac edrychwn ymlaen at gwrdd â chi cyn hir. Bydd y tudalennau hyn, yn rhoi’r holl wybodaeth sydd ei hangen arnoch am y cyfnod cyn i chi gyrraedd, pan ydych yn cyrraedd a beth bydd yn cymryd lle yn ystod yr wythnosau a misoedd cyntaf yma yn Aber…
Dyddiadau allweddol ar gyfer CyrraeddAber
- Wythnos Groeso'r Ganolfan Addysg Gofal Iechyd: 2 Medi i 6 Medi 2024
- Wythnos Groeso Gwyddorau Milfeddygol: 16 Medi i 20 Medi 2024
- Penwythnos Cyrraedd Myfyrwyr Newydd: 20 Medi i 22 Medi 2024
- Wythnos GroesoAber: 23 Medi i 27 Medi 2024
Cynllunydd Ymgartrefu
Defnyddiwch y Cynllunydd Croeso ac Ymsefydlu newydd i'ch helpu i ddarganfod y digwyddiadau sy'n benodol i chi yn ystod Wythnos Groeso Aber 2024 a'r wythnosau cyntaf yn y Brifysgol.
Dysgwch am yr holl weithgareddau adrannol sydd wedi eu trefnu ar eich cyfer, yn ogystal â'r cyfleoedd allgyrsiol yn Aber. I wneud y gorau o'ch profiadau cyntaf yn y Brifysgol, cwrdd â phobl newydd neu yn syml i gael hwyl, defnyddiwch y Cynllunydd Ymsefydlu i ddarganfod pa ddigwyddiadau sy'n cymryd lle.
Dy Adran Academaidd
Mae eich Adran Academaidd methu aros i'ch croesawu ar ddechrau Wythnos Groeso Aber 2024 a thu hwnt.
Darganfyddwch yma am ble i fynd, gweithgareddau a digwyddiadau sydd wedi'u cynllunio i dy helpu i ymgartrefu, gwneud ffrindiau ac addasu i fywyd yn rhan o'ch adran newydd.
Bydd cyfleoedd yn ystod yr wythnos a thu hwnt i ddod i adnabod eich tiwtoriaid personol, a dysgu mwy am sut mae eich adran wedi ymrwymo i gefnogi eich llwyddiant academaidd a'ch datblygiad proffesiynol o'r cychwyn cyntaf.
Cofrestru
Ar y dudalen yma, mae popeth sydd angen i chi wybod o ran cofrestru gyda ni, a'r gwahanol gamau sydd angen i chi gwblhau i fod yn fyfyriwr swyddogol ym Mhrifysgol Aberystwyth!
Mae ‘na ddau restr wirio. Mae un yn ganllaw cam wrth gam syml, a'r llall yn fersiwn ychydig mwy manwl os oes angen mwy o wybodaeth arnoch.
Byddwch yn derbyn e-byst pan fydd angen i chi gwblhau pob cam felly gwiriwch eich mewnflwch yn rheolaidd ar ôl actifadu eich cyfrif TG Prifysgol Aberystwyth. Mae’n werth nodi'r rhestr wirio yma hefyd fel y gallwch chi neidio'n ôl i mewn pryd bynnag y bydd angen.
CynAber – Cyn Cyrraedd
Wrth edrych ymlaen at gyrraedd Aber, dewch i weld y tasgau hanfodol y bydd angen i chi eu cwblhau cyn cyrraedd trwy restr wirio wedi'i theilwra a fideos fer gan ein myfyrwyr presennol, ynghyd â rhywfaint o wybodaeth ddefnyddiol cyn ymuno â'ch cymuned newydd.
Mae'r rhestrau gwirio a'r fideos byr wedi'u cynllunio i wneud pob cam o'ch taith wrth ymuno ag Aberystwyth mor esmwyth â phosibl.
CyrraeddAber – Cyrraedd ac Ymgartrefu
Wedi cyrraedd Aber, dewch i weld y tasgau hanfodol y bydd angen i chi eu cwblhau yn y diwrnodau cyntaf drwy restr wirio wedi'i theilwra a fideos fer gan ein myfyrwyr presennol, ynghyd â rhywfaint o wybodaeth ddefnyddiol am ymuno â'ch cymuned newydd yn y diwrnodau cyntaf.
Mae'r rhestrau gwirio a'r fideos byr wedi'u cynllunio i wneud pob cam o'ch taith wrth ymuno ag Aberystwyth mor esmwyth â phosibl.
CaruAber – Ymgartrefu Estynedig
Dyma dy le i ddarganfod, i ddysgu ac i ddatblygu.
Wrth i chi ddechrau ymgyfarwyddo â'r brifysgol rydym am gefnogi eich cyfnod pontio i'r brifysgol, ac i chi ddod i adnabod y Brifysgol yn well. Mae CaruAber - ein themâu Ymgartrefu Estynedig yn canolbwyntio ar saith elfen allweddol a fydd yn eich galluogi i wneud y gorau o'ch amser gyda ni yn ystod eich cyfnod pontio.
Bydd gennym rai digwyddiadau wedi eu trefnu ynghylch y themau gwahanol, o Gefnogaeth a Lles Aber i Ieithoedd a Gyrfaoedd Aber. Gallwch ddod o hyd i ragor o wybodaeth yn ein Cynllunydd Digwyddiadau Ymsefydlu.
Dy Gampws
Mae gennym gampws bywiog gyda golygfeydd godidog o Fae Ceredigion. Cyfoethogir bywyd y myfyrwyr ymhellach gan Undeb Myfyrwyr bywiog, sy’n rhedeg dros 100 o glybiau a chymdeithasau gwahanol. Mae gennym ein Canolfan Chwaraeon ein hunain ar y campws gyda campfa newydd sbon efo 130 o orsafoedd i bwll nofio, llain 3G, pwll nofio, a hyd yn oed saunarium nordig. Ein Canolfan Celfyddydau ar y campws yw un o’r mwyaf yn y DU gyda theatr, mannau arddangos a pherfformio yn ogystal â sinema boutique, bar a chaffis. Darganfyddwch fwy am yr holl leoliadau hyn yn ogystal â chaffis a bwytai’r campws, llyfrgelloedd, preswylfeydd a llawer mwy.
Dy Wasanaethau Myfyrwyr
Mae Gwasanaethau Myfyrwyr yma i'ch helpu i fanteisio i'r eithaf ar dy amser ym Mhrifysgol Aberystwyth a gwneud y mwyaf o dy gyfleoedd ar ôl graddio. Gan weithio ar ar draws y Brifysgol ac efo gwasanaethau allanol, rydym yn cynnig amrywiaeth o gymorth ac adnoddau i bob myfyriwr, pa bynnag yr her yr wyt yn ei hwynebu.
Mae ein timau cyfeillgar ar gael drwy gydol y flwyddyn, o ddydd Llun i ddydd Gwener, i roi cyngor a chefnogaeth ar ystod eang o bynciau, gan gynnwys gofynion hygyrchedd, anghenion lles, cyngor ariannol, cymorth fisa a chanllawiau gyrfa.
Dy Ddysgu Gydol Oes
Sefwch ar wahân i’r rhelyw gyda'n Hatgyfnerthwyr Graddau rhad ac am ddim
Ochr yn ochr â'ch rhaglen radd, gallwch ddilyn un cwrs byr y tymor, yn rhad ac am ddim, mewn ystod eang o bynciau gan gynnwys: Ieithoedd, Datblygiad Proffesiynol, Ecoleg, Celf a Dylunio, Ysgrifennu Creadigol, Archaeoleg, Achyddiaeth, Hanes, Darlunio Hanes Naturiol.
Astudiwch gyrsiau sy'n atgyfnerthu eich gradd, dilynwch bwnc rydych chi'n angerddol amdano, gweithiwch tuag at gymhwyster neu'n syml rhowch gynnig ar rywbeth newydd a dysgu am hwyl!
Mae ein cyrsiau'n dechrau ar ddechrau mis Hydref ac maent bob amser yn boblogaidd felly cofrestrwch yn fuan.
Dy Borth SgiliauAber
Mae SgiliauAber yn blatfform dwyieithog canolog sy'n darparu ystod gynhwysfawr o wybodaeth, cyngor, adnoddau a chefnogaeth sgiliau, oll wedi'u lleoli'n gyfleus mewn un lle. Mae'r platfform yn gweithredu fel siop-un-stop lle mae hawl i ti gael mynediad at wybodaeth a deunyddiau amrywiol i wella dy sgiliau academaidd, astudio a phroffesiynol. P'un ai'n chwilio am cymorth gydag ysgrifennu aseiniadau, mireinio galluoedd mathemategol ac ystadegol, neu gymryd rhan mewn gweithdai sy'n canolbwyntio ar arferion academaidd da, mae SgiliauAber yn cynnig gofod hawdd ei ddefnyddio i ti fel myfyriwr i ddatblygu a gwella agweddau amrywiol ar dy set sgiliau.
Gan weithio ar y cyd ag adrannau gwasanaethau sgiliau eraill y Brifysgol, mae SgiliauAber yn ymroddedig i feithrin twf personol ac academaidd, gan sicrhau bod gan fyfyrwyr fel ti yr adnoddau a'r gefnogaeth angenrheidiol i ragori yn dy hastudiaethau a thu hwnt.
Dy Fywyd yn Byw ac yn Astudio Drwy’r Gymraeg
Neuadd Pantycelyn yw calon bywyd Cymraeg Prifysgol Aberystwyth a neuadd breswyl enwocaf Cymru. Mae Pantycelyn hefyd yn gartref i UMCA (Undeb Myfyrwyr Cymraeg Aberystwyth). Mae UMCA yn cefnogi nifer o gymdeithasau Cymraeg poblogaidd megis y Geltaidd (prif gymdeithas chwaraeon Gymraeg Prifysgol Aberystwyth), Plaid Cymru Ifanc, ac Aelwyd Pantycelyn i’r rheiny ohonoch sy’n mwynhau perfformio.
Mae gweithgareddau’r Undeb yn amrywio o drefnu adloniant a digwyddiadau i ymgyrchu dros faterion addysgiadol, cymdeithasol a ieithyddol yn y Brifysgol a’r tu hwnt. Yn bwysicaf oll mae UMCA yn awyddus i sicrhau eich bod chi’n gwneud yn fawr o’ch amser ym Mhrifysgol Aberystwyth, yn academaidd, yn gymdeithasol ac ym mhob ffordd, ac os fydd unrhyw beth yn eich poeni chi, bydd dim rhaid ichi fynd yn bell i ofyn am gyngor.