Cyflwyniad i’r Gampfa

Mae'r sesiwn gyflwyno i'r Gampfa yn eich dysgu sut i ddefnyddio'r cyfarpar a sut i wneud yn fawr o'ch ymarfer. Byddwch hefyd yn cael gwybodaeth hanfodol am iechyd a diogelwch gan gynnwys y cod ymddygiad. I drefnu sesiwn e-bostiwch chwaraeon@aber.ac.uk.

Mae'r sesiwn gynefino â’r Pwysau Rhydd yn dangos i chi sut i fanteisio i’r eithaf ar y dull mwy penodol a 'naturiol' hwn o hyfforddi. 

Bydd ein hyfforddwyr ymroddedig yn helpu unigolion, sy'n dilyn rhaglen chwaraeon-benodol, i wella eu perfformiad. Mae'r sesiwn gynefino hefyd yn ymdrin â’r offer yn yr ystafell Pwysau Rhydd. Mae'r sesiwn gynefino â’r Pwysau Rhydd yn para tua 45-60 munud ac mae am ddim i aelodau.

Er mwyn defnyddio’r ystafell Pwysau Rhydd, gall defnyddwyr a chanddynt brofiad o ddefnyddio pwysau rhydd yn ddiogel ac yn effeithiol fynd drwy broses achredu gydag un o’n hyfforddwyr cryfder a chyflyru cymwys. Mae disgwyl i’r defnyddwyr hyn fedru gwneud y symudiadau sylfaenol eisoes, megis codi pwysau marw, cyrcydu, y fainc, sbotio, a chynhesu ac oeri. Mae’r sesiwn achredu’n para tua 10-15 munud ac mae am ddim i aelodau neu yn costio £5.00 i'r rhai nad ydynt yn aelodau. Mae hyn hefyd yn cynnwys eich tâl mynediad ar gyfer y sesiwn. Yn ystod wythnosau gyntaf y tymor, byddwn yn gallu darparu achrediadau ar sail ad hoc o 10:30am tan 4:30pm.