Ehangu Arferion Gwneud Printiau Cyfoes

Ymchwilydd
Paul Croft

Trosolwg

Drwy ymarfer-fel-ymchwil, arddangosfeydd, dosbarthiadau meistr, portffolios printiau a chydweithio rhyngwladol, mae Paul Croft wedi cynnig cyfleoedd newydd i’r cyhoedd gael profiad o greu printiau cyfoes ac ymgysylltu â’r broses. Mae ei brosiectau wedi galluogi gwneuthurwyr printiau o Brydain i gael eu cydnabod yn Tsieina, Awstralia ac UDA, ac ar yr un pryd wedi bod o gymorth i artistiaid Tsieineaidd i arddangos a rhwydweithio y tu hwnt i’w mamwlad, a gwerthu eu gwaith yn y farchnad fyd-eang. Yn fyd-eang ac yn rhanbarthol, mae ei fentrau wedi bod o fudd i artistiaid proffesiynol a myfyrwyr celf, amgueddfeydd ac orielau, casglwyr printiau a’r cyhoedd. 

Yr Ymchwil

Ers cyhoeddi ei lawlyfrau technegol dylanwadol, Stone Lithography a Plate Lithography, mae Paul Croft wedi parhau i rannu ei wybodaeth am wneud printiau drwy guradu arddangosfeydd rhyngwladol, gweithdai a gwyliau print ledled y byd.

Arweiniodd ei waith cydweithredol yn Tsieina at ddwy o’r arddangosfeydd hyn; Contemporary Chinese Printmaking (a oedd yn edrych ar waith tair cenhedlaeth o wneuthurwyr printiau o dalaith Hunan) ac arddangosfa The Xiaoxiang Exhibition of International Printmaking (a oedd yn creu cyd-destunau rhyngwladol ar gyfer gwneud printiau Tsieineaidd, drwy arddangos dros 200 o brintiau gan 90 artist o Awstralia, Canada, Chile, Tsieina, Iwerddon, y DU ac UDA).

Yr Effaith

Cynhyrchu Cyfleoedd Newydd Sydd Wedi Ehangu Arferion Proffesiynol a Chreadigol

Cafodd arddangosfa The Xiaoxiang Exhibition of International Printmaking (2015) ei chydnabod yn Tsieina fel yr arddangosfa fwyaf uchelgeisiol erioed i gael ei chynnal yn nhalaith Hunan. Barnodd swyddogion y wlad fod y prosiect o arwyddocâd diwylliannol mawr, a denodd gyllid gan asiantaethau’r llywodraeth, yn eu plith Cymdeithas Artistiaid Tsieina a Chymdeithas Gwneud Printiau Tsieina.

Roedd arddangosfa Contemporary Chinese Printmaking, a deithiodd o amgylch y DU yn 2015-16, yn cynnig cyd-destun i gynulleidfaoedd rhyngwladol o arfer cyfoes yn Tsieina. I lawer o’r artistiaid dan sylw, dyma oedd y cyfle cyntaf iddyn nhw arddangos eu gwaith y tu allan i Tsieina.

Cyfoethogi Gwerthfawrogiad y Cyhoedd

Mae Paul wedi arddangos ei brintiau mewn sioeau unigol a grŵp yn genedlaethol ac yn rhyngwladol, ac wedi dyfeisio a chyfrannu at bortffolios print mawr. Drwy wneud hynny, mae wedi rhoi cyfleoedd newydd i gynulleidfaoedd cyhoeddus brofi gwneud printiau cyfoes, ac mae wedi cyfoethogi’r gwerthfawrogiad a’r ddealltwriaeth o wneud printiau fel math allweddol o fynegiant artistig.

Effaith Yng Nghymru

Yng Nghymru, mae Paul wedi meithrin ymwybyddiaeth o wneud printiau yn rhinwedd ei swydd fel sylfaenydd Cyngor Print Cymru a chadeirydd y cwmni cydweithredol rhanbarthol Argraffwyr Aberystwyth. Cynhaliodd weithdy gwneud printiau ar gyfer y cwmni hwnnw, yn ogystal â datblygu arddangosfeydd teithiol, dosbarthiadau meistr a rhaglen addysg gymunedol. Mae’n cysylltu aelodau o’r cwmni cydweithredol gyda’r ymarferwyr enwog sy’n ymweld, i greu printiau o dan ei oruchwyliaeth: Anne Desmet RA, Shani Rhys James MBE, Mary Lloyd Jones, Wuon Gean Ho, Marcelle Hanselaar, John Duffin RE a Stuart Pearson Wright.

Cafodd arddangosfa The Xiaoxiang Exhibition of International Printmaking (2015) ei chydnabod yn Tsieina fel yr arddangosfa fwyaf uchelgeisiol erioed i gael ei chynnal yn nhalaith Hunan. Barnodd swyddogion y wlad fod y prosiect o arwyddocâd diwylliannol mawr, a denodd gyllid gan asiantaethau’r llywodraeth, yn eu plith Cymdeithas Artistiaid Tsieina a Chymdeithas Gwneud Printiau Tsieina.

Cysylltwch â Ni

Fel Prifysgol, rydym bob amser yn awyddus i rannu ein gwybodaeth a’n harbenigedd yn ehangach er budd cymdeithas. Os hoffech chi ddarganfod mwy neu archwilio sut y gallwch chi gydweithio â’n hymchwilwyr, cysylltwch â’n tîm ymroddedig o staff yn yr Adran Ymchwil, Busnes ac Arloesi. Hoffem glywed gennych. Gyrrwch e-bost at:

ymchwil@aber.ac.uk

Astudiaethau Achos Effaith Ymchwil | Thema Ymchwil: Diwylliant